Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 650

(५) भगवई सर्त २५ ३७ [३३८)
गोयमा ! सकसायी होज्जा, नो अकसायी होज्जा । १०३. जदि सकसायी होज्जा, से णं भंते! कतिसु कसाएस होज्जा ? गोयमा ! एगंसि संजलणे लोभे होज्जा । १०४. अहक्खायसंजए जहा नियंठे (उ० ६ सु० १३०) । दारं १८ । [सु. १०५ ९. एगूणवीसइमं लेसादारं-पंचविहसंजएसु लेसापरूवणं ] १०५. सामाइयसंजए णं भंते ! किं सलेस्से होज्जा, अलेस्से होज्जा ? गोयमा ! सलेस्से होज्जा, जहा कसायकुसीले (उ० ६ सु० १३७) । १०६. एवं छेदोवट्ठावणिए वि । १०७. परिहारविसुद्धिए जहा पुलाए (उ०६ सु० १३३) । १०८. सुहुमसंपराए जहा नियंठे (उ० ६ सु० १३९) । १०९. अहक्खाए जहा सिणाए (उ०६ सु० १४१), नवरं जइ सलेस्से होना गाए सुक्कलेसाए होज्जा । दारं १९ । [ सु. ११०-१७, वीसइमं परिणामदारं-पंचविहसंजएस वहुमाणाइपरिणामपरूवणं ] ११०. सामाइयसंजए णं भंते ! किं वाणपरिणामे होज्जा, हायमाणपरिणामे, अवट्ठियपरिणामे ? गोयमा ! वड्ढमाणपरिणामे, जहा पुलाए (उ० ६ सु० १४३) । १११. एवं जाव परिहारविसुद्धिए । ११२. सुहुमसंपराय० पुच्छा । गोयमा ! वहुमाणपरिणामे वा होज्जा, हायमाणपरिणामे वा होज्जा, नो अवट्ठियपरिणामे होज्जा । ११३. अहक्खाते जहा नियंठे (उ० ६ सु० १४५) । ११४. सामाइयसंजए णं भंते! केवतियं कालं वढ्ढमाणपरिणामे होज्जा ? गोयमा ! जहन्नेणं एक्वं समयं, जहा पुलाए (उ० ६ सु० १४७) । ११५. एवं जाव परिहारविसुद्धिए । ११६. (१) सुहुमसंपरागसंजए णं भंते! केवतियं कालं वहुमाणपरिणामे होज्जा ? गोयमा ! जहन्नेणं एक्कं समयं, उक्कोसेणं अंतोमुहुत्तं । (२) केवतियं कालं हायमाणपरिणामे ? एवं चेव । ११७. (१) अहक्खातसंजए णं भंते! केवतियं कालं वडमाणपरिणामे होज्जा ? गोयमा ! जहन्नेणं अंतोमुहुत्तं, उक्कोसेणं वि अंतोमुहुत्तं । (२) केवतियं कालं अवट्ठियपरिणामे होज्जा ? गोयमा ! जहन्नेणं एवं समयं, उक्कोसेणं देसूणा पुव्वकोडी । दारं २० । [सु. ११८-२१. इगवीस मं बंधदारं- पंचविहसंजएसु कम्मपगडिबंधपरूवणं ] ११८. सामाइयसंजए णं भंते! कति कम्मपगडिओ बंधइ ? गोयमा ! सत्तविहबंधए वा, अट्ठविहबंधए वा, एवं बउसे (उ० ६ सु० १५२) । ११९. एवं जाव परिहारविसुद्धिए । १२०. सुहुमसंपरागसंजए० पुच्छा। गोयमा ! आउय मोहणिज्जवज्जाओ छ कम्मप्पगडीओ बंधइ । १२१. अहक्खायसंजए जहा सिणाए (उ०६ सु० १५६) । दारं २१ । [ सु. १२२-२४. बावीसइमं वेददारं-पंचविहसंजएसु कम्मपगडिवेदपरूवणं ]१२२. सामाइयसंजए णं भंते ! कति कम्मप्पगडीओ वेदेति ? गोयमा ! नियमं अट्ठ कम्मप्पगडीओ वेदेति । १२३. एवं जाव सुहुमसंपरागे । १२४. अहक्खाए० पुच्छा । गोयमा ! सत्तविहवेदएवा, चउव्विहवेदए वा । सत्त वेदेमाणे मोहणिज्जवज्जाओ सत्त कम्मप्पगडीओ वेदेति । चत्तारि वेदेमाणे वेदणिज्नाऽऽउय-नाम-गोयाओ चत्तारि कम्मप्पगडीओ वेदेति। दारं २२ । [सु. १२५-२८. तेवीसइमं कम्मोदीरणदारं-पंचविहसंजएसु कम्मोदीरणपरूवणं ]१२५. सामाइयसंजए णं भंते ! कति कम्मप्पगडीओ उदीरेति ? गोयमा ! सत्तविह० जहा बउसो (उ० ६ सु० १६२ ) । १२६. एवं जाव परिहारविसुद्धिए । १२७. सुहुमसंपराए० पुच्छा। गोयमा ! छव्विहउदीरए वा, पंचविहउदीरए वा । छ उदीरेमाणे आउय वेदणिज्जवज्जाओ छ कम्मप्पगडीओ उदीरेइ। पंच उदीरेमाणे आउय-वेयणिज्ज-मोहणिज्जवज्जाओ पंच कम्मप्पगडीओ उदीरेति । १२८. अहक्खातसंजए० पुच्छा। गोयमा ! पंचविहउदीरए वा, दुविहउदीरए वा, अणुदीरए वा। पंच उदीरेमाणे आउय-वेदणिज्ज-मोहणिज्जवज्जाओ पंच उदीरेति । सेसं जहा नियंठस्स (उ० ६ सु० १६५) । दारं २३ ॥ सु. १२९-३३. चउवीसइमं उवसंपजहणदारं-पंचविहसंजएसु सट्ठाण चागाणंतरं परट्ठाणसंपत्तिपरूवणं ] १२९. सामाइयससंजए णं भंते ! सामाइयसंजयत्तं जहमाणे किं जहति ?, कि उवसंपज्जइ ? गोयमा ! सामाइयसंजयत्तं जहति; छेदोवट्ठावणियसंजयं वा सुहुमसंपरायसंजयं वा असंजमं वा संजमासंजमं वा उवसंपज्जति । १३०. छेदोवट्ठावणिए० पुच्छा । गोयमा ! छेदोवट्ठावणियसंजयत्तं जहति; सामाइयसंजयं वा परिहारविसुद्धियसंजयं वा सुहुमसंपरागसंजयं वा असंजमं वा संजमासंजमं वा उवसंपज्जति । १३१. परिहारविसुद्धिए० पुच्छा। गोयमा ! परिहारविसुद्धियसंजयत्तं जहति; छेदोवद्वावणियसंजयं वा असंजमं वा उपसंपज्जइ । १३२. सुहुमसंपराए० पुच्छा । गोयमा ! सुहुमसंपरागसंजयत्तं जहति; सामाइयसंजयं वा छेदोवट्ठाणियसंजयं वा अहक्खायसंजयं वा असंजमं वा उवसंपज्जइ । १३३. अहक्खायसंजए० पुच्छा । गोयमा ! अहक्खायसंजयत्तं जहति; सुहुमसंपरागसंजयं वा अस्संजमं वा सिद्धिगतिं वा उवसंपज्जति । दारं २४ ।। सु. १३४-३६. पंचवीसइमं सन्नादारं- पंचविहसंजएसु सन्नापपरूवणं ] १३४. सामाइयसंजए णं भंते! किं सण्णोवउत्ते होज्जा, नोसण्णोवउत्ते होना ?
NORO