________________
[४]
मह न तारिसु वयण-विण्णाणु न य मंत-तंत-प्फुरणु जइ वि तह वि वहु-माण-पेल्लिउ । हउं किंचि वि नेमि-जिण- चरिउ भणिसु विक्खेवु मिल्लिउ । इय तं निसुणहु भविय-जण निय-मणु ठाणि धरेवि । जह लहु पांबहु सिवह मुहु पावह अंतु करेवि ॥
तं तु नव-भव-भावि वुत्तंतु भण्णंतु लेसिण चरिउ सुणह मज्झ पसिऊण सज्जण । निय-इच्छिय-अत्थ-कर होह एत्थ तुम्भे-वि दुज्जण । अहव न पत्थिउ सहसकरु हरइ तिमिरु जिय-लोइ । नय अंजलि-वंधि वि जलणु कहमवि सीयलिहोइ ॥
अथिरु गविउ पावु दो-जीहु अकयण्णु लोह-दुयउ कूर-कम्मु पर-छिड्ड-पेक्खणु । वेहासिउ मुह-महुरु सुयण-जणिय-दुहु दुब्वियक्खणु । दुज्जणु किह णु सुहावहउ अब्भत्थिउ वि हवेइ । जो गुण मेल्लिवि वप्पह वि दोस-च्चिय फुड लेइ ॥
[७] वहु वि मच्छर-नडिउ विहि-वसिण न सुणेइ फुडु इयर-कइ- कव्वु सयल-गुण-रयण-मंडिउ। . अवियाणुउ किं कुणइ कव्व-गुणिहि दढ-जडिम-चड्डिउ । खल गविय वुह मच्छरिय सेस अयाणुय दंगि । को वि सुणंता लडु न वि झीणु सुहासिउ अंगि ॥ ४. १. नारिसु थयणविणेणु. २. प्पुरणु. ६. इयं तं निसुणहु णहु भवियणहु. ७. वाणि. ५. १. तं नु; वुत्तंनु. २. भर्णनु. ३. सुणहु सवियण हुब्भ पसिऊण सज्जणय. ६. २. अकयणु. ५. जणियहु दुवि. ७. १. वुहु. ५. गुणिहिं द जडिन वडिउ.७. क. अयाणु; ख. दगि. ९. क. झीण,
____Jain Education International 2010_05
For Private & Personal Use Only
www.jainelibrary.org
