Page Text
________________
फ्र
(५) भगवई २५ रा. उ.५ [३२६]
[ सु. १. पज्जवभेयाइजाणणत्थं पण्णवणासुत्तावलोयणनिद्देसो ] १. कतिविहा णं भंते ! पज्जवा पन्नत्ता ? गोयमा ! दुविहा पज्जवा पन्नत्ता, तं जहा जीवपज्जवा य अजीवपज्जवा य । पज्जवपयं निरवसेसं भाणितव्वं जहा पण्णवणाए । [सु. २- १२. आवलियापभिइसव्वद्धापज्जेतेसु कालभेएस एगत्त-पुहत्तेणं समयसंखापरूवणं] २. आवलिया णं भंते ! किं संखेज्जा समया, असंखेज्जा समया, अणंता समया ? गोयमा ! नो संखेज्जा समया, असंखेज्जा समया, नो अनंता समया । ३. आणापाणू णं भंते! किं संखेज्ना० ? एवं चेव । ४. थोवे णं भंते! किं संखेज्ना० ? एवं चेव । ५. एवं लवे वि, मुहुत्ते वि । एवं अहोरत्ते । एवं पक्खे मासे उडू अयणे संवच्छरे जुगे वाससते वाससहस्से वाससयसहस्से पुव्वंगे पुव्वे, तुडियंगे तुडिए, अडडंगे अडडे, अववंगे अववे, हूहुयंगे हूहुए, उप्पलंगे उप्पले, पउमंगे पउमे, नलिणंगे नलिणे, अत्थनिऊरंगे अत्थनिऊरे, अउयंगे अउये, नउयंगे नउए, पउयंगे पउए, चूलियंगे, चूलिए, सीसपहेलियंगे, सीसपहेलिया, पलिओवमे, सागरोवमे, ओसप्पिणी, एवं उस्सप्पिणी वि । ६. पोग्गलपरियट्टे णं भंते ! किं संखेज्जा समया, असंखेज्जा समया० पुच्छा। गोयमा ! नो संखेज्जा समया, नो असंखेज्जा समया, अनंता समया । ७. एवं तीतद्ध- अणागयद्ध-सव्वद्धा । ८. आवलियाओ णं भंते! किं संखेज्ना समया० पुच्छा । गोयमा ! नो संखेज्जा समया, सिय असंखेज्जा समया, सिय अनंता समया । ९. आणापाणू णं भंते! किं संखेज्जा समया० ? एवं चेव । १०. थोवा णं भंते! किं संखेज्ना समया० ? एवं चेव । ११. एवं जाव उस्सप्पिणीओ त्ति । १२. पोग्गलपरियट्टा णं भंते ! किं संखेज्ना समया० पुच्छा । गोयमा ! नो संखेज्ना समया, नो असंखेज्जा समया, अणंता समया । [सु. १३-२५. आणापाणुपभिइसव्वद्धापज्जेतेसु कालभेएस एगत्तपुहत्तेणं आवलियासंखापरूवणं ]१३. आणापाणू णं भंते! किं संखेज्जाओ आवलियाओ० पुच्छा । गोयमा ! संखेज्जाओ आवलियाओ, नो असंखेज्जाओ आवलियाओ, नो अणंताओ आवलियाओ । १४. एवं थोवे वि । १५. एवं जाव सीसपहेलिय त्ति । १६. पलिओवमेणं भंते! किं संखेज्जाओ० पुच्छा। गोयमा ! नो संखेज्जाओ आवलियाओ, असंखेज्जाओ आवलियाओ, नो अणंताओ आवलियाओ । १७. एवं सागरोवमे वि । १८. एवं ओसप्पिणीए वि, उस्सप्पिणीए वि । १९. पोग्गलपरियट्टे पुच्छा । गोयमा ! नो संखेज्जाओ आवलियो, नो असंखेज्जाओ आवलियाओ, अणंताओ आवलियाओ । २०. एवं जाव सव्वद्धा । २१. आणापाणू ? ओ णं भंते! किं संखेज्जाओ आवलियाओ० पुच्छा । गोयमा ! सिय संखेज्जाओ आवलियाओ, सिय असंखेज्जाओ, सिय अणंताओ । २२. एवं जाव सीसपहेलियाओ । २३. पलिओवमा णं० पुच्छा । गोयमा ! नो संखेज्जाओ आवलियाओ, सिय असंखेज्जाओ आवलियाओ, सिय ओलियाओ । २४. एवं जाव उस्सप्पिणीओ । २५. पोग्गलपरियट्टा णं० पुच्छा । गोयमा ! नो संखेज्जाओ आवलियाओ, नो असंखेज्जाओ आवलियाओ, अणंताओ आवलियाओ । [ सु. २६-२७. थोवपभिइसव्वद्धापज्जंतेसु कालभेएसु एगत्त-पुहत्तेणं आणापाणुपभिइसीसपहेलियापज्जंताणं संखापरूवणं ] २६. थोवे णं भंते! किं संखेज्जाओ आणापाणूओ, असंखेज्जाओ० ? जहा आवलियाए वत्तव्वया एवं आणापाणूओ वि निरवसेसा । २७. एवं एएणं गमएणं जाव सीसपहेलिया भाणियव्वा । [सु. २८-३४. सागरोवमपभिइसव्वद्धापज्जंतेसु कालभेएस एगत्त-पुहत्तेणं पलिओवमसंखापरूवणं ] २८. सागरोवमे णं भंते! किं संखेज्जा पलिओवमा० पुच्छा । गोयमा ! संखेज्जा पलिओवमा, नो असंखेज्जा पलिओवमा, नो अणंता पलिओवमा । २९. एवं ओसप्पिणी वि, उस्सप्पिणी वि । ३०. पोग्गलपरियट्टे णं० पुच्छा । गोयमा ! नो संखेज्ना पलिओवमा, नो असंखेज्जा पलिओवमा, अनंता पलिओवमा । ३१. एवं जाव सव्वद्धा । ३२. सागरोवमा णं भंते! किं संखेज्जा पलिओवमा० पुच्छा । गोयमा ! सिय संखेज्जा पलिओवमा, सिय असंखेज्जा पलिओवमा, सिय अनंता पलिओवमा । ३३. एवं जाव ओसप्पिणी वि, उस्सप्पिणी वि । ३४. पोग्गलपरियट्टा णं० पुच्छा। गोयमा ! नो संखेज्जा पलिओवमा, नो असंखेज्जा पलिओवमा, अणंता पलिओवमा । [सु. ३५. ओसप्पिणिपभिइसव्वद्वापज्जंतेसु कालभेएसु एगत्त-पुहत्तेणं सागरोवमसंखापरूवणं ]३५. ओसप्पिणी णं भंते! किं संखेज्जा सागरोवमा० ? जहा पलिओवमस्स वत्तव्वया तहा सागरोवमस्स वि । [सु. ३६-३८. पोग्ग़लपरियट्टपभिइसव्वद्धापज्जंतेसु कालभेएस एगत्त-पुहत्तेणं ओसप्पिणि उस्सप्पिणिसंखापरूवणं] ३६. पोग्गलपरियट्टे णं भंते! किं संखेज्जाओ ओसप्पिणि- उस्सप्पिणीओ० पुच्छा। गोयमा ! नो संखेज्जाओ ओसप्पिणि-उस्सप्पिणीओ, नो असंखिज्जाओ, अणंताओ ओसप्पिणि उस्सप्पिणीओ । ३७. एवं श्री आगमगुणमंजूषा - ५४१
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |