________________
६३९
२८६७ ]
कण्हजरसंधविग्गहु
[२८६४]
अह विसेसिण कुविउ जरसंधु अग्भिट्टइ हलहरह जुज्झिउं च चिर-कालु सत्तिण । तह पहरइ जिह मुसलि मम्म-घाय-विहुरिइण गत्तिण ॥ सोणिउ मुह-कुहरिण वमइ मुयइ दीह नीसास । तयणंतरु मगहाहिवह किं-चि वि पूरिय आस ॥
[२८६५]
किंतु मुसलिण पत्त-चेयणिण निसिअग्ग-सर-धोरणिहिं सव्व-अंगु जरसंधु सल्लिउ । एत्तो य जणद्दणिण गरुड-वाणु नियइल्लु मिल्लिउ ॥ एगुणहत्तरि वि.हु मगहवइ-सुय खणमित्तेण । गमिय कयंतह पाहुणय जज्जरिइण गत्तेण ॥
[२८६६]
तेसि मरणिण जाय-विच्छाउ परिवियलिय-रायसिरि दलिय-दप्पु जरसंधु नरवइ । अरि गोव मरेहि धुवु इय भणंतु हरि-सविहि आवइ ॥ तयणु पयंपइ कण्हु - अरि मूढ निलक्खण वंग । पेक्खंतो वि अणत्थ-सय दुच्चिट्ठिय सव्वंग ॥
[२८६७]
किं न अज्ज-वि मुणहि अप्पाणु कि न गच्छहि निय-नयरि किं न पियहि सीयलई पाणिय । कि न वासहि नियय-घरु किं न रमहि नियइल्ल रमणिय ॥ अहव कु दोसु हयास तुह मह रणि हुक्कंतस्सु । दुकय-परव्वसु पाहुणउ न हवइ कु कयंतस्सु॥ २८६५ २ क. ख निसिउग्ग; क. सिर'. २८६६. ४. क. मरेहिं.७. क. चंग.
२८६७ ३. ५. क. ख. किन्न.
____Jain Education International 2010_05
For Private & Personal Use Only
www.jainelibrary.org
