Page Text
________________
ভঙफुंজসজজफ्रজफुफुफुफ (८) अतगडदसाओ पढमी वग्ग १० अज्झयण बीओ व ८ अज्झयण पिट्टकी (१) [१]
1
सिरि उसहदेव सामिस्स णमो । सिरि गोडी - जिराउला सव्वोदय यास पाहाणं णमो । नमोऽत्थुणं समणस्स भगवओ - महइ - महावीर वद्धमाणं सामिस्स । सिरि गोयम - सोहम्माइ सव्व गणहराणं णमो । सिरि सुगुरु देवाणं णमो । श्री ऋषभस्वामिने नमः श्री गोडीजी - जिरावल्ली - सर्वोदय पार्श्वनाथेभ्यो नमः श्री महावीराय नमः श्री गौतम - सुधर्मादि सर्व गणधरेभ्योनमः 5 श्रीमदन्तकृद्दशाङ्गम् तेणं कालेणं० चंपानामं नगरी पुन्नभद्दे चेतिए वन्नओ, तेण काले० अज्जसुहम्मे समोसरिए परिसा निग्गया जाव पडिगया, तेणं का० अज्जसुहम्मस्स अंतेवासी अज्जजंबू जाव पज्जुवासति, एवं वदासी- जति णं भंते! समणेणं जाव संपत्तेणं सत्तमस्स अंगस्स उवासगदसाणं अयमट्ठे पं० अट्ठमस्स णं भंते! अंगस्स अंतगडदसाणं० के अट्ठे पं० १, एवं खलु जंबू ! समणेणं जाव संपत्तेणं अट्टमस्स अंगस्स अंतगडदसाणं अट्ठ वग्गा पं० जति णं भंते! समणेणं जाव संपत्तेणं अट्ठमस्स अंगस्स अंतगडदसाणं अट्ठ वग्गा पं० पढमस्स णं भंते! वग्गस्स अंतगडदसाणं समणेणं जाव संपत्तेणं कई अज्झयणा पं० ?, एवं खलु जंबू ! समणेणं० अट्ठमस्स अंगस्स अंतगडदसाणं पढमस्स वग्गस्स दस अज्झयणा पं० तं०- 'गोयम समुह सागर गंभीरे चेव होइ थिमिते य । अयले कंपिले खलु अक्खोभ पसेणती विण्हू ॥ १ ॥ जति णं भंते ! समणेणं जाव संप० अट्ठमस्स अंगस्स अंतगडदसाणं पढमस्स वग्गस्स दस अज्झयणा पं० पढमस्स णं भंते! अज्झयणस्स के अट्ठे पं० १, एवं खलु जंबू ! तेणं कालेणं० बारवतीणामं नगरी होत्था, दुवालसजोयणायामा नवजोअणवित्थिण्णा धणवइमतिनिम्माया चामीकरपागारा नाणारामणिपंचवन्नकविसी सगमंडिया सुरम्मा अलकापुरिसंकासा पमुदितपक्कीलिया पच्चक्खं देवलोगभूया पासादीया०, तीसे णं बारवतीनयरीए बहिया उत्तरपुरच्छिमे दिसीभागे एत्थे णं रेवतते नामं पव्वते होत्था, तत्थ णं रेवतते पव्वते नंदणवणे नामं उज्जाणे होत्था वन्नओ, सुरप्पिए नामं जक्खायतणे होत्या पोराणे०, से णं एगेणं वणसंडेणं०, असोगवरपायवे, तत्थ णं बारवतीनयरीए कण्हे वासुदेवे राया परिवसति महता० रायवन्नतो, से णं तत्थ समुद्दविजयपामोक्खाणं दसण्हं दसाराणं बलदेवपामोक्खाणं पंचण्हं महावीराणं पज्जुन्नपामोक्खाणं अछुट्ठाणं कुमारकोडी संपामोक्खाणं सठ्ठीए दुद्दंतसाहस्सीणं महसेणपामोक्खाणं छप्पण्णाए बलवगसाहस्सीणं वीरसेणपामोक्खाणं एगवीसाते वीरसाहस्सीण उग्गसेणपा० सोलसण्हं रायसाहस्सीणं रुप्पिणिपा० सोलसण्हं देवीसाहस्सीणं अणंगसेणापामोक्खाणं अणेगाणं गणियासाहस्सीणं अन्नेसिं च बहूणं ईसरजावसत्थवाहाणं बारवती अद्धभरहस्स य समत्तस्स आहेवच्चं जाव विहरति, तत्थ णं बारवतीए नयरीए अंधगवण्ही णामं राया परिवसंति, महताहिमवंत० वन्नओ, तस्स णं अंधगवण्हिस्स रनो धारिणी नामं देवी होत्ता वन्नाओ, तते णं सा धारिणी देवी अन्नदा कदाई तंसि तारिसगंसि सयणिज्जंसि एवं जहा महब्बले 'सुमिणदंसण कहणा जम्मं बालत्तणं कलातोय | जोव्वण पाणिग्गहणं कंता पासाय भोगा य ॥२॥ नवरं गोयमो नामेणं, अट्ठण्हं रायवरकन्नाणं एगदिवसेण पाणिं गेण्हावेति अट्ठट्ठओ दाओ, तेण कालेनं ० अरहा अरिनेमी आदिकरे जाव विहरति, चउव्विंहा देवा आगया कण्हेवि णिग्गए, तते णं तस्स गोयमस्स कुमारस्स जहा मेहे तहा णिग्गते धम्मं सोच्चा जं नवरं देवाप्पा! अम्मापियरो आपुच्छामि देवाणुप्पियाणं० एवं जहा मेहे अणगारे जाते जाव इणमेव णिग्गंथं पावयणं पुरओ काउं विहरति, तते णं से गोयमे अन्नदा कयाई अरहतो अरिट्ठनेमिस्स तहारूवाणं थेराणं अंतिए सामाइयमाइयाई एक्करस अंगाई अहिज्जति त्ता बहूहिं चउत्थ जाव भावेमाणे विहरति, तते णं अरिहा अरिट्ठनेमी अन्नदा कदाई बारवतीतो नंदणवणातो पडिनिक्खमति बहिया जणवयविहारं विहरति, तते णं से गोयमे अणगारे अन्नदा कदाई जेणेव अरहा अरि तेणेव उवा० त्ता अरहं अरिट्टनेमिं तिक्खुत्तो आदा० पदा० एवं व० इच्छामि णं भंते ! तुब्भेहिं अब्भणुण्णाते समाणे मासियं भिक्खुपडिमं उवसंपज्जित्ताणं विहरित्तए, एवं जहा खंदतो तहा बारस भिक्खुपडिमातो फासेति त्ता गुणरयणंपि तवोकम्मं तहेव फासेति निरवसेसं जहा खंदतो तहा चिंतेति तहा आपुच्छति तहा थेरेहिं सद्धिं सेत्तुअं दुरूहति मासियाए संलेहणाए बारस वरिसाइं परिताते जाव सिद्धे० । १ । एवं खलु जंबू ! समणेणं जाव संपत्तेणं अट्ठमस्स अंगस्स अंतगडदसाणं
सौन्य :- प. पू. 5विन्द्रसागरनु भ.सा. प.पू. वीरभद्रसागरक म.सा., प.पू. महोध्यसागरक म.सा. नी गशिपहनी त्रीभुवार्षिक तिथिखे મુમુક્ષુ દીપક રાયશી ગાલા પરિવાર (કચ્છ) ચાંગડાઈ
फ्र श्री आगमगुणमंजूषा १४
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |