Page Text
________________
GO
(१४) जीवाजीवाभिगम (३) पडिवत्ति (च) देवाधिकारो / दीव समुद्द [ ३६ ]
वणसंडपरिक्खित्ता अस्सिं तिरितलोए असंखेज्जा दीवसमुद्दा सयंभूरमणपज्जवसाणा पं० समणाउसो ! | १२४ । तत्थ णं अयं अब्भिंतरिए सव्वखुड्डाए वट्टे तेल्लापूयसंठाणसंठिते वट्टे रहचक्कवालसंठाणसंठिते वट्टे पुक्खरकण्णियासंठाणसंठिते वट्टे पडिपुन्नचंदसंठाणसंठिते एक्क जोयणस्यसहस्सं आयामविक्खंभेणं तिण्णिं जोयणसयसहस्साइं सोलस सहस्साइं दोण्णि य सत्तावीसे जोयणसते तिण्णि य कोसे अट्ठवीसं च धणुसयं तेरस अंगुलाई अर्द्धगुलकं च किंचिविसेसाहियं परिक्खेवेणं पं०, से णं एक्काए जगतीए सव्वतो समंता संपरिक्खित्ते, सा णं जगती अट्ठ जोयणाई उड्ढउच्चत्तेणं मूले बारस जोयणाइं विक्खंभेणं मज्झे अट्ठ जोयणाई विक्खंभेणं उप्पिं चत्तारि जोयणाइं विक्खंभेणं मूले विच्छिण्णा मज्झे संखित्ता उप्पिं तणुया गोपुच्छसंठाणसंठिता सव्ववइरामई अच्छा सण्हा लण्हा घट्टा मट्ठा णीरया णिम्मला णिप्पंका णिक्कंकडच्छाया सप्पभा समरीया सउज्जोया पासादीया दरिसणिज्जा अभिरूवा पडिरूवा, साणं जगती एक्केणं जालकडणं सव्वतो समंता संपरिक्खित्ता, से णं जालकडाए अद्धजोयणं उड्ढउच्चत्तेणं पंचधणुसयाइं विक्खंभेणं सव्वरयणामए अच्छे सण्हे हे घट्टे मट्ठे णीरए णिम्मले णिप्पंके णिक्कंकडच्छाए सप्पभे सस्सिरीए समरीए सउज्जोए पासादीए दरिसणिज्जे अभिरूवे पडिरूवे । १२५ । तीसे णं जगतीए उप्पिं बहुमज्झदेसभाए एत्थ णं एगा महई पउमवरवेदिया पं०, सा णं पउमवरवेदिया अद्धजोयणं उड़ढउच्चत्तेणं पंचधणुसयाई विक्खंभेणं सव्वरयणामए जगतीसमिया परिक्खेवेणं, तीसे णं पउमवरवेइयाए अयमेयारूवे वण्णावासे पं० तं० वइरामया नेम्मा रिट्ठामया पट्ठाणा वेरूलियामया खंभा सुवण्णरूप्पमया फलगा वइरामया संधी लोहितक्खमईओ सूईओ णाणामणिमया कलेवरा कलेवरसंघाडा णाणामणिमया रूवा रूवसंघाडा अंकामया पक्खा पक्खबाहाओ जोतिरसामया वंसा वंसकवेल्लुया य रययामईओ पट्टियाओ जातरूवमयीओ ओहाडणीओ वइरामयीओ उवरि पुञ्छणीओ सव्वेसेए रययामते छादणे, सा णं परमवरवेइया ग हेमजालेणं एगमेगेणं गवक्खजालेणं एगमेगेणं खिखिणिजालेणं एवं घंटाजालेणं जाव मणिजालेणं कणयजालेणं रयणजालेणं एगमेगेणं पउमवरजालेणं सव्वरयणामएणं सव्वतो समंता संपरिक्खित्ता, ते णं जाला (पा० दामा) तवणिज्जलंबूसगा सुवण्णपयरगमंडिया णाणामणिरयणविविहहारद्रहारउवसोभितसमुदया ईसिं अण्णमण्णमसंपत्ता पुव्वावरदाहिणउत्तरागतेहिं वाएहिं मंदागं २ एज्नमाणा २ कंपिज्जमाणा २ लंबमाणा पझंझमाणा सद्दायमाणा तेणं ओरालेणं मणुण्णेणं कण्णमणणेव्वुतिकरेणं सद्देणं सव्वतो समंता आपूरेमाणा सिरीए अतीव उवसोभेमाणा २ चिट्ठति, तीसे णं पउमवरवेइयाए तत्थ २ देसे तहिं २ बहवे हयसंघाडा गयसंघाडा नरसंघाडा किण्णरसंघाडा किंपुरिससंघाडा महोरगसंघाडा गंधव्वसंघाडा वसहसंघाडा सव्वरयणामया अच्छा सण्हा लण्हा घट्टा मट्ठा णीरया णीम्मला णिप्पंका णिक्कंकडच्छाया सप्पभा समरिया सउज्जोया पासाईंया दरसणिज्जा अभिरुवा पडिरूवा, तीसे णं पउमवरवेइयाए तत्थ २ देखें तहिं २ बहवे हयपंतीओ तहेव जाव पडिरूवाओ, एवं हयवीहीओ जाव पडिरूवाओ, एवं हयमिहुणाई जाव पडिरूवाई, तीसे णं पउमवरवेइयाए तत्थ २ देसे तहिं २ बहवे पउमलयाओ नागलताओ एवं असोग० चंपग० चूयवण० वासंति० अतिमुत्तग० कुंद० सामलयाओ णिच्चं कुसुमियाओ जाव सुविहत्तपिंडमंजरिवसिकधरीओ सव्वरयणामईओ सण्हाओ लण्हाओ घट्ठाओ मट्ठाओ णीरयाओ णिम्मलाओ णिप्पंकाओ णिक्कंकडच्छायाओ सप्पभाओ समरीयाओ सउज्जयाओ पासाईयाओ दरिसणिज्जाओ अभिरूवाओ पडिरूवाओ, तीसे णं पउमवरवेइयाए तत्थ २ देसे तहिं २ बहवे अक्खयसोत्थिया पं० सव्वरयणामया अच्छा से केणद्वेणं भंते ! एवं वुच्चइ० पउमवरवेइया २ १. गो० ! पउमवरवेइयाए तत्थ २ देसे तहिं २ वेदियासु वेतियाबाहासु वेदियासीसफलएसु वेदियापुडंतरेसु खंभेसु खंभबाहासु खंभसीसेसु खंभपुडंतरेसु सूइस सुइमुहेसु सुइफलएसु सूइपुडंतरेसु पक्खेसु पक्खबाहासु पक्खपेरंतेसु बहूई उप्पलाई पउमाई जाव सतसहस्सपत्ताइं सव्वरयणामयाइं अच्छाई सहाई लण्हाई घट्टाई मट्ठाई णीरयाई णिम्मलाई निप्पंकाई निक्कंकडच्छायाइं सप्पभाई समरीयाई सउज्जयाई पासादीयाइं दरिसणिज्नाइं अभिरूवाइं पडिरूवाई महता २ वासिक्कच्छत्तसमयाई पं० समणाउसो !, से तेणद्वेणं गो० ! एवं वुच्चइ - पउमवरवेदिया २, फउमवरवेइया णं भंते! किं सासया असासया ? गो० ! सिय सासया सिय असासया, से केणद्वेणं भंते! एवं वुच्चइ - सिय सासया सिय असासया ? गो० ! दब्बट्टयाए सासता वण्णपज्जवेहिं गंध० रस० फासपज्नवेहिं श्री आगमगुणमंजूषा ८७८
NOUNTING A 45 5 5 5 5 5 5 5
जंबुद्दीवे णामं दीवेदव
GOK
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |