________________
भुवणभाणुकेवलिचरियं
अवरं च जत्थ उवसंतमोहपुत्रधरगाइअपएसु । आरोविओ वि पडिउं मोहाइरिऊण जो मिलइ ॥१४३०॥ किं तत्थ वयं बूमा ? कत्थ य जामो? त्ति विहसिऊण तओ। सब्बोहो बोल्लइ भा ! तुम्हाणं का 'मुहा अत्ती ॥१४३१॥ किं नव्वमिमं एसो अणाइकालपभवो उ ववहारो । अज वि संसारिजिएहि भवम्मि मिस्सए बहुअं ॥१४३२।। कुणमाणेसु हि आरोवंतेसु वि परसु गुरुपसु । तुम्हासु ते उवसंतपुव्वधरआइणो पडिआ ॥१४३३।। मोहाईणं मिलिआ भमंति उक्कट्ठउ धुवं एए । संसारं परवसगा अपड्डपुग्गलपरावढें ॥१४३४॥ एस अणंतजिआणं अणाइकालेण ताव ववहारो। जाओ तओ किमच्छेरयं ? पडिच्छह समयमप्पं ॥१४३५।। एअस्स सहायस्स बलेणं रिऊणं खयं वयं काउं । पयडपयावा होमो सुइवंतमिमं जिअं कुणिमो ॥१४३६।। इअ वितहो अभिमाणो तुम्हाणं जेण हवइ ताव तया । सुहसंपत्ती अ जया जिअस्स किर भाविणी अव्वो! ॥१४३७।। अम्हेहिं एगो उवलद्धो साहजकारणे जीओ। तुम्हेहिं जं वुत्तं अचिंतणिज्जं इमं सव्वं ॥१४३८।। जम्हा भूरिसहाया अवि एए मोहपमुहपडिवक्खा । तुम्हाणं पसरंताण रोहणं काउमेव पहू ॥१४३९।। तुम्हे अप्पसहाया अवि सुसमत्था विवक्खघायम्मि । इअ पिक्खह जं एगो करिस्सइ 'किमाउला होह ? ॥१४४०॥ सव्वे जंपंति अहो ! सब्बोहेण भणिअं इणं साहु । कम्मनरिंदेणुप्पाइओ जिओ ताव नरखित्ते ॥१४४१।। पउमथलनामनयरं महानिवो सीहविक्कमो तत्थ । तस्स पिआ य कमलिणी ताणं पुत्तो उ जो जाओ ॥१४४२॥ सीहरहो इअ नामं सुअस्स पिउणा कयं इमा वत्ता । कम्ममहानरवइणा कहाविआ तक्खणं तेसि ॥१४४३॥ नणु तुम्हेहिं वद्धावणयं कायव्वमेस जेण जिओ । अजदिणाओ तुम्हाण पक्खपोसं करिस्सइ जं ॥१४४४॥
१. मुधा ॥ २. अतिः पीडेत्यर्थः ॥ ३. किमाकुलाः ॥
Jain Education International
For Private & Personal Use Only
www.jainelibrary.org
