Page Text
________________
XX££££££££
अफफफफफफफ
अभिनंदंतिय अभियुति य । ७७. तए णं से जमाली खत्तियकुमारे नयणमालासहस्सेहिं पिच्छिज्जमाणे पिच्छिज्नमाणे एवं जहा उववाइए कूणिओ जाव णिग्गच्छति, निग्गच्छित्ता जेणेव माहणकुंडग्गामे नगरे जेणेव बहुसालए चेइए तेणेव उवागच्छइ, तेणेव उवागच्छित्ता छत्तादीए तित्थगरातिसए पासइ, पासित्ता पुरिससहस्वाहिणि सीयं ठवेइ, ठवित्ता पुरिससहस्रसवाहिणीओ सीयाओ पच्चोरुहइ । ७८. तए णं तं जमालिं खत्तियकुमारं अम्मा-पियरो पुरओ काउं जेणेव समणे भगवं महावीरे तेणेव उवागच्छइ; तेणेव उवागच्छित्ता, समणं भगवं महावीरं तिक्खुत्तो जाव नमंसित्ता एवं वदासी एवं खलु भंते! जमाली खत्तियकुमारे अम्हं एगे पुत्ते इट्ठे कंते जाव किमंग पुण पासणयाए ? से जहानामए उप्पले इ वा पउमे इ वा जाव सहस्सपत्ते इ वा पंके जाए जले संबुड्ढे गोवलिप्पति पंकरएणं णोवलिप्पइ जलरएणं एवामेव जमाली विखत्तियकुमारे कामेहिं जाए भोगेहिं संबुड्ढे गोवलिप्पइ कामरएणं णोवलिप्पइ भोगरएणं णोवलिप्पइ मित्त-णाइ नियग-सयण-संबंधि-परिजणेणं, एस णं देवाप्पिया ! संसारभउव्विग्गे, भीए जम्मण-मरणेणं देवाणुप्पियाणं अंतिए मुंडे भवित्ता अगाराओ अणगारियं पव्वयइ, तं एयं णं देवाणुप्पियाणं अम्हे सीसभिक्खं दलयामो, पडिच्छंतु णं देवाणुप्पिया सीसभिक्खं । ७९. तए णं समणे भगवं महावीरे तं जमालिं खत्तियकुमारं एवं वयासी अहासुहं देवाणुप्पिया ! मा पडिबंधं । ८०. तए णं से जमाली खत्तियकुमारे समणेणं भगवया महावीरेणं एवं वुत्ते समाणे हट्ठतुट्ठे समणं भगवं महावीरं तिक्खुत्तो जाव नमंसित्ता उत्तरपुरत्थिमं दिसीभागं अवक्कमइ, अवक्कमित्ता सयमेव आभरण-मल्लालंकार ओमुयइ । ८१. तते णं से जमालिस्स खत्तियकुमारस्स माया हंसलक्खणेणं पडसाडएणं आभरण-मल्लालंकारं पडिच्छति, पंडिच्छित्ता हार - वारि जाव विणिम्मुयमाणी विणिम्मुयमाणी जमालिं खत्तियकुमारं एवं वयासी 'घडियव्वं जाया !, जइयव्वं जाया !, परक्कमियव्वं जाया !, अस्सिं च णं अट्ठे णो पमायेतव्वं' ति कट्टु जमालिस्स खत्तियकुमारस्स अम्मा-पियरो समणं भगवं महावीरं वंदंति णमंसंति, वंदित्ता णमंसित्ता, जामेव दिसं पाउब्भूया तामेव दिसं पडिगया । ८२. तए णं से जमाली खत्तियकुमारे सयमेव पंचमुट्ठियं लोयं करेति, करित्ता जेणेव समणे भगवं महावीरे तेणेव उवागच्छइ, तेणेव उवागच्छित्ता एवं जहा उसभदत्तो (सु. १६) तहेव पव्वइओ, नवरं पंचहिं पुरिससएहिं सद्धिं तहेव सव्वं जाव सामाइयमाइयाइं एक्कारस अंगाई अहिज्जइ, सामाइयमाइयाई एक्कारस अंगाई अहिज्जेत्ता बहूहिं चउत्थ छट्ठ-ऽट्ठम जाव मासद्धमासखमणेहिं विचित्तेहिं तवोकम्मेहिं अप्पाणं भावेमाणे विहरइ । [सु. ८३-८७. भगवंताणुमइउवेहगस्स जमालिस्स जणवयविहरणं] ८३. तए णं से जमाली अणगारे अन्नया कयाई जेणेव समणे भगवं महावीरे तेणेव उवागच्छइ, तेणेव उवागच्छित्ता समणं भगवं महावीरं वंदति नम॑सति, वंदित्ता नमंसित्ता एवं वयासी इच्छामि णं भंते ! तुब्भेहिं अब्भणुण्णाए समाणे पंचहिं अणगारसएहिं सद्धिं बहिया जणवयविहारं विहरित्तए । ८४. तए णं से समणे भगवं महावीरे जमालिस्स अणगारस्स एयमहं णो आढाइ, णो परिजाणाइ, तुसिणीए संचिट्ठइ । ८५. तए णं से जमाली अणगारे समण भगवं महावीरं दोच्चं पि तच्चं पि एवं वयासी इच्छामि णं भंते! तुब्भेहिं अब्भणुण्णाए समाणे पंचहि अणगारसएहिं सद्धिं जाव विहरित्तए । ८६. तणं समणे भगवं महावीरे जमालिस्स अणगारस्स दोच्चं पि तच्चं पि एयमङ्कं णो आढाइ जाव तुसिणीए संचिट्ठइ । ८७. तए णं से जमालि अणगारे समणं भगवं महावीरं वंदइ णमंसइ वंदित्ता णमंसित्ता समणस्स भगवओ महावीरस्स अंतियाओ बहुसालाओ चेइयाओ पडिनिक्खमइ, पडिनिक्खमित्ता पंचहिं अणगारसहिं सद्धिं बहिया जणवयविहारं विहरइ । [सु. ८८-९१. जमालिस्स सावत्थीए भगवओ य चंपाए विहरणं] ८८. तेणं कालेणं तेणं समएणं सावत्थी नामं णयरी होत्था । वणओ | कोए चेइए । वण्णओ। जाव वणसंडस्स । ८९. तेणं कालेणं तेणं समएणं चंपा नाम नयरी होत्था । वण्णओ । पुण्णभद्दे चेइए। वण्णओ । जाव पुढविसिलावट्टओ । ९०. तए णं से जमाली अणगारे अन्नया कयाइ पंचहिं अणगारसएहिं सद्धिं संपरिवुडे पुव्वाणुपुव्विं चरमाणे गामाणुगामं दूइज्माणे जेणेव सावत्थी नयरी जेणेव कोट्ठए चेइए तेणेव उवागच्छइ, तेणेव उवागच्छित्ता अहापडिरूवं उग्गहं उग्गिण्हति, अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे विहरइ । ११. तए णं समणे भगवं महावीरे अन्नया कयाइ पुत्र्वाणुपुव्विं चरमाणे जाव सुहंसुहेणं विहरमाणे जेणेव चंपा नगरी जेणेव पुण्णभद्दे चेइए तेणेव उवागच्छइ; तेणेव उवागच्छित्ता अहापडिरूवं उग्गहं उग्गिण्हति, अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे विहर। [सु. ९२. जमालिसरीरे Hero श्री आगमगुणमंजूषा ३६१
(५) भगवई ९ सतं उ ३३
[ १४६ ]
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |