Page Text
________________
9
(५) भगवई २५ स. उ. २ [३१३]
फफफफफफफफ
भंते ! सेवं भंते ! त्ति० । ★ ★ ★ ॥ २५ सते पढमो उद्देसो । २५.१ ।। बीओ उद्देसओ 'दव्व' ★★★ [सु. १. दव्वाणं भेयदुगं ] १. कतिविधा णं भंते ! दव्वा पत्ता ? गोयमा ! दुविहा दव्वा पन्नत्ता, तं जहा जीवदव्वा य अजीवदव्वा य। [सु. २. अजीवदव्वाणं भेयदुगं, विसेसावगमत्थं पण्णवणासुत्तावलोयणनिद्देसो य] २. अजीवदव्वा णं भंते ! कतिविहा पन्नत्ता ? गोयमा ! दुविहा पन्नत्ता, तं जहा रूविअजीवदव्वा य, अरूविअजीवदव्वा य। एवं एएणं अभिलावेणं जहा अजीवपज्जवा जसे ते गोया ! एवं वुच्चति - ते णं नो संखेज्जा, नो असंखेज्जा, अनंता । [सु. ३. जीवदव्वाणं अनंतत्तं ] ३. (१) जीवदव्वा णं भंते! किं संखेज्जा, असंखेज्जा, अणंता ? गोयमा ! नो संखेज्जा, नो असंखेज्जा, अनंता । (२) से केणद्वेणं भंते! एवं वुच्चइ - जीवदव्वा णं नो संखेज्जा, नो असंखेज्जा, अणंता ? गोयमा ! असंखेज्ना नेरइया जाव असंखेज्जा वाउकाइया, अणंता वणस्सतिकाइया, असंखिज्जा बेदिया, एवं जाव वेमाणिया, अणंता सिद्धा, से तेणद्वेणं जाव अनंता । [सु. ४६. जीव-चउवीसइदंडएसु अजीवदव्वपरिभोगपरूवणं ] ४. (१) जीवदव्वाणं भंते! अजीवदव्वा परिभोगत्ताए हव्वमागच्छंति, अजीवदव्वाणं जीवदव्वा परिभोगत्ताए हव्वमागच्छंति ? गोयमा ! जीवदव्वाणं अजीवदव्वा परिभोगत्ताए हव्वमागच्छंति, नो अजीवदव्वाणं जीवदव्वा परिभोगत्ताए हव्वमागच्छंति । (२) से केणट्टेणं भंते ! एवं वुच्चति- जाव हव्वमागच्छंति? गोयमा ! जीवदव्वा णं अजीवदव्वे परियादियंति, अजीवदव्वे परियादिइत्ता ओरालियं वेउव्वियं आहारगं तेयगं कम्मगं सोतिदिय
फासिदिय जोग वइजोग कायजोग आणापाणुत्तं च निव्वत्तयंति, से तेणट्टेणं जाव हव्वमागच्छंति । ५. (१) नेरतियाणं भंते! अजीवदव्वा परिभोगत्ताए हव्वमागच्छंति, अजीवदव्वाणं नेरतिया परिभोगत्ताए हव्वमागच्छंति ? गोयमा ! नेरतियाणं अजीवदव्वा जाव हव्वमागच्छंति, नो अजीवदव्वाणं नेरतिया जाव हव्वमागच्छंति । (२) से केणट्टेणं० ? गोयमा ! नेरतिया अजीवदव्वे परियादियंति, अजीवदव्वे परियादिइत्ता वेउब्विय-तेयग- कम्मग-सोतिंदिय जाव फासिंदिय जाव आणापाणुत्तं च निव्वत्तयंति। से तेणद्वेणं गोतमा ! एवं वुच्चइ० । ६. एवं जाव वेमाणिया, नवरं सरीर - इंदिय जोगा भाणियव्वा जस्स जे अत्थि । [ सु. ७. असंखेज्जे लोए अनंतदव्वपरूवणं ] ७. से नूण भंते! असंखेज्जे लोए अणंताई दव्वाइं आगासे भइयव्वाई? हंता, गोयमा ! असंखेज्जे लोए जाव भइयव्वाई। [सु. ८-१०. दिसिं पडुच्च लोगेगपदेसम्मि पोग्गलाणं चयण- छेयण-उवचयण-अवचयणपरूवणं ] ८. लोगस्स णं भंते ! एगम्मि आगासपएसे कतिदिसिं पोग्गला चिज्जंति ? गोयमा ! निव्वाघातेणं छद्दिसिं; वाघातं पडुच्च सिय तिदिसिं, सिय चउदिसिं सिय पंचदिसिं । ९. लोगस्स णं भंते! एगम्मि आगासपएसे कतिदिसिं पोग्गला छिज्नंति ? एवं चेव । १०. एवं उववचिज्जंति, एवं अवचिज्जति । [ सु. ११-२५. सरीरपंचगत्त- इंदियपंचगत्त-जोगतियत्त आणापाणत्तेण गहिएसु दव्वेसु ठिय-अठियाइपरूवणा] ११. जीवे णं भंते! जाई दव्वाइं ओरालियसरीरत्ताए गेण्हइ ताइं किं ठियाई गेण्हइ, अठियाई गेण्हति ? गोयमा ! ठियाई पि गेण्हइ, अठियाई पि गेण्हइ | १२. ताइं भंते! किं दव्वओ गेण्हइ, खेत्तओ गेण्हइ, कालओ गेण्हइ, भावतो गेण्हइ ? गोयमा ! दव्वओ वि गेण्हति, खेत्तओ वि गेण्हइ, कालओ वि ues, भावतो वि गेहइ । ताइं दव्वतो अणतपएसियाइं दव्वाइं, खेत्ततो असंखेज्जपएसोगाढाई, एवं जहा पण्णवणाए पढमे आहारुद्देसए जाव निव्वाघाएणं छद्दिसिं, वाघायं पडुच्च सिन तिदिसिं, सिय चउदिसिं, सिय पंचदिसिं । १३. जीवे णं भंते! जाई दव्वाइं वेउव्वियसरीरत्ताए गेण्हइ ताइं किं ठियाई गेण्हति, अठियाई गेण्हति ? एवं चेव, नवरं नियमं छद्दिसिं । १४. एवं आहारगसरीरत्ताए वि । १५. जीवे णं भंते ! जाई दव्वाइं तेयगसरीरत्ताए गिण्हति० पुच्छा । गोयमा ! ठियाई गेण्हइ, नो अठियाई गेण्हइ । सेसं जहा ओरालियसरीरस्स । १६. कम्मगसरीरे एवं चेव जाव भावओ वि गिण्हति । १७. जाई दव्वतो गेण्हति ताई किं एगपएसियाई गेण्हति, दुपएसियाइं गेण्हइ०? एवं जहा भासापदे जाव आणुपुव्विं गेण्हइ, नो अणाणुपुव्विं गेण्हति । १८. ताइं भंते ! कतिदिसिं गेण्हति ? गोयमा ! निव्वाघातेनं० जहा ओरालियस्स । १९. जीवे णं भंते ! जाई दव्वाइं सोइंदियत्ताए गेण्हइ० जहा वेउव्वियसरीरं । २०. एवं जाव जिब्भिंदियत्ताए । २१. फासिंदियत्ताए जहा ओरालियसरीरं । २२. मणजोगत्ताए जहा कम्मगसरीरं, नवरं नियमं छद्दिसिं । २३. एवं वइजोगत्ताए वि । २४. कायजोगत्ताए जहा ओरालियसरीरस्स । २५. जीवे भंते! जाई दव्वाई आणापाणुत्ताए गेण्हइ ? जहेव ओरालियसरीरत्ताए जाव सिय पंचदिसिं । सेवं भंते! सेवं भंते! ति० । २६. केयि चउवीसदंडएणं एयाणि ४ श्री आगमगुणमंजूषा ५
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |