Page Text
________________
(१४) जीवाजीवाभिगम ( १ ) पडिवत्ति 'दुविह'
अंगुलस्सऽसंखेज्जभागं उक्को० जोयणपुहुत्तं ठिई जह० अंतोमुहुत्तं उक्को० तेवण्णं वाससहस्साइं सेसं जहा जलयराणं जाव चउगतिया दुआगतिया परित्ता असंखेज्जा, सेत्तं उरपरिसप्पा०, से किं तं भुयपरिसप्पसंमुच्छिमथलयरा ?, २ अणेगविधा पं० तं०-गोहा णउला जाव जे यावन्ने तहप्पकारा०, ते समासतो दुविहा पं० तं०पज्जत्ताय अपज्जत्ता य, सरीरोगाहणा जह० अंगुलासंखेज्जं उक्को० धणुपुहत्तं ठिती उक्को० बायालीसं वाससहस्साइं सेसं जहा जलयराणं जाव चउगतिया दुआगतिया परित्ता असंखेज्जा पं०, (सेत्तं भुयपरिसप्पसंमुच्छिमा, से तं थलयरा, से किं तं खहयरा ?, २ चउव्विहा पं० तं० चम्मपक्खी लोमपक्खी समुग्गपक्खी विततपक्खी, से किं तं चम्पक्खी ?, २ अणेगविधा पं० तं० वग्गुली जाव जे यावन्ने तहप्पगारा०, से तं चम्मपक्खी, से किं तं लोमपक्खी ?, २ अणेगविधा पं० तं० ढंका कंका जाव जे यावन्ने तहप्पकारा०, से तं लोमपक्खी, से किं तं समुग्गपक्खी ?, २ एगागारा पं० जहा पण्णवणाए, एवं विततपक्खीविजाव जे यावन्ने तहप्पगारा०, ते समासतो दुविहा पं० तं० पज्जत्ता य अपज्जत्ता य, णाणत्तं सरीरोगाहणा जह० अंगुलअसं० उक्को० धणुपुहत्तं ठिती उक्को० बावत्तरिं वाससहस्साइं सेसं जहा जलयराणं जाव चउगतिया दुआगतिया परित्ता असंखेज्ना पं०, सेत्तं) खहयरसंमुच्छिमतिरिक्खजोणिया, से तं संमुच्छिमपंचेदियतिरिक्खजोणिया । ३७| से किं तं गब्भवक्कतियपंचेंदियतिरिक्खजोणिया ?, २ तिविहा पं० तं० जलयरा थलयरा खहयरा । ३८। से किं तं जलयरा ?, २ पंचविधा पं० तं०-मच्छा कच्छभा मगरा गाहा सुंसुमारा, सव्वेसिं भेदो भाणियव्वो जाव जे यावण्णे तहप्पकारा०, ते समासतो दुविहा पं० तं० पज्जत्ता य अपज्जत्ता य, तेसिं णं भंते! जीवाणं कति सरीरगा (१५१) पं० १, गो० ! चत्तारि सरीरगा पं० तं० ओरालिए वेउव्विए तेयए कम्मए, सरीरोगाहणा जह० अंगुलस्स असंखेज्ज० उक्को० जोयणसहस्सं, छव्विहसंघयणी पं० तं०-वइरोसभनारायसंघयणी उसभनाराय० नाराय० अद्धनाराय० की (प्र० खी) लिया० से (प्र० छे) वट्टसंघयणी, उव्विहसंठिता पं० तं०- समचउरंससंठिता णग्गोधपरिमंडल० साति० खुज्ज० वामन० हुंडसंठिता, कसाया सव्वे सण्णाओ ४ लेसाओ ६ पंच इंदिया पंच समुग्धाता आदिल्ला सण्णी नो असन्नी तिविधवेदा छपज्जत्तीओ छ अपज्जत्तीओ दिट्ठी तिविधावि तिण्णि दंसणा णाणीवि अण्णाणीवि जे गाणी ते अत्थेगतिया दुणाणी अत्थेगतिया तिन्नाणी जे दुन्नाणी ते नियमा
बिहाणी सुतणाणी य जे तिन्नाणी ते नियमा आभिणिबोहियणाणी सुत० ओहियणाणी एवं अण्णाणीवि, जोगे तिविहे उवओगे दुविधे आहारो छद्दिसिं उववातो नेरइएहिं जाव असत्तमा तिरिक्खजोणिएसु सव्वेसु असंखेज्जवासाउयवज्जेसु मणुस्सेसु अकम्मभूमगअंतरदीवगअसंखेज्जवासाउयवज्जेसु देवेसु जाव सहस्सारो ठिती जह० अंतोमुहुत्तं उक्को० पुव्वकोडी दुविधावि मरंति, अणंतरं उव्वट्टित्ता नेरइएसु जाव अहेसत्तमा० तिरिक्खजोणियमणुस्सेसु सव्वेसु देवेसु जाव सहस्सारो चउगतिया चउआगतिया परित्ता असंखेज्जा पं०, से तं जलयरा | ३९ | से किं तं थलयरा ?, २ दुविहा पं० तं० - चउप्पदा य परिसप्पा य, से किं तं चउप्पया ?, २ चउव्विधा पं० तं०- एगक्खुरा सो चेव भेदो जाव जे यावन्ने तहप्पकारा०, ते समासतो दुविहा पं० तं० पज्जत्ता य अपज्जत्ता य, चत्तारि सरीर ओगाहणा जह० अंगुलस्स असंखेज्ज० उक्को छ गाउयाइं ठिती उक्को० तिन्नि पलिओवमाइं नवरं उव्वट्टित्ता नेरइएस चउत्थपुढवीं गच्छति सेसं जहा जलयराणं जाव चउगतिया चउआगतिया परित्ता असंखिज्जा पं०, से तं चउप्पया, से किं तं परिसप्पा ?, २ दुविहा पं० तं० उरपरिसप्पा य भुयपरिसप्पा य, से किं तं उरपरिसप्पा ? तहेव आसालियवज्जो भेदो भाणियव्वा (चत्तारि) सरीरा ओगाहणा जह० अंगुलस्स असंखे० उक्को० जोयणसहस्सं ठिती जह० अंतोमुहुत्तं उक्को० पुव्वकोडी उव्वट्टित्ता नेरइएसु जाव पंचमं पुढवीं ताव गच्छंति तिरिक्खजो० मणुस्सेसु सव्वेसु देवेसु जाव सहस्सारो सेसं जहा जलयराणं जाव चउगतिया चउआगइया परित्ता असंखेज्जा, से तं उरपरिसप्पा, से किं तं भुयपरिसप्पा ?, भेदो तहेव चत्तारि सरीरगा ओगाहणा जह० अंगुलासंखे० उक्को० गाउयपुहुत्तं ठिती जह० अंतोमुहुत्तं उक्को० पुव्वकोडी सेसेसु ठाणेसुजहा उरपरिसप्पा णवरं दोच्चं पुढवीं गच्छंति, से तं भुयपरिसप्पा, से तं थलयरा |४०| से किं तं खहयरा १, २ चव्विहा पंo do चम्पक्खी तहेव भेदो ओगाहणा जह० अंगुलस्स असंखे० उक्को० धणुपुहुत्तं ठिती जह० अंतोमुहुत्तं उक्को० पलिओवमस्स असंखेज्जतिभागो सेसं जहा जलयराणं नवरं जाव तच्चं पुढवीं गच्छति जाव से तं खहयरगन्भवक्कतियपंचेदियतिरिक्खजोणिया, से तं तिरिक्खजोणिया । ४१ । से किं तं मणुस्सा ?,
XOOK श्री आगमगुणमंजूषा ८४८ X
HORORS
[ ६ ]
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |