________________
६४
आचारसारे
चपापावादिनिर्वाणक्षेत्रादीनि पवित्रताम् ।
वंद्यतां च व्रजत्येव वंद्य संगमतस्तथा ॥ २९ ॥ ( युग्मम् ) मत्वेति जिनगेहादिं त्रिःपरीत्य कृतांजलिः । प्रकुर्वस्तच्चतुर्दिक्षु सत्र्यावर्त्ता शिरोनतिम् ॥ ३० ॥ घोरसंसारगंभीरवारिराशौ निमज्जताम् ।
दत्तहस्तावलंबस्य जिनस्यार्चार्थमाविशेत् ॥ ३१ ॥ ( युग्मम् )
जिनेशतारकाधीशपादसंपादितोत्सवः ।
श्रीलीलामन्दिरस्वीयलोचनेन्दीवरः पुनः ॥ ३२ ॥
ईर्याssगः शुद्धयै व्युत्सर्ग कृत्वाऽऽसीनोऽनुकंपया । आलोच्य समतां वर्या कुर्यादात्मेच्छयाऽन्यदा ॥ ३३ ॥ (युग्मम् ) लक्षणं समतादीनां पुरोक्तं किन्तु वर्ण्यते । व्युत्सर्गाव सरोच्छ्राससंख्यानामादि साम्प्रतम् ॥ ३४ ॥ क्रियायामस्यां व्युत्सर्गे भक्तेरस्याः करोम्यहम् । विज्ञाप्येति समुत्थाय गुरुस्तवनपूर्वकम् ॥ ३५ ॥ कृत्वा करसरोजातमुकुलालंकृतं निजम् । भाललीलासरः कुर्यात् त्र्यावर्त्ता शिरसो नतिम् ॥ ३६ ॥ आद्यस्य दंडकस्यादौ मंगलादेरयं क्रमः । तदन्तेऽप्यगव्युत्सर्गः कार्योतस्तदनन्तरम् ॥ ३७ ॥
कुर्यात्तथैव ' थोस्सामी.' त्याद्यार्याद्यंतयोरपि । इत्यस्मिन द्वादशावर्त्ताः शिरोनतिचतुष्टयम् ॥ ३८ ॥ ( युग्मम् ) ग्रन्थारंभ समाप्तौ च स्वाध्याये स्तवनादिषु । सप्तविंशतिरुच्छ्रासा व्युत्सर्गे दुर्मनस्यपि ॥ ३९ ॥ व्रतेत्वन्यतमस्याऽतिचारशुद्धेर्दिनस्य च । स्यात्प्रतिक्रमणेऽष्टाग्रशतं रात्र्यास्तु तद्दलम् ॥ ४० ॥ पाक्षिके त्रिशतं चातुर्मासिके स्याच्चतुः शतम् । शतानि पंच संवत्सरस्य षट्सु क्रियान्तगे ॥ ४१ ॥
Jain Education International
For Private & Personal Use Only
www.jainelibrary.org
