________________
१९६
दठो भुयगेण मओ चउत्थपुढवीए नारओ जाओ । चंदजसो नमिभाया ठविभो मंतीहिं तस्स पए ॥१२०॥ एत्थंतरम्मि सरिऊण विझवणमुन्नो नमिनिवस्स । हत्थी भंजिउमालाणखंभमनिवारियप्पसरो ॥१२१॥ डिंडीरपिंड-गोखीर-तारनोहार-हार-हरधवलो । भवलयं मिउं जे विनिग्गओ कित्तिपुंजो व्व ॥१२२ दिठ्ठो य चंदजससेवएहिं नयरंतिएण वच्चंतो । तो तेहिं बंधिऊणं नीओ नियरायनयरम्मि ॥१२३॥ तत्तो य चारपुरिसेहि साहियं नमिनिवस्स अह देव । । तुह धवलपट्टहत्थी चिट्ठइ चंदजससंगहिओ ॥१२४॥ ताहे नमिणा दूओ पहिओ चंदजसराइणो सिग्छ । जह एस धवलहत्थी वणम्मि जो पाविओ तुमए ॥१२५॥ सो मज्झ संतिओ ता नरिंद ! पेससु तुम ति तेणुत्तं । रयणाणि न कस्स वि संतियाणि ता तं न पेसेमि ॥१२॥ निभच्छिऊण निस्सारिऊण मुक्को निवेण नमिओ। तेण वि सविसेसे साहियम्मि कुद्धो नमी राया ।।१२७॥ चउरंगबलसमेओ चंदजसोवरि विणिग्गओ समरे । सो वि तमागच्छतं सोउं तस्सम्मुहो चलिभो ॥१२८|| अवसउणखलियमग्गो काऊणं नयररोहय थक्को । ना बइयरमेयं च सुव्वयज्जा विचिंतेइ ॥१२९॥ मा होउ जणस्स खओ मा हु वराया वयतु नरयमिमे । तो उवसमामि दोनि वि गंतूणं तेसि पासम्मि ॥१३॥ मोयाविऊण गुरुणिं पत्ता नमिरायसंतिए कडए । दिवो राया दिन्नं च तीए परमासणं रन्ना ॥१३१॥ कहिभो मियवुत्तंतो परूविओ जिणवराण सद्धम्मो । नरयदहाण निमित्तं च साहिओ तस्स संगामो ॥१३२॥ अन्नं च केरिसो तुह संगामो जेट्ठभाउणा सद्धि । कहमिव भाया एसो ! सपच्चओ तीए सो सम्वो ॥१३३।। कहियो सो वुत्तंतो तह वि हु अभिमाणी न ओसरह . ताहे खडक्कियाए पत्ता चंदजसपासम्मि ॥१३॥ तो रायपमुहमायरजणेण सहस त्ति पच्चभिन्नाया । अंतेतरियासत्थो पएसु पडिठं परुन्नो सो ॥१३५॥ तत्तो निवेण नमिऊण तीए पयपंकयं तओ पुट्ठा । अम्मो । किमेरिसं ते कटाणुट्ठाणमायरियं ? ॥१३६॥ कहिओ य तीए नियओ पुरनिग्गमणाइवइयरो सम्वो। भणिय च तो रना सहोयरो कत्थ मे अज्जा !? ॥१३॥
Jain Education International
For Private & Personal Use Only
www.jainelibrary.org
