Page Text
________________
रैवतकाद्रिमण्डनश्रीनेमिजिनस्तवः ।
॥१
॥
जयत्यसमसंयमः शमितमन्मथप्राभवो, भवोदधिमहातरिर्दुरितदावपाथोधरः । तपस्तपनपूर्वदिक्कलुषकर्मवल्लीगजः, समुद्रविजयाङ्गजस्त्रिभुवनैकचूडामाणिः अहङ्कतिलतायुधं प्रमदमान्द्यसिद्धौषधं, मदेन्धनधनञ्जयः स्मरकरीन्द्रकण्ठीरवः । स्पृहारजनिवासरः प्रथितपकतीव्रातपः, समुद्रविजयात्मजः स्फुरतु मानसे मेऽनिशम् ॥२॥ मेरुर्मे रुचिमातनोति न मुधा मानी हिमानीगिरिः, कैलासस्तु न वस्तुतः स्तुतिपदं वन्ध्यः स विन्ध्याचलः। श्लाघ्यो रैवत एव केवलमयं शृङ्गाणि शृङ्गारय-त्युच्चैर्यस्य जगत्रयस्तुतिपदः श्रीनेमिकल्पद्रुमः ॥३॥ संसारार्तितपोपतापशमनश्रद्धालवः! किं मुधा, राग-द्वेषदवोल्मुकैर्बत ! बुधाः! सेव्यान्तरैः सेवितैः ।। आजन्मोपशमामृतैकसरसः श्रीरिष्टनेमिप्रभो-निर्वृत्यौपयिकं पदाम्बुजयुगं धत्त प्रसक्तं हृदि ॥४॥ यस्यानीकवधूभिरेव विजिताः स्व-भू-र्भुवःस्वामिनो, मौलौ शासनमुद्वहन्ति भुवने देवोऽयमेकः स्मरः । सोऽप्याजन्मजितः करोति न करे जैत्रं धनुर्य प्रति, प्रीति रैवतदैवतं वितनुतां देवाधिदेवः स वः ॥५॥ येषां मूर्तिरसौ तवेश ! परमानन्दैकनिस्यन्दिनी, ध्यानावेशवशंवदा स्मृतिपथे शश्वत् पुनीतेतमाम् । ' तेषां सम्मदवारिपूरितदृशां शैवेय! नैवेयम-प्याधत्ते मनसश्चमत्कृतिसुखं सा सिद्धिसीमन्तिनी ॥ ६॥ साम्राज्यं चतुरणवीनिवसनक्षोणीशमौलिस्खल-त्पादाब्जं न सुरा-ऽसुरेन्द्रमुकुटस्पृष्टांहिपीठं च न । सिद्धिं शाश्वतसौख्यसङ्गसुभगां नाभ्यर्थये किन्तु मे, श्रीशैवेय! तवेयमस्तु चरणाम्भोजेषु भक्तिभृशम् ॥७॥ नेपथ्यैरतिथीभवत्पृथुतरापथ्यैरतथ्यप्रथै-रुद्यद्वैद्युतडम्बरैः किमपरैरेकैव भूयान्मम । आश्लेषस्पृहयालुमुक्तियुवतिप्रीतिप्रियम्भावुका, श्रीमन्नेमिजिनेशितुः स्तुतिरियं अवेयकं शाश्वतम् ॥ ८॥
इत्थं श्रीवस्तुपालः सुकृतसुरतरोरालवालस्त्रिलोकी
स्वामिन् नेमे ! त्वदीयक्रमकमलरजःपुञ्जपुण्यैकभालः । संघाधीशथुलुक्यक्षितिपतिसचिवः शारदाधर्मसनुविज्ञप्तिं ते विधत्ते प्रथय मम सदा दर्शनेन प्रसादम्
॥ ९ ॥ श्रीसचभर्तृसचिवेश्वरवस्तुपालक्लप्तेन नेमिनमनेन किलाष्टकेन । यः स्तौति तस्य कमलामविलम्बमम्बादेवी तनोत्यतनु सन्तनुते च तेजः ॥१०॥ ॥ इति गूर्जरेश्वरमहामात्यश्रीवस्तुपालकृतो रैवतकाद्रि
मण्डनश्रीनेमिजिनस्तवः ॥
Jain Education International
For Private & Personal Use Only
www.jainelibrary.org
| SR No. | 002919 |
| Book Title | Vastupal Prashasti Sangraha |
| Original Sutra Author | N/A |
| Author | Punyavijay |
| Publisher | Singhi Jain Shastra Shiksha Pith Mumbai |
| Publication Year | 1963 |
| Total Pages | 154 |
| Language | Sanskrit, Hindi |
| Classification | Book_Devnagari & History |
| File Size | 9 MB |