________________
नेमिनाहचरिउ
[५१]
सुणेप्पिणु नामु कुमररस्सु साणंदु सयलो वि जणु नियय-नियय-विहवानुसारिण । कर विरइवि मुद्ध-यलि पुव्व-पुरिस-चरियाणुगारिण ॥ वत्थाहरण-तुरंगमिहिं कुंजर-विसय-पुरेहिं । पाय-पूय वमुहाहिवह कुणइ तयणु स-करेहिं ।।
[५२] धरणि-सामिण करिवि सक्कारु सामंत-मंति-प्पमुह सयलु लोउ पमुइवि विसज्जिउ । ता पंच वि धाइयहु कुमर-कज्जि जत्तिण निजुंजिउ । विकामधणु वसुहाहिवइ पमुइउ पालइ रज्जु । कुणइ य इह पर-लोय-गय- विहि-विसेसु निरवज्जु ।
सिहरि-कंदर-कप्प-विडवि व्व निविग्धु वुढिहिं गयउ सुक्य-कम्मु धण-कुमर-रयणु वि । जसु वियसिय-मुह-कमलु सचओ वि गुण लेइ पिसुणु वि। तह सिय-पक्खि ससंकु जिह हिम-धवलाण कलाण । सो च्चिय जायउ कुल-भवणु अइरेण वि सयलाण ॥
[५४] ता पयंपिरु गमिरु विलसिरु वि परिओसइ निवह मणु वसइ हियइ धारिणिहि देविहि । परिथुव्वइ आयरिण पवर-जणिहिं पय-पउम-सेविहि । हुयउ पयडु महि-यलि सयलि निरुवम-गुण-रयणेहिं । तह जह सेसु वि सहस-मुहु न खमु कहिउ वयणेहिं ॥ ५२. ३. क. सयल. ७. रज. ५३. ३. रणु वि. ५. सव्वउ; पिसु वि. ७ कलाण left out. ५४. १. पायंपिरु. २. परिउसइ. ४. आयरियण. ९. वणेहिं.
____Jain Education International 2010_05
For Private & Personal Use Only
www.jainelibrary.org
