Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 979

100
%
%%%%
%
%%%%
(१४) जीवाजीवाभिगम (३) पडिवत्ति (च.) मणुस्सा.
[३०]
UTC明明明明明明明明明明明明明明明明明明明明明明明明明明明明明明明听听听听听听听听听听听听听听听听听D
गिरिवरआयसललियगतउसभसीहचमरउत्तमपसत्थबत्तीसलक्खणधरीतो हंससरिसगतीतो कोतिलमधुरगिरसुस्सराओ कंता सव्वस्स अणुनतातो ववगतवलिपलिया वंगदुव्वण्णवाहीदोभग्गसोगमुक्काओ उच्चत्तेण य नराण थोवूणमूसियाओ सभावसिंगाराचारचारुवेसासंगतहसितभणियचेट्ठियविलाससंलावणिउणजुत्तोवयारकुसला सुंदरथणजहणवदणकरचलणणयणमाला वण्णरूवलावण्णजोव्वणविलासकलिया नंदणवणविवरचारिणीउव्व अच्छराओ अच्छेरगपेच्छाणिज्जा पासाईतातो दरिसणिज्जातो अभिरूवाओ पडिरूवाओ, तासिं णं भंते ! मणुईणं केवतिकालस्स आहारट्टे समुप्पज्जति ?, गो०? चउत्यभत्तस्स आहारट्टे समुप्पज्जति, ते णं भंते ! मणुया किमाहारमारेति ?, गो० ! पुढ़वीपुप्फफलाहारा ते मणुयगणा पं० समणाउसी!, तीसे णं भंते ! पुढवीए केरिसए आसाए पं०?, गौ०! से जहाणामए गुलेति वा खंडेति वा सक्काराति वा मच्छंडियाति वा भिसकंदोति वा पप्पडमोयएति वा पुप्फदामतेति वा पुप्फुत्तराइ वा पउमुत्तराइ वा-अकोसिताति वा विजताति वा महाविजयाइवा आयंसोवमाति वा अणोवसाति वा चाउरक्के गोखीरे चउठाणपरिणए गुडखंडमच्छंडिउवणीए मंदग्गिकहिए वण्णेणं उववेए जाव फासेणं, भवे एतारूवे सिता ?, नो इणद्वे, समढे तीसे णं पुढवीए एत्तो इट्ठयराए चेव जाव मणामतराए चेव आसाए पं०, तेसिंणं भंते ! पुप्फफलाणं केरिसए आसाए पं०?, गो० ! से जहानामए चाउरंतचक्कवट्टिस्स कल्लाणे पवरभोयणे सतसहस्सनिप्फन्ने उववेते गंद्रेणं उववेते रसेणं ठववेते फासेणं उववेते आसायणिज्जे वीसायणिज्ने दीवणिज्जे बिहणिज्जे दप्पणिज्जे मयणिज्जे सव्विदियगातपल्हायणिज्जे, भवे एतारूवे सिता?, णो तिणढे समढे, तेसिंणं पुप्फफलाणं एत्तो इठ्ठतराए चेव जाव आसाए णं पं०. ते णं भंते ! मणुया तमाहारमाहारित्ता कहिं वसहि उति ?, गो० ! रुक्खगेहालता णं ते मणुयगणा पं० समणाउसो!, ते णं, भंते ! रुक्खा किंसंठिया पं० ?, गो० ! कूडागारसंठिता पेच्छाघरसंठिता सत्तागारसंठिया झयसंठिया थूभसंठिया तोरणसंठिया गोपुर० चेतियपा(या)लगसंठिया अट्टालगसंठिया पासादसंठिया हम्मतलसंठिया वालग्गपोत्तियासंठिता वलभीसंठिता अण्णे तत्थ बहवे वरभवणसयणविसिट्ठसंठाणसंठिता सुहसीयलच्छाया णं ते दुमगणा पं० समणाउसो !, अत्थि णं भंते ! एगोरूयदीवे दीवे गेहाणि वा गेहावणाणि वा ?, णो तिणढे समढे, रुक्खगेहा लया णं ते मणुयगणा पं० समणाउसो !, अत्थि णं भंते ! एगुरूयदीवे गामाति वा णगराति वा जाव सन्निवेसाति वा ?, णो तिणढे समढे, जहिच्छितकामगामिणो ते मणुयगणा पं० समणाउसो!, अत्थि णं भंते ! एगूरुदीवे असीति वा मसीइ वा कसीइ वा पणीति वा वाणिज्जाति वा?, नो तिणढे समढे, ववगयअसिमसिकिसिपणियवाणिज्जा णं ते मणुयगणा पं० समणांउसो!, अत्थिणं भंते ! एगुरुयहीवे हिरण्णेति वा सुवन्नेति वा कंसेति वा दूसेति वा मणीति वा मुत्तिएति वा विपुलधणकणगरयणमणिमोत्तियसंखसिलप्पवालसंतसारसावएज्जेति वा ?, हंता अत्थि, णो चेव णं तेसिं मणुयाणं तिव्वे ममत्तभावे समुप्पज्जति, अत्थि णं भंते ! एगोरुयदीवे रायाति वा जुवरायाति वा ईसरेति वा तलवरेइ वा माडंबियाति वा कोडुंबियाति वा इब्भाति वा सेट्टीति वा सेणावतीति वा सत्थवाहाति वा ?, णो तिणढे समटे, ववगयइड्डीसक्काराणं ते मणुयगणा पं० समणाउसो!, अत्थि णं भंते ! एगुरूयदीवे दीवे दासाति वा पेसाइ वा सिस्साति वा भयगाति वा भाइल्लगाइ वा कम्मगरपुरिसाति वा ?, णो तिणद्वे समढे, ववगतआभियोगिताणं ते मणुयगणा पं० समणाउसो ! अस्थि णं भंते ! एगोरुयदीवे दीवे माताति वा पियाति वा भायाति वा भइणीति वा भज्जाति वा पुत्ताति वा धूयाइ वा सुण्हाति वा ?, हंता अत्थि, नो चेव णं तेसिं णं मणुयाणं तिव्वे पेमबंधणे समुप्पज्जति, पयणुपेज्जबंधणा णं ते मणुयगणा पं० समणाउसो?, अत्थि णं भंते ! एगुरुयदीवे अरीति वा वेरिएति वा घातकाति वा वहकाति वा पडिणीताति वा पच्चमित्ताति वा ?, णो तिणढे समढे, ववगतवेराणुबंधा णं ते मणुयगणा पं० समणाउसो!, अत्थि णं भंते ! एगोरुए दीवे मित्ताति वा वतंसाति वा घडिताति वा सहीति वा सुहियाति वा महाभागाति वा संगतियाति वा ?, णो तिणढे समटे, ववगतपेम्मा ते मणुयगणा पं० समणाउसो !, अत्थि णं भंते ! एगोरूयदीवे आवाहाति वा वीवाहाति वा जण्णाति वा भद्दाति वा थालिपाकाति वा चेलोवणतणाति वा सीमंतुण्णयणाइ वा पितिपिंडनिवेदणाति वा ?, णो तिणढे समटे, ववगतआवाहविवाहजण्णभद्दथालिपागचोलोवणतणसीमंतुण्णयणभतपिंडनिवेदणाणं ते मणुयगणा पं० समणाउसो!,
O2O共乐听听听听听听听听听听听听听听听听听听听听听听听听听听听听听听听听听听听听听听听听听听听听乐乐乐LO
MorcFFFF5555555555555555 श्री आगमगुणमंजूषा - ८७२ 9
5555555555555555555FHOTO