________________
(५) भगवई रा. १७ उ १२-१७ / रा. १८ उ १
[२५० ]
उववातिओ एवं जाव ईसिपब्भारावाउकाइओ अहेसत्तमाए जाव उववायेयव्वो । सेवं भंते ! सेवं भंते |०|| १७.११ ॥ ★★ बारसमो उद्देसओ 'एगिंदिय' ★★★ [ सु.१. एगिदिएसु समाहाराइसत्तदारपरूवणं ] १. एगिदिया णं भंते! सव्वे समाहारा, सव्वे समसरीरा ? एवं जहा पढमसए बितिय उद्देसए पुढविकाइयाणं वत्तव्वया भणिया (स०१उ०२सु०७) सा चेव एगिदियाणं इहं भाणियव्वा जाव समाउया समोववन्नगा । [सु. २-४. एगिदिएसु-लेसापरूवणं, लेसं पडुच्च अप्पाबहुयं इड्डिअप्पाबहुयं च ]२. एगिदियाणं भंते ! कति लेस्साओ पन्नत्ताओ ? गोयमा ! चत्तारि लेस्साओ पन्नत्ताओ, तं जहा कण्हलेस्सा जाव तेउलेस्सा । ३. एतेसि णं भंते ! एगिदियाणं कण्हलेस्साणं जाव विसेसाहिया वा? गोयमा! सव्वत्थोवा एगिदिया तेउलेस्सा, काउलेस्सा अणंतगुणा, णीललेस्सा बिसेसाहिया, कण्हलेस्सा विसेसाहिया। ४. एएसि णं भंते! एगिदियाणं कण्हलेस्सा० इड्डी जहेव दीवकुमाराणं (स०१६उ० ११सु० ४) । सेवं भंते ! सेवं भंते ! ० । ।। १७.१२।। ★★★तेरसमो उद्देसओ ‘नाग’★★★ [सु. १. नागकुमारेसु समाहाराइसत्तदार-लेसा - अप्पबहुयाइपरूवणं ] १. नामकुमारा णं भंते! सव्वे समाहारा जहा सोलसमसए दीवकुमारुद्देसए (स०१६३०११सु० १ - ४ ) तहेव निरवसेसं भाणियव्वं जाव इड्डी । सेवं भंते! सेवं भंते! जाव विहरइ । ।। १७.१३।। ★★★ चोदसमो उद्देसओ 'सुवण्ण' ★★★ [सु. १. सुवण्णकुमारेसु समाहाराइसत्तदार-लेसा - अप्पबहुयाइपरूवणं ] १. सुवष्णकुमारा णं भंते! सव्वे समाहारा०? एवं चेव । सेवं भंते! सेवं भंते १० । ।। १७.१४ ।। ★ ★ ★ पण्णरसमो उद्देसओ 'विज्जु' ★★★] सु. १. विज्जुकुमारेसु समाहाराइसत्तदार-लेसा- अप्पबहुयाइपरूवणं १. विज्जुकुमारा णं भंते ! सव्वे समाहारा०? एवं चेव । सेवं भंते! सेवं भंते !०|| १७.१५॥ ★★★ सोलसमो उद्देसओ 'वाय' ★★★ सु. १. वाउकुमारेसु समाहाराइसत्तदारलेसा-अप्पबहुयाइपरूवणं १. वायकुमारा णं भंते ! सव्वे समाहारा०? एवं चेव। सेवं भंते ! सेवं भंते !०|| || १७.१६ ।। ★ ★ ★ सत्तरसमो उद्देसओ 'अग्गि’★★★ [ सु. १. अग्गिकुमारेसु समाहाराइसत्तदार - लेसा - अप्पबहुयाइपरूवणं ] १. अम्गिकुमारा णं भंते! सव्वे समाहारा ०? एवं चैव। सेवं भंते ! सेवं भंते!०| || १७.१७।। 555 | सत्तरसमं सयं समत्तं ||१७|| अट्ठारसमं सयं [सु. १. अट्ठारसमसयस्स उद्देसनामपरूवणं ]१. पढमा १ विसाह १ मायंदिए य ३ पाणातिवाय ४ असुरे य ५ । गुल ६ केवलि ७ अणगारे ८ भविए ९ तह सोमिलऽट्ठरसे १० || १ || ★ ★ ★ पढमो उद्देसओ' पढमा' ★★★ [सु. २. पढमुद्देसस्सुवुग्घाओ ]२. तेणं' कालेणं तेणं समएणं रायगिहे जाव एवं क्यासी- [सु. ३- ८. जीव- चउवीसइदंडय - सिद्धेसु एगत्त-पुहत्तेणं जीवभावं पडुच्च जहाजोगं पढमत्त-अपढमत्तनिरूवणं ] ३. जीवे णं भंते! जीवभावेणं किं पढमे, अपढमे? गोयमा ! नो पढमे, अपढमे । ४. एवं नेरइए जाव वेमाणिए । ५. सिद्धे णं भंते ! सिद्धभावेणं किं पढमे, अपढमे ? गोयमा ! पढमे, नो अपढमे। ६. जीवा णं भंते ! जीवभावेणं किं पढमा, अपढमा ? गोयमा ! नो पढमा, अपढमा । ७. एवं वेमाणिया । ८. सिद्धा णं० पुच्छा। गोयमा ! पढमा, नो अपढमा । [ सु. ९-१७. जीव - चउवीसइदंडय - सिद्धेसु एगत्त-पुहत्तेणं जहाजोगं आहार अाहारभवं डु पढमत्त-अपढमत्तनिरूवणं ] ९. आहारए णं भंते! जीवे आहारभावेणं किं पढमे, अपढमे ? गोयमा ! नो पढमे, अपढमे । १०. एवं जाव वेमाणिए । ११. पोहत्ति एवं चेव। १२. अणाहारए णं भंते! जीवे अणाहारभावेणं० पुच्छा। गोयमा ! सिय पढमे, सिय अपढमे । १३. नेरतिए णं भंते !०१ एवं नेरतिए जाव वेमाणिए नो पढमे, अपढमे । १४. सिद्धे पढमे, नो अपढमे । १५. अणाहारगा णं भंते! जीवा अणाहारभावेणं० पुच्छा ! गोयमा ! पढमा वि अपढमा वि । १६. नेरतिया जाव वेमाणिया णो पढमा, अपढमा । १७.सिद्धा पढमा, नो अपढमा । एक्वेक्वे पुच्छा भाणियव्वा । [ सु. १८-२२. जीव- चउवीसइदंडय - सिद्धेसु एगत्त-पुहत्तेणं जहाजोगं भवसिद्धियाइभावं पडुच्च पढमत्त-अपढमत्तनिरूवणं ] १८. भवसिद्धीए एगत्त-पुहत्तेणं जहा आहाराए (सु०९-११)। १९. एवं अभवसिद्धीए वि । २० नोभवसिद्धीय-नोअभवसिद्दीय णं भंते ! जीवे नोभव० पुच्छा। गोयमा ! पढमे, नो अपढमे । २१. णोभवसिद्धीय- नोअभवसिद्धीये णं भंते! सिद्धे नोभव ०? एवं चेव । २२. एवं पुहत्तेण वि दोण्ह वि । [सु. २३-२८. जीव- चउवीसइदंडय - सिद्धेसु एगत्त-पुहत्तेणं जहाजोगं सण्णिआइभावं पडुच्च पढमत्त अपढमत्तनिरूवणं] २३. सण्णी णं भंते!
श्री आगमगुणमंजूषा - ४६५