________________
भावसंग्रहः ।
स्थविरादिगणत्राणपोषणाहितमानसाः । ततः स्थविरकल्पस्था भण्यन्ते गणनायकैः ॥ २७७ ॥ संप्रति दुःपमे काले नीचसंहननाश्रयात् । संजोता नगर ग्रामजिनावासनिवासिनः ।। २७८ ॥ नीचसंहननं कालो दुसह चपलं मनः । तथापि संयमोद्युक्ता महाव्रतधुरंधराः ।। २७९ ॥ पुस्तकं च यथायोग्यं गृह्णन्ति संयमार्थिनः । अनवद्यं विशुद्धं यद्विना याचनयागतम् ॥ २८० ॥ गृह्णन्ति यतयो वस्तु दर्शनाद्यविघातकम् ।. न तद्विरोधि वस्त्रादि यत्र सावद्यसंभवः ॥ २८१ ॥ ईदृक्स्थविरकल्पः स्यात्सर्वसंगपरिच्युतः । अन्यो गृहस्थकल्पोऽयं यत्र वस्त्रादिसंग्रहः ॥ २८२ ॥ अयं गृहस्थकल्पस्तु निर्दिष्टः श्वेतवासंसां । इन्द्रियार्तिहरस्तेषां मुक्तये नैव जायते ॥ २८३ ॥ इत्येतन्मतमालम्ब्य ये वर्तन्ते यदृच्छया । मिथ्यात्वान्धतमस्तोमपटलावृतलोचनाः ।। २८४ ॥ ये चान्ये काष्ठसंघाद्या मिथ्यात्वस्य प्रवर्तनात् । आयत्यां प्राप्नुयुर्दुःखं चतुर्गतिषु सन्ततम् ॥ २८५ ॥ इति ग्रन्थमोक्षमार्ग - श्वेताम्बरमतनिराकरणम् ।
Jain Education International
१ संवाह. ख. | ग्रामविशेषः । २ वाससा ख. । ३ ख - पुस्तकेऽयं श्लोको नास्ति ।
१७७
For Private & Personal Use Only
www.jainelibrary.org
