________________
४२२
-कत्तिगेयाणुप्पेक्खा
[गा० २८१को ण वसो इत्थि-जणे कस्स ण मयणेण खंडियं माणं । को इंदिएहिँ ण जिओ को ण कसाएहि संतत्तो ॥ २८१ ॥ सो ण वसो इत्थिं-जणे सो ण जिओ इंदिएहि मोहेणं । जो ण य गिहदि गंथं अब्भंतर-बाहिरं सर्व ॥ २८२ ॥ एवं लोय-सहावं जो झायदि उवसमेक-सब्भावो । सो खविय कम्म-पुंजे तिल्लोय-सिहामणी होदि ॥ २८३ ॥'
११. बोहिदुलहाणुवेक्खा जीवो अणंत-कालं वसइ णिगोएसु आइ-परिहीणो। तत्तो णिस्सरिदूणं पुढवी-कायाँदिओ होदि ॥ २८४ ॥ तत्थ वि असंख-कालं बायर-सुहुमेसु कुणई परियत्तं । चिंतामणि व दुलहं तसत्तणं लहँदि कटेण ॥ २८५॥ वियलिदिएसु जायदि तत्थ वि अच्छेदि पुव-कोडीओ। तत्तो णिसरिदूणं कहमवि पंचिंदिओ" होदि ॥ २८६ ॥ सो वि मणेण विहीणो ण य अप्पाणं परं पि जाणेदि । अह मण-सहिदो होदि हु तह वि तिरिक्खो हवे रुद्दो ॥ २८७ ॥ सो तिव-असुह-लेसो णेरये णिवंडेइ दुक्खदे भीमे । तत्थ वि दुक्खं भुंजदि सारीरं माणसं पउरं ॥ २८८ ॥ तत्तो णिस्सरिदूणं पुणरवि तिरिएसु जायदे पायो। तत्थ वि दुक्खमणंतं विसहदि जीवो अणेयविहं ॥ २८९ ॥ रयणं चउप्पहे पिव मणुयत्तं सुट्ट दुल्लहं लहिये ।
मिच्छो हवेइ जीवो तत्थ वि पावं समजेदि ॥ २९० ॥ १ब न। २ ग कस्से। ३ ब न। ४ म एत्थ-जणे, स एछि जणे, ग एत्थ जए। ५ ब मोहेहि । ६ग गिण्णदि गंथं अभितर। ७ ब उबसमेक, म उवसमिक। ८ लमसग तस्सेव। ९ब इति लोकानुप्रेक्षा समाप्तः॥१०॥ जीवो इत्यादि। १०लसमग णीसरिऊणं......कायादियो। ११ल कणय (कणियो)। १२ ब लहह। १३ ब णिसरि', लमसग णीसरिऊणं । १४ ब कहमिवि। १५ ब पंचिदियो, लम पंचेंदियो, ब पंचंदियो। १६ स वि।१७ब सहिदो (?), लमग सहिओ। १८लमग तिरक्खो। १९ बलमग णरयं, स गरये (?)[णरयम्मि पडेह]। २० म णिवडेदि । २१ लमसग णीसरिऊणं । २२ ब पावो (?), लसग पावं, म पाउं। २३ ब चउप्पहेवा। २४ ब लहिवि ।
Jain Education International
For Private & Personal Use Only
www.jainelibrary.org
