Agam 02 Ang 02 Sutrakrutang Sutra Shwetambar Agam Guna Manjusha

SR No.: 003252
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 55
Language: Prakrit
Classification: Book_Devnagari, Agam, Canon, & agam_sutrakritang
File Size: 6 MB

Page 16

फुफुफुफुफुफुफु
(२) सूयगडा प. सु. ३- अ. उपसत्र परिण्णा उ-३-४ / ४ अ इत्यथोपरिण्णा [६]
मुहुत्तो होति तारिसो । पराजियाऽवसप्पामो इति भीरु उवेहति ||२|| २०६. एवं तु समणा एगे अबलं नच्चाण अप्पगं । अणागतं भयं दिस्सा अवकप्पंतिमं सुयं ॥३॥ २०७. को जाणति विओवातं इत्थीओ उदगाओ वा । चोइज्जंता पवक्खामो न णे अत्थि पकप्पितं ॥ ४ ॥ २०८. इच्चेवं पडिलेहंति वलाइ पडिलेहिणो । वितिगिंछसमावण्णा पंथ व अकोविया ||५|| २०९. जे उ संगामकालम्मि नाता सूरपुरंगमा । ण ते पिट्ठमुवेहंति किं परं मरणं सिया || ६ || २१०. एवं समुट्ठिए भिक्खू वोसिज्जाऽगारबंधणं । आरंभं तिरियं कट्टु अत्तत्ताए परिव्वए ||७|| २११. तमेगे परिभासंति भिक्खुयं साहुजीविणं । जे ते उ परिभासंति अंतए ते समाहिए ॥ ८॥ २१२. संबद्धसमकप्पा हु अन्नमन्नेसु मुच्छिता । पिंडवायं गिलाणस्स जं सारेह दलाह य ॥ ९ ॥ २१३. एवं तुब्भे सरागत्था अन्नमन्नमणुव्वसा । नट्ठसप्पहसब्भावा संसारस्स अपारगा ॥ १० ॥ २१४. अह ते परिभासेज्जा भिक्खू मोक्खविसारए। एवं तुब्भे पभासेंता दुपक्खं चेव सेवहा || ११ || २१५. तुब्भे भुंजह पाएसु गिलाणाभिहडं ति य । तं च बीओदगं भोच्चा तमुद्देसादिजं कडं ||१२|| २१६. लित्ता तिव्वाभितावेण उज्जया असमाहिया । नातिकंडुइतं सेयं अरुयस्सावरज्झती ||१३|| २१७. तत्तेण अणुसट्टा ते अपडिण्णेण जाणया । ण एस णियए मग्गे असमिक्खा वई किती || १४ || २१८. एरिसा जावई एसा अग्गे वेणु व्व करिसिता । गिहिणं अभिहडं सेयं भुंजितुं न तु भिक्खुणं ||१५|| २१९. धम्मपण्णवणा जा सा सारंभाण विसोहिया । न तु एताहिं दिट्ठिहिं पुव्वमासि पकप्पियं ||१६|| २२०. सव्वाहिं अणुजुत्तीहिं अचयंता वित्तए । ततो वायं णिकिच्चा ते भुज्जो वि पगब्भिता ||१७|| २२१. रागदोसाभिभूतप्पा मिच्छत्तेण अभिद्दुत्ता। अक्कोसे सरणं जंति टंकणा इव पव्वयं ॥ १८ ॥ २२२. बहुगुणप्पगप्पाईं कुज्ना अत्तसमाहिए । जेणऽण्णो ण विरुज्झेज्जा तेण तं तं समायरे ||१९|| २२३. इमं च धम्ममादाय कासवेण पवेइयं । कुज्जा भिक्खू गिलाणस्स अगिलाए समाहिते ॥ २० ॥ २२४. संखाय पेसलं धम्मं दिट्टिमं परिनिव्वुडे । उवसग्गे नियामित्ता आमोक्खाए परिव्वज्जासि ॥ २१ ॥ त्ति बेमि | ★★ ★ ॥ ततिओ उद्देसओ समत्तो ॥ चउत्थो उद्देसओ★★★२२५. आहंसु महापुरिसा पुव्विं तत्ततवोधणा । उदएण सिद्धिमावण्णा तत्थ मंदे विसीयती ॥१॥ २२६. अभुंजिया णमी वेदेही रामगुत्ते य भुंजिया । बाहुए उदगं भोच्या तहा तारागणे रिसी || २ || २२७. आसिले देविले चेव दीवायण महारिसी । पारासरे दगं भोच्चा बीयाणि हरियाणि य || ३ || २२८. एते पुव्वं महापुरिसा आहिता इह संमता। भोच्चा बीओदगं सिद्धा इति मेतमणुस्सुतं ॥४॥ २२९. तत्थ मंदा विसीयंति वाहछिन्ना व गद्दभा । पिट्टतो परिसप्पति पीढसप्पी व संभमे ||५|| २३०. इहमेगे उ भासंति सातं सातेण विज्जती । जे तत्थ आरियं मग्गं परमं च समाहियं ||६|| २३१. मा एयं अवमन्नंता अप्पेणं लुंपहा बहुं । एतस्स अमोक्खाए अयहारि व्व जूरहा ||७|| २३२. पाणाइवाए वट्टंता मुसावाए असंजता । अदिन्नादाणे
य परिग्गहे ॥८॥ २३३. एवमेगे तु पासत्था पण्णवेंति अणारिया । इत्थीवसं गता बाला जिणसासणपरम्मुहा ||९|| २३४. जहा गंडं पिलागं वा परिपीलेज्ज मुहुत्त । एवं विण्णवणित्थीसु दोसो तत्थ कुतो सिया ॥ १०॥ २३५. जहा मंधादए नाम थिमितं भुंजती दगं । एवं विण्णवणित्थीसु दोसो तत्थ कुतो सिया ।। ११।। २३६. जहा विहंगमा पिंगा थिमितं भुंजती दगं । एवं विण्णवणित्थीसु दोसो तत्थ कुतो सिया ॥ १२ ॥ २३७. एवमेगे उ पासत्था मिच्छादिट्ठी अणारिया । अज्झोववन्ना कामेहिं पूणा इव तरुण || १३ || २३८. अणागयमपस्संता पच्चुप्पन्नगवेसगा। ते पच्छा परितप्पंति झीणे आउम्मि जोव्वणे ||१४|| २३९. जेहिं काले परक्कंतं न पच्छा परितप्पए । ते धीरा बंधणुम्मुक्का नावकखंति जीवियं ॥ १५ ॥ २४० . जहा नदी वेयरणी दुत्तरा इह सम्मता । एवं लोगंसि नारीओ दुत्तरा अमतीमता ।। १६ ।। २४१.
नारीण संजोगा पूणा पिट्ठतो कता । सव्वमेयं निराकिच्या ते ठिता सुसमाहिए || १७ || २४२. एते ओघं तरिस्संति समुहं व ववहारिणो । जत्थ पाणावणा कच्ची सम्मुणा || १८|| २४३. तं च भिक्खू परिण्णाय सुव्वते समिते चरे। मुसावायं विवज्जेज्जाऽदिण्णादाणाइ वोसिरे ||१९|| २४४. उड्डमहे तिरियं वा जे केई तस-थावरा । सव्वत्थ विरतिं कुज्जा संति नेव्वाणमाहितं ॥२०॥ २४५. इमं च धम्ममादाय कासवेण पवेदितं । कुज्जा भिक्खू गिलाणस्स अगिलाए समाहिते ॥२१॥ २४६. संखाय पेसलं धम्मं दिट्ठिमं परिनिव्वुडे । उवसग्गे नियामित्ता आमोक्खाए परिव्वज्जासि ||२२|| त्ति बेमि । ★★★ ॥ उवसग्गपरिण्णा तइयं अज्झयणं सम्मत्तं ॥ ४ चउत्थं अज्झयणं 'इत्थीपरिण्णा' पढमो उद्देसओ २४७. जे मातरं च पितरं च, विप्पजहाय पुव्वसंयोगं । एगे सहिते चरिस्सामि, आरतमेहुणे विवित्तेसी || १ || २४८. सुहुमेण तं परक्कम्म, छन्नपदेण इत्थिओ मंदा । उवायं पि ताओ जाणिसु, जह लिस्संति भिक्खुणो एगे ||२||
श्री आगमगुणमंजूषा ६०
5555555555555