________________
नवमभवि कण्हवालत्तणु [२४३२]
चवल-खर-खुर-खणिय-खोणियल अइ-कढिण-दसण-चलिहिं विदवंतु जिय-वग्गु दप्पिण । कर-फरिसि वि उल्ललिरु भुंकमाणु अइ-गरुय-सद्दिण ॥ दंतिहि तुंडिण पटुइहि जणिय-भुवण-उव्वेउ । पीवरु तुंगु स-दप्पु तुह रासहु खर-कुल-केउ ॥
[२४३३]
दप्प-दुद्धरु दलिय-पडिवक्खु अइ-चंचलु उव(?)चरणु पूइ-गंध-मुहु मेसु चउथउ । विंदारय-वणि जु कु-वि निहणिहेइ अइरिण समत्थउ ॥ आरोविस्सइ जो य तुह धणु[ह-रयणु] दढ-दप्पु । सो' मुणियव्वउ नियय-रिउ नर-वर तई अ-वियप्पु ॥
[२४३४]
एहु निसुणिवि कंसु निव-अहमु सदाविवि निय-सचिवु भणइ - वसहु खरु तुरउ मेसु वि । +पुव्वुत्तु विंदार-वण- मज्झि मुयसु जत्तेण पोसिवि ॥ जह जो कु-वि तहं सम्मुहु वि आगच्छइ सु हणंति । अप्पणयहं परहं वि जणहं न विसेसं पि कुणंति ॥
[२४३५]
तह य +मुट्ठिग-मल्लु चाणूरमल्लो वि महायरिण उव+यरेसु तह कह-वि जह लहु । अवलोयण-मित्तिण वि फुरिय-दप्प निहणंति रिउ सहु ॥ सचिवो वि-हु सयलं पि इह अब्भुवगमिवि करेइ । कंसो उण रिउ-वह-निसिय- माणसु रइ न लहेइ ॥ २४३२. ८. तुंगु रु. २४३३. ८. स. २४३४. ४. पुव्वत्त; वंदारय. २४३५. १. मट्ठिग. ३. उतपरेसु.
____Jain Education International 2010_05
For Private & Personal Use Only
www.jainelibrary.org
