________________
पाठ - 9 अमंगलियपुरिसस्स कहा
1. एगंमि नयरे एगो अमंगलिओ मुद्धो पुरिसो आसि। सो एरिसो अत्थि, जो को वि पभायंमि तस्स मुहं पासेइ, सो भोयणं पि न लहेज्जा। पउरा वि पच्चूसे कया वि तस्स मुहं न पिक्खंति। नरवइणा वि अमंगलियपुरिसस्स वट्टा सुणिआ। परिक्खत्थं नरिंदेण एगया पभायकाले सो आहूओ, तस्स मुहं दिटुं जया राया भोयणत्थमुवविसइ, कवलं च मुहे पक्खिवइ, तया अहिलंमि नयरे अकम्हा परचक्कभएण हलबोलो जाओ। तया नरवइ वि भोयणं चिच्चा सहसा उत्थाय ससेण्णो नयराओ बाहिं निग्गओ।
2. भयकारणमदट्ठण पुणो पच्छा आगओ। समाणो नरिंदो चिंतेइ'अस्स अमंगलियस्स सरूवं मए पच्चक्खं दिटुं तओ एसो हंतव्वो' एवं चिंतिऊण अंमगलियं बोल्लाविऊण वहत्थं चंडालस्स अप्पेइ। जया एसो रुयंतो, सकम्मं निंदतो चंडालेण सह गच्छं तो अत्थि, तया एगो कारुणिओ बुद्धिनिहाणो वहाई नेइज्जंतमाणं तं दट्टणं कारणं णच्चा तस्स रक्खणाय कण्णे किंपि कहिऊण उवायं दंसेइ। हरिसंतो जया वहत्थंभे ठविओ, तया चंडालो तं पुच्छइ- 'जीवणं विणा तव कावि इच्छा सिया, तया मग्गियव्वं ।' सो करेइ- 'मज्झ नरिंदमुहदसणेच्छा अत्थि' तया सो नरिंदसमीवमाणीओ। नरिंदो तं पुच्छ इ- 'किमेत्थ आगमणपओयणं?'
प्राकृत गद्य-पद्य सौरभ
Jain Education International
For Private & Personal Use Only
www.jainelibrary.org
