Page Text
________________
श्रीउदयप्रभाचार्यविरचिता
यत्रारिक्षत्रगोत्रक्षयकरणरणाद्वैतवैतण्डिकेऽपि,
क्ष्मापालाः क्रुद्धकालादिव निरगुरसेर्यत्प्रसादेन वेगात् । तावंही नम्रदेहाः करपरिमलनैर्मानयन्तो नयन्तो,
मूर्ध्नाऽप्यूर्द्ध लघीयस्त्रिदशगृहगुहागर्भगुप्ताः प्रसुप्ताः
॥ ३६ । सेवालन्ति पयः समुद्रति दिशामन्तेषु मध्येनभः, सारजन्ति शशाङ्कति भुवने दानन्ति दन्तीन्द्रति । पुष्पस्तोमति षट्पदन्त्यनुलताखण्डं सुधाकुण्डति, श्वश्रान्तर्भुजगन्ति यस्य यशसि प्रत्यर्थिदुष्कीर्तयः ॥ ३७| तत्कामश्रीरजनि जगतीकामुकः कर्णदेवः, किं वर्ण्यन्ते सुकृतसुकृता यस्य शुद्धान्तवध्वः ? । अस्वप्नीभिर्मनुजसुदृशो बह्वमन्यन्त धन्यम्मन्या ध्यानव्यसनजनितैस्वप्नयद्भोगभाजः
॥ ३८ ॥
कान्तं यं वीक्ष्य यान्तं प्रणयमयरुषा स्वप्नलब्धं प्रबुद्धास्तद्बुद्ध्या न्यस्तहस्ता लिखितरतिपतेरञ्चले चञ्चलाक्ष्यः । मूर्च्छालाश्चित्रशालाभुवि भवति विभुर्नायमित्यस्त्रहस्तस्तत्ता हन्ति स्म मूर्त्तः स्वपरिभवभवन्मानभूमिर्मनोभूः
॥ ३९ ॥
कान्ते कृष्णेऽभिभूते जगदवनपुषा बाहुना विग्रहेण, क्षिप्ते सूनावनङ्गे पितरि जलपतौ निर्जिते सैन्यपूरैः । बन्धौ दोषाकरे तु प्रथममपि मुखालोकभद्मप्रभावे, लक्ष्म्यास्तेनेह तेने हरणमुरुयशोदौत्यदत्त स्पृहायाः ॥४० मौक्तिकद्युतिजलोज्ज्वलमन्तर्मूर्ध्नि कुम्भयुगलं कलयद्भिः । योऽवरोधविधुरैर्मलिनाङ्गैर्वैरिभिः करिकुलैश्च सिषेवे
Jain Education International
[ थम
॥ ४१ ॥
अर्थव्यर्थितदुस्थदुर्विधिलिपिर्द्विट्कुम्भिकुम्भच्छिदासिंहः श्रीजयसिंहदेव नृपतिः श्रीवेश्म तस्मादभूत् । सङ्ख्यासश्यहतावनीधवनवस्वर्वासिसन्तुष्टये, चक्रे यः ऋतुचक्रवालमवनीशक्रो न शक्रश्रिये ॥ ४२ ॥ पद्मा पद्ममपास्य पङ्कजनितं यस्यारिकेशावली रोलम्बप्रविरोलदङ्गुलिदलं भेजे कराम्भोरुहम् । शेषं वायुवशं विसृज्य सबलं दोर्नागमागादसिः, कृष्णोऽपि प्रियमेलकाभिधमभूत् तत्तीर्थमेतद्भुजः ॥४३॥ न्यस्यावश्यं शिरसि विरसं क्रन्दतां पादमेषां राज्यं ग्राह्यं द्रुतमिति रणे यः प्रतिज्ञां प्रतेने । एतत्पादोपरि तु परितः स्वं परित्यस्य मौलिं प्रीतैरन्तः प्रतिनृपतिभिः प्रत्युत प्रापि लक्ष्मीः ॥ ४४ ॥ वाजश्राजितवाजिराजिचरणक्षुण्णक्षमामण्डलप्रोद्यत्क्षोदकदम्बडम्बरपरिच्छन्नाम्बरे सङ्गरे । यत्कौक्षेयकदण्डखण्डितरिपुक्ष्मापालमालावृतिव्यासक्ता न परं पुरन्दरपुरीनार्यः स्वकार्यक्षमाः ॥ ४५ ॥ शोषः सैष जवाद् यशोजलनिधौ शान्तिः प्रतापानले, शत्रूणां शिरसि च्युतेऽपि हसितं नृत्तं कबन्धेष्वपि । सत्यं सङ्गरसङ्गरस्य महिमा सोत्साहमन्त्रस्थितेर्यस्योच्चैः करवाल एव स कथं सिद्धो न सिद्धाधिपः १ ॥४६॥ बिडौजसि गते भयादनिबिडौजसि स्वर्गिरिं, तदीयदिशि यः स्फुरन्निह महो- यशः क्ष्मारुहौ । अरोपयदहो ! पयः पतितटेऽधुनाऽप्यन्वहं ततोऽभ्युदयतो नवौ रवि - निशाधवौ पल्लवौ ॥ ४७ ॥ रक्ष्यां रक्षितुमक्षमे दिशमपि श्यामे सदुःखे यमे, यद्भृत्यैरभिभूतदक्षिणककुब्भागैर्द्विषो भाविभीः । मास्म द्राक्ष्महि दुःसहैरिति नताः पाराय वारांनिधेर्भेजुः सेतुभुवं ततः कपिभयाच्चुक्षोभ रक्षोभरः ॥४८॥
१ पद्यमिदं उदयप्रभीयवस्तुपालस्तुतौ अष्टमपद्यत्वेनापि वर्त्तते ॥ २ युविपिने उदयप्रभीयवस्तुपालस्तुतौ ॥ ३ 'नितं स्व' कां० ॥ ४ °त्यस्तहस्तां मुद्रिते ॥ ५ 'धुरैर्मिलिताः, मुद्रिते ॥ ६ अर्थिष्य मुद्रिते || ७ विभिः मुद्रिते ॥
For Private & Personal Use Only
www.jainelibrary.org
| SR No. | 002919 |
| Book Title | Vastupal Prashasti Sangraha |
| Original Sutra Author | N/A |
| Author | Punyavijay |
| Publisher | Singhi Jain Shastra Shiksha Pith Mumbai |
| Publication Year | 1963 |
| Total Pages | 154 |
| Language | Sanskrit, Hindi |
| Classification | Book_Devnagari & History |
| File Size | 9 MB |