Agam 01 Ang 01 Acharanga Sutra Shwetambar Agam Guna Manjusha

SR No.: 003251
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 70
Language: Prakrit
Classification: Book_Devnagari, Agam, Canon, F000, F001, & agam_acharang
File Size: 10 MB

Page 38

KO195555555555
(ए) आयारो- बी. सु.१ अ. पिंडेसणा उद्देसक-१-६७.[२२]
5555555555FONOR
र आउसंतो समणा ! मा णं तुमं परिभाएहि, सव्वे वेगतिया भोक्खामो वा पाहामो वा । से तत्थ भुंजमाणे णो अप्पणो खद्धं खद्धं जाव लुक्खं । से तत्थ अमुच्छिए ४
बहुसममेव भुजेज्ज वा पाएज्ज वा । से भिक्खू वा २ जाव समाणे से जं पुण जाणेज्जा, समणं वा माहणं वा गामपिंडोलग वा अतिहिं वा पुव्वपविट्ठ पेहाए णो ते उवातिक्कम्म पविसेज वा ओभासेज वा। सेत्तमायाए एगंतमवक्कमेज्जा, २ ता अणावायमसंलोए चिट्ठज्जा। अह पुणेवं जाणेज्जा पडिसेहिए व दिपणे वा. तओ तम्मि णिवट्टिते संजयामेव पविसेज वा ओभासेज्ज वा । ३५८. एतं खलु तस्स भिक्खुस्स वा भिक्खुणीए वा सामग्गियं ।★★★। पिण्डैषणाध्ययनस्य पञ्चम: ||★★★ छट्ठो उद्देसओ ३५९. से भिक्खूवा २ जाव समाणे से ज्ज पुण जाणेज्जा, रसेसिणो बहवे पाणा घासेसणाए संथडे संणिवतिएपेहाए, तंजहा कुक्कुडजातियं वा सूयरजातियं वा, अग्गपिंडंसि वा वायसा संथडा संणिवतिया पेहाए, सति परक्कमे संजया णो उज्जुयं गच्छेज्जा । ३६०. से भिक्खू वा २ जाव समाणे णो गाहावतिकुलस्स दुवारसाहं अवलंबिय २ चिट्ठज्जा, णो गाहावतिकुलस्स दगछड्डणमेत्तए चिट्ठज्जा, णो गाहावतिकुलस्स चंदणिउयए चिट्ठज्जा, णो गाहावतिकुलस्स असिणाणस्स वा वच्चस्स वा संलोए सपडिदुवारे चिट्ठज्जा, णो गाहावतिकुलस्स आलोयं वा थिग्गलं वा संधि वा दगभवणं वा बाहाओ पगिज्झिय २ अंगुलियाए वा उद्दिसिय २ ओणमिय २ उण्णमिय २ णिज्झाएज्जा । णो गाहावतिं अंगुलियाए उद्दिसिय २ जाएज्जा, णो गाहावतिं अंगुलियाए चालिय २ जाएजा, णो गाहावतिं अंगुलियाए तज्जिय २ जाएज्जा, णो गाहावतिं अंगुलियाए उक्खुलंपिय २ जाएज्जा, णो गाहावतिं वंदिय २ जाएज्जा, णी व णं फरुसं वदेज्जा । अह तत्थ कंचि भुजमाणं पेहाए तंजहा गाहावतिं वा जाव कम्मकरिं वा से पुव्वामेव आलोएज्जा आउसो ति वा भइणी ति वा दाहिसि मे एत्तो अण्णतरं भोयणजातं ? से सेवं वदंतस्स परो हत्थं वा मत्तं वा दव्विं वा भायणं वा सीतोदगवियडेण वा उसिणोदगवियडेण वा उच्छोलेज वा पधोएज्ज वा। से पुव्वामेव आलोएज्जा आउसो ति वा भगिणी ति वा मा एतं तुम हत्थं वा मतं दव्विं वा भायणं वा सीतोदगवियडेण वा उसिणोदगवियडेण वा उच्छोलेहि वा पधोवाहि वा, अभिकंखसि मे दातुं एमेव दलयाहि। से सेवं वदंतस्स परो हत्थं वा ४ सीतोदगवियडेण वा उसिणोदगवियडेण वा उच्छोलेत्ता पधोइत्ता आहट्ट दलएज्जा । तहप्पगारेणं पुरोकम्मकतेणं हत्थेण वा ४ असणं वा ४ अफासुयं अणेसणिज्जंजावणोपडिगाहेजा। अह पुणेवं जाणेज्जा णो पुरेकम्मकतेणं, उदउल्लेणं। तहप्पगारेणं उदउल्लेण हत्थेण वा ४ असणं वा ४ अफासुयं जाव णो पडिगाहेज्जा । अह पुणेवं जाणेज्जा-णो उदउल्लेण, ससणिद्धेण । सेसं तं चेव । एवं ससरक्खे मट्टिया ऊसे हरियाले हिंगुलुए मणोसिला अंजणे लोणे-गेरूय वण्णिय ॥ सेडिय सोरठ्ठिय पिठ्ठ कुक्कुस उक्कुट्ठ असंसटेण । अह पुणेवं जाणेज्जा णो असंसटे संसटे। तहप्पगारेण संसटेण हत्थेण वा ४ असणं वा ४ फासुयं जाव पडिगाहेज्जा। अह पुण एवं जाणेज्जा-असंसढे, संसठे। तहप्पगारेण संसटेण हत्थेण वा ४ असणं वा ४ फासुयं जाव पडिगाहेज्जा। ३६१. से भिक्खू वा २ जाव समाणे से जं पुण जाणेज्जा पिहुयं वा बहुरयं वा जाव चाउलपलंब वा अस्संजए भिक्खुपडियाए चित्तमंताए सिलाए जाव मक्कडासंताणाए कोट्टिसु वा कोट्टेति वा कोट्टिस्संति वा उप्फणिसु वा ३। तहप्पगारं पिहुयं वा जाव चाउलपलंबं वा अफासुयं जावणोपडिगाहेज्जा। ३६२. से भिक्खूवा २ जाव समाणे से ज्नं पुण जाणेज्जा-बिलं वालोणं उब्भियं वा लोणं अस्संजए भिक्खुपडियाए चित्तमंताए सिलाए जाव संताणाए भिदिसु वा भिदंति वा भिदिस्संति वा रुचिंसु वा ३, बिलं वा लोणं उब्भियं वा लोणं अफासुयं जाव णो पडिगाहेज्जा। ३६३. से भिक्खू वा २ जाव समाणे से ज्ज पुण जाणेज्जा-असणं वा ४ अगणिणिक्खित्तं, तहप्पगारं असणं वा ४ अफासुयं लाभे संते णोपडिगाहेज्जा । केवली बूया-आयाणमेतं । अस्संजए भिक्खुपडियाए उस्सिंचमाणे वा निस्सिंचमाणे वा आमज्जमाणे वा पमज्जमाणे वा उतारेमाणे वा उयत्तमाणे अगणिजीवे हिंसेज्जा । अह भिक्खूणं पुव्वोवदिट्ठा एस पतिण्णा, एस हेतू, एस कारणं, एसुवदेसे-जंतहप्पगारं असणं वा ४ अगणिणिक्खित्तं अफासुयं अणेसणिज्नं लाभे संते णो पडिगाहेजा। ३६४. एतं खलु तस्स भिक्खुस्स वा भिक्खुणीए वा सामग्गियं ★★★| पिण्डैषणाध्ययनस्य षष्ठोद्देशक: समाप्तः ||★★★ सत्तमो उद्देसओ ३६५. से भिक्खू वा २ जाव समाणे से जं पुण जाणेज्जा-असणं वा ४ खंधंसि वा थमंसि वा मंचंसि वा मालंसि वा पासादसि वा हम्मियतलंसि वा अण्णयरंसि वा तहप्पगारंसि अंतलिक्खजायंसि उवणिक्खिते सिया। तहप्पगारं मालोहडं असणं वा ४ अफासुयं णो पडिगाहेज्जा। केवली बूया-आयाणमें।
SO乐乐听听听听听听听听听听听听听听听听听听听听听听听听听听听听听听听听听听听听听听听听听听听听听配
excFF55555555555555555555 श्री आगमगुणमंजूषा - २२5555555555555555555555555