________________
सिरिइंदहंसगणिविरड्य
पिउणो वइरं चितंतेणं तेणं हो अ जमदग्गी । कुविएण परसुरामेण कतवीरिअनिवो निहओ ॥१६७७।। गयपुररज्जं गहि च परसुरामेण सत्तवंतेण । निवभजा 'साहाणा नट्ठा ताराभिहाणा य ॥१६७८।। सा तावसस्स आसमठाणम्मि गया भयाउला सिग्छ । निअभूमिहरे ठविआ 'पविपंजरसंनिहे रिसिणा ॥१६७९।।। तीए गब्भाओ सो ससंभमाए पडंतओ पुत्तो। भूमीए लग्गो तेण कयं नामं सुभूमुत्ति ॥१६८०॥ 'निक्खत्तिआ धरित्ती कया परसुरामभूमिनाहेण । पसरंतपयावविजिअदिणवणा सत्तवारा य ॥१६८१॥ रापण एगया पुच्छिओ अ नेमित्तिओ इगो ताव । कस्स पुरिसस्स य करेण मज्झ मरणं भविस्सइ भो! ॥१६८२।। तेणं भणि नरवर ! खत्तिअदाढाभरेण भरिअव्वं । थालं हवंति खीरं दाढाउ जस्स दिट्टीए ॥१६८३।। जो भुंजह तं खीरं तस्स करेण मरणं च तुह भावि । अह परसुरामरायण मंडिआ दाणसाला य ॥१६८४॥ तत्थ य थालं तं मंडिअं च सीहासणम्मि भूवेण । सक्कारिज्जति तओ नाणादेसागया लोआ ॥१६८५।। इत्थंतरम्मि किर मेहनायविजाहरेण एगयरो। नेमित्तिओ अ पुट्ठो पुत्तीए को वरो भावी ? ॥१६८६।। कालत्तयविउणा तेणं कहि तुज्झ 'अत्तजायाए । कंतो सुभूमनामो भावि तावसयठाणठिओ ॥१६८७।। तेण वयणेण मुइओ सेवइ विजाहरो सुभूमं तं । दिन्नाओ विजाओ इमस्स विजाहरेण तओ ॥१६८८।। रायसुओ निअमायं पुच्छइ भूमी किमेअमाण त्ति ? । जणणीए रोअंतीए भणिओ पुठववुत्तंतो ॥१६८९॥ जणणीवयणं सोउं अभिमाणजलोहपूरिअमणद्धो (?) । गच्छामि अप्पसत्तुं समुलमुम्मूलएमि अहं ॥१६९०॥ इअ भणिउं रायसुओ गयपुरनयरं गओ तओ तस्स । दिट्ठीए दाढाओ जायाओ खीररूवाओ ॥१६९१।।
१. साधाना-गर्भवतीत्यर्थः॥ २. पविवज्रम् ॥ ३. निःक्षत्रिया ॥ ४. आत्मजायाः ॥
Jain Education International
For Private & Personal Use Only
www.jainelibrary.org
