________________
४३७
-गा० ४६१]
- १२. धम्माणुवेक्खादोसं ण करेदि सयं अण्णं पि ण कारएदि जो तिविहं । कुवाणं पि ण इच्छदि तस्स विसोही परा' होदि ॥ ४५१ ॥ अह कह' वि पमादेण य दोसो जदि एदि तं पि पयडेदि । णिहोस-साहु-मूले 'दस-दोस-विवजिदो होदं ॥ ४५२ ॥ जं किं पि तेण दिण्णं तं सवं सो करेदि सद्धाए । णो पुणु हियए संकदि किं थोवं किं पि बहुयं वा ॥ ४५३ ॥ पुणरवि काउंणेच्छदि तं दोसं जइ वि जाइ सय-खंडं । एवं णिच्छय-सहिदो पायच्छित्तं तवो होदि ॥ ४५४ ॥ जो चिंतइ अप्पाणं णाण-सरूवं पुणो पुणो णाणी। विकहा-विरत्त-चित्तो पायच्छित्तं वरं तस्स ॥ ४५५ ॥ विणओ पंच-पयारो दंसण-णाणे तहा चरित्ते य । बारस-भेयम्मि तवे उवयारो बहु-विहो णेओ ॥ ४५६ ॥ दसण-णाण-चरित्ते सुविसुद्धो जो हवेइ परिणामो। बारस-भेदे" वि तवे सो चिये विणओ हवे तेसिं ॥ ४५७ ॥ रयणत्तय-जुत्ताणं अणुकूलं जो चरेदि" भत्तीए। . भिचो जंह रायाणं उवयारो सो हवे विणओ ॥ ४५८ ॥ जो उवयरदि जदीणं उवसग्ग-जराइ-खीण-कायाणं । पूयादिसु णिरवेक्खं वेजावचं तवो तस्स ॥ ४५९ ॥ जो वावरइ सरूवे सम-दम-भावम्मि सुद्ध-उवजुत्तो। लोय-ववहीर-विरदो वेयांवचं परं तस्स ॥ ४६० ॥ पैर-तत्ती-णिरवेक्खो दुट्ठ-वियप्पाण णासण-समत्थो । तष-विणिच्छय-हेदू सज्झाओ झाण-सिद्धियरो ॥ ४६१ ॥
ब इच्छइ । २ लमग परो। ३ ब कहव । ४ ब दहदोसविवजिउ । ५ ब होदि (१)। ६ लम किमु बहुवं वा (स बहुवं य), ग थोविं किमु बहुव वा। ७ ब णेच्छदि (?) लमस णिच्छदि, गणच्छादि। ८ग सह। ९ब होति । १. लसग विकहादिविरत्तमणो, (मम १२ लमसग विणयो। १३ म उअयारो। १४ ब भेउ, म भेए। १५ व तवो (?)। १६ ब चिय। १७ब परे। १८ग जिह । १९ लमसग पूजादिसु। २० ब (१) लमग विज्जावचं । २१ लमसग सुद्धि। २२ म विवहार । २३ ब विरो। २४ म विजावचं, (?)स वेजावञ्चं । २५ ग परतिती।
Jain Education International
For Private & Personal Use Only
www.jainelibrary.org
