________________
[१३९
नेमिनाहचरित
[१३९] अह सुणेविणु क्यणु तमउव्वु सो सीहु समुल्लवइ वच्छ होसि तुहं कसु विभिन्नउ । तुह वयणेण वि इमिण जाउ झत्ति हउं मणि विखिन्नउ ॥ इय एहु धणु कणु मुहि-सयणु संतिउ सयलु तुहेव । मह संपइ-गड्डउ गयउ परिथक्कइ लीहेच ॥
इय विचित्तिहिं सीह-वयणेहि उवसंत-अमरिसु पुणु वि भणिउ अन्न-चासरि कलत्तिण । गामेल्लुय छुब्भविउ तेण धुत्त-तिलएण स-प्सत्तिण ॥ अहव न गेण्हइ पुणु वि पुणु कहियं पि हु इयरेण । रत्तउ दुट्ठउ मूढ-मणु वुग्गाहिउ वि परेण ॥
[१४१] धरिउ भुग्गहं भरिउ तयराहं तुह दिण्ण मुत्थय वहुय तेण तं सि पत्तिन्नु मुद्धय । न पडिच्छसि मह वयणु जुत्ति-जुत्तु वि हु मणिण सुद्धय ।। मउयउं मुहिहिं समुल्लवहिं विधर्हि खरउं जि धुत्त । न परिच्चयर्हि स-कम्मयर कहमवि मुहिए पउत्त ।
[१४२] अहव किं मह इयर-भणिएण तं दासु तस्सु वि हवसु जाक्-जीवमवि मुल्ल-वज्जिउ । अ-कयण्णुउ अ-वुहु वुह- हीलणिज्जु दढ-जडिम-तज्जिउ ॥ एत्थ भलिज्जसु सुएहि सहुं हउँ पुणु कसु वि न दासि । अच्छिसु पेइय-हरि वि ठिय निय-बंधवहं सयासि ॥ १३९. ३. तुम्ह. ८. संपइउ गहुउ गउ. ९. परिथक्क. १४०. १. छुविउ. ९. क. यरेण. १५१. १. क. महु. ६. क. मुद्दय. ७. क. विधई.
____Jain Education International 2010_05
For Private & Personal Use Only
www.jainelibrary.org
