Page Text
________________
(५) भगवई रातं २५ उ ६
[३२९]
सुयनाण- ओहिनाणेसु होज्जा । ४२. एवं बउसे वि । ४३. एवं पडिसेवणाकुसीले वि । ४४. कसायकुसीले णं० पुच्छा । गोयमा ! दोसु वा तिसु वा चउसु वा होज्जा । दोस होमाणे दो आभिनिबोहियनाण-सुयनाणेसु होज्जा । तिसु होमाणे तिसु आभिनिबोहियनाण- सुयनाण- ओहिनाणेसु अहवा तिसु आभिनिबोहियनाण-सुयनाण
ॐॐॐॐॐॐॐ
वासु होना । चउसु होमाणे चउसु आभिनिबोहियनाण- सुयनाण- ओहिनाण-मणपज्जवनाणेसु होज्जा । ४५. एवं नियंठे वि । ४६. सिणाएं णं० पुच्छा । गोमा ! गम्मि केवलनाणे होज्जा । ४७. पुलाए णं भंते ! केवतियं सुयं अहिज्जेज्जा ? गोयमा ! जहन्नेणं नवमस्स पुव्वस्स ततियं आयारवत्युं, उक्कोसेणं नव पुव्वाइं अहिज्जेज्जा । ४८. बउसे ० पुच्छा। गोयमा ! जहन्नेणं अट्ठ पवयणमायाओ, उक्कोसेणं दस पुव्वाइं अहिज्जेज्जा । ४९. एवं पडिसेवणाकुसीले वि । ५०. कसायकुसीले ० पुच्छा । गोयमा ! जहन्नेणं अट्ठ पवयणमायाओ, उक्कोसेणं चोद्दस पुव्वाइं अहिज्जेज्जा । ५१. एवं नियंठे वि । ५२. सिणाये० पुच्छा। गोयमा ! सुयवतिरित्ते होज्जा । दारं ७ । [ सु. ५३-५७. अट्ठमं तित्थदारं- पंचविहनियंठेसु तित्थ अतित्थपरूवणं ]५३. पुलाए णं भंते! किं तित्थे होज्जा, अतित्थे होज्जा ? गोयमा ! तित्थे होज्जा, नो अतित्थे होज्जा । ५४. एवं बउसे वि, पडिसेवणाकुसीले वि । ५५. (१) कसायकुसीले ० पुच्छा । गोयमा ! तित्थे वा होज्जा, अतित्थे वा होज्जा । (२) जति अतित्थे होज्जा किं तित्थयरे होज्जा, पत्तेयबुद्धे होज्जा ? गोयमा ! तित्थगरे वा होज्जा, पत्तेयबुद्धे वा होज्जा । ५६. एवं नियंठे वि । ५७. एवं सिणाए वि । दारं ८ । [सु. ५८-५९. नवमं लिंगदारं- पंचविहनियंठेसु सलिंग-अन्नलिंग - गिहिलिंगपरूवणं ]५८. पुलाए णं भंते! किं सलिंगे होज्जा, अन्नलिंगे होज्जा, गिहिलिंगे होज्जा ? गोमा ! दव्वलिंगं पडुच्च सलिंगे वा होज्जा, अन्नलिंगे वा होज्जा, गिहिलिंगे वा होज्जा । भावलिंगं पडुच्च नियमं सलिंगे होज्जा । ५९. एवं जाव सिणाए । दारं ९ । [ सु. ६०-६४. दसमं सरीरदारं-पंचविहनियंठेसु सरीरभेयपरूवणं ] ६०. पुलाए णं भंते! कतिसु सरीरेसु होज्जा ? गोयमा ! तिसु ओरालिय- तेया- कम्मएस होज्जा । ६१. बउसे णं भंते !० पुच्छा। गोयमा ! तिसु वा चतुसु वा होज्जा । तिसु होमाणे तिसु ओरालिय- तेया- कम्मएस होज्जा, चउसु होमाणे चउसु ओरालिय- वेडव्विय-तेयाकम्मएस होज्जा । ६२. एवं पडिसेवणाकुसीले वि । ६३. कसायकुसीले० पुच्छा । गोयमा ! तिसु वा चतुसु वा पंचसु वा होज्जा । तिसु होमाणे तिसु ओरालिय- तेयाकम होना, चसु होमाणे चउसु ओरालिय-वेउव्विय तेया- कम्मएस होज्जा, पंचसु होमाणे पंचसु ओरालिय-वेउव्विय- आहारग-तेयग-कम्मएस होज्जा । ६४. णियंठे सिणाते य जहा पुलाओ। दारं १० [सु. ६५-६७. एक्कारसमं खेत्तदारं-पंचविहनियंठेसु कम्म अकम्मभूमिपरूवणं ] ६५. पुलाए णं भंते! किं कम्मभूमी होज्जा, अकम्मभूमीए होज्जा ? गोयमा ! जम्मण-संतिभावं पडुच्च कम्मभूमीए होज्जा, नो अकम्मभूमीए होज्जा । ६६. बउसे णं० पुच्छा। गोयमा !
संतभावं पडुच्चकम्मभूमीए होज्जा, नो अकम्मभूमीए होज्जा। साहारणं पडुच्च कम्मभूमीए वा होज्जा, अकम्मभूमीए वा होज्जा । ६७. एवं जाव सिणाए । दारं ११ । [ सु. ६८-७२. बारसमं कालदारं-पंचविहनियंठेसु ओसप्पिणि-उस्सप्पिणि-कालाइपरूवणं ] ६८. (१) पुलाए णं भंते! किं ओसप्पिणिकाले होज्जा, उस्सप्पिणिकाले होज्जा, नोओसप्पिणिनोउस्सप्पिणिकाले होज्जा ? गोयमा ! ओसप्पिणिकाले वा होज्जा, उसस्सप्पिणिकाले वा होज्जा, नोओसप्पिणिनोउस्सप्पिणिकाले वा होज्जा । (२) जदि ओसप्पिणिकाले होज्जा किं सुसमसुसमाकाले होज्जा, सुसमाकाले होज्जा, सुसनदुस्समाकाले होज्जा, दुस्समसुसमाकाले होना, दुस्समाकाले होज्जा, दुस्समदुस्समाकाले होज्जा ? गोयमा ! जम्मणं पडुच्च नो सुसमसुसमाकाले होज्जा, नो सुसमाकाले होज्जा, सुसमदुस्समाकाले वा होज्ना, दुस्समसुसमाकाले वा होज्जा, नो दुस्समाकाले होज्जा, नो दुस्समदुस्समाकाले होज्जा। संतिभावं पडुच्च नो सुसमसुसमाकाले होज्जा, नो सुसमाकाले होज्जा, सुसमदुस्समाकाले वा होज्जा, दुस्समसुसमाकाले वा होज्जा, दुस्समाकाले वा होज्जा, नो दूसमदूसमाकाले होज्जा। (३) जदि उस्सप्पिणिकाले
किं दुस्समदुस्समाकाले होज्जा, दुस्समाकाले होज्जा, दुस्समसुसमाकाले होज्जा, सुसमदुस्समाकाले होज्जा, सुसमाकाले होज्जा, सुसमसुसमाकाले होज्जा ? गोयमा ! जम्मणं पडुच्च णो दुस्समदुस्समाकाले होज्जा, दुस्समाकाले वा होज्जा, दुस्समसुसमाकाले वा होज्जा, सुसमदुस्समाकाले वा होज्जा, नो सुसमाकाले होज्जा,नो सुसमसुसमाकाले होज्ना। संतिभावं पडुच्च नो दुस्समदुस्समाकाले होज्जा, नो दुस्समाकाले होज्जा, दुस्समसुसमाकाले वा होज्जा, सुसमदुस्समाकाले वा
Yon श्री आगमगुणमंजूषा - ५४४
49
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |