Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 455

G.C5555555555555555
(५) भगवई ५.सतं उ - ३३ [१४३]
555555555555555OCTOR
TIG95555555555555555555555555555555555555555555555555xos
अप्पकालिया लहुसगा कलमलाहिवासदुक्खबहुजणसाहारणा परिकिलेस -किच्छदुक्खसज्झा अबुहजणसेविया सदा साहुगरहणिज्जा अणंतसंसारवद्धणा कडुयफलविवागा चुडलि व्व अमुच्चमाण दुक्खाणुबंधिणो सिद्धिगमणविग्घा, से केस णं जाणति अम्म ! ताओ ! के पुव्विं गमणयाए ? के पच्छा गमणयाए ? तं इच्छामि णं अम्म ! ताओ ! जाव पव्वइत्तए । ४१. तए णं तं जमालिं खत्तियकुमारं अम्मा-पियरो एवं वयासी इमे य ते जाया ! अजय-पज्जय-पिउपज्जयागप सुबहुहिरण्णे य सुवण्णे य कंसे य दूसे य विउलघणकणग० जाव संतसारसावएज्जे अलाहि जाव आसत्तमाओ कुलवंसाओ पकामं दातुं, पकामं भोत्तुं, पकामं परिभाएउं, तं अणुहोहि ताव जाया ! विउले माणुस्सए इड्डिसक्कारसमुदए, तओ पच्छा अणुहूयकल्लाणे वड्डिय कुलवंसतंतु जाव पव्वइहिसि । ४२. तएणं से जमाली खत्तियकुमारे अम्मा-पियरो एवं वयासी तहा विणं तं अम्म ! ताओ ! जंणं तुब्भे ममं एवं वदह 'इमे य ते जाया ! अज्जग -पज्जग० जाव पव्वइहिसि' एवं खलु अम्म ! ताओ! हिरण्णे य सुवण्णे य जाव सावएज्जे अग्गिसाहिए चोरसाहिए रायसाहिए मच्चुसाहिए दाइयसाहिए अग्गिसामन्ने जाव दाइयसामन्ने अधुवे अणितिए असासए पुव्विं वा पच्छा वा अवस्सविप्पजहियव्वे भविस्सइ, से केस णं जाणइ० तं चेव जाव पव्वइत्तए। ४३. तए णं तं जमालिं खत्तियकुमारं अम्म-ताओ जाहे नो संचाएंति विसयाणुलोमाहिं बहूहिं आघवणाहि य पण्णवणाहि य सन्नवणाहि य विण्णवणाहि य आघवित्तए वा पण्णवित्तए वा सन्नवित्तए वा विण्णवित्तए वा ताहे विसयपडिकूलाहिं संजमभयुव्वेवणकरीहिं पण्णवणाहिं पण्णवेमाणा एवं वयासी एवं खलु जाया ! निग्गंथे पावयणे सच्चे अणुत्तरे केवले जहा आवस्सए जाव सव्वदुक्खाणमंतं करेंति, अहीव एगंतदिट्ठीए, खुरो इव एगंतधाराए, लोहमया जवा चावेयव्वा, वालुयाकवले इव निरस्साए, गंगा वा महानदी पडिसोयगमणयाए, महासमुद्दे वा भुजाहिंदुत्तरे, तिक्खं कमियव्वं, गरुयं लंबेयव्वं, असिधारगं वत्तं चरियव्वं, नो खलु कप्पइ जाया ! समणाणं निग्गंथाणं आहाकम्मिए इवा, उद्देसिए इ वा, मिस्सजाए इ वा, अज्झोयरए इ वा. पूइए इ वा, कीए इवा, पामिच्चे इ वा, अच्छेज्जे इ वा, अणिसटे इ वा, अभिहडे इ वा, कंतारभत्ते इ वा, दुब्भिक्खभत्ते इ वा, गिलाणभत्ते इ वा, वद्दलियाभत्ते इ वा, पाहुणगभत्त इवा, सेज्जायर पिंडे इ वा, रायपिंडे इ वा, मूलभोयणे इ वा, केदभोयणे इ वा, फलभोयणे इ वा, बीयभोयणे इवा, हरियभोयणे इ वा, भुत्तए वा पायए वा । तुमं सि च णं जाया ! सुहसमुयिते णो चेव णं दुहसमुयिते, नालं सीयं, नालं उण्हं, नालं खुहा, नालं पिवासा, नालं चोरा, नालं वाला, नालं दंसा, नालं मसगा, नालं वाइय-पित्तिय-सेभिय-सन्निवाइए विविहे रोगायंके परीसहोवसग्गे उदिण्णे अहियासेत्तए । तं नो खलु जाया ! अम्हे इच्छामो तुझं खणमवि विप्पयोगं, तं अच्छाहि ताव जाया ! जाव ताव अम्हे जीवामो, तओ पच्छा अम्हेहिं जाव पव्वइहिसि । ४४. तए णं से जमाली खत्तियकुमारे अम्मा - पियरो एवं वयासी -तहा विणं तं अम्मं ! ताओ जं णं तुब्भे ममं एवं वदह एवं खलु जाया ! निग्गंथे पावयणे सच्चे अणुत्तरे केवले तं चेव जाव पव्वइहिसि। एवं खलु अम्म ! ताओ ! निग्गंथे पावयणे कीवाणं कायराणं कापुरिसाणं इहलोगपडिबद्धाणं परलोगपरम्मुहाणं विसयतिसियाणं दुरणुचरे, पागयजणस्स, धीरस्स निच्छियस्स ववसियस्स नो खलु एत्थं किंचि वि दुक्करं करणयाए, तं इच्छामि णं अम्म ! ताओ ! तुब्मेहिं अब्भणुण्णाए समाणे समणस्स भगवओ महावीरस्स जाव पव्वइत्तए। [४५. जमालिपव्वज्जागहणे अम्मा-पिईणमणुमतीं] ४५. तए णं तं जमालिं खत्तियकुमारं अम्मा - पियरो जाहे नो संचाएंति विसयाणुलोमाहि य विसयपडिकूलाहि य बहूहि य आघवणाहि य पण्णवणाहि य सन्नवणाहि य विण्णवणाहि य आघवेत्तए वा जाव विण्णवेत्तए वा ताहे अकामाइं चेव जमालिस्स खत्तियकुमारस्स निक्खमणं अणुमन्नित्था। (सु. ४६-८२. विसिट्ठविभूइवण्णणापुव्वं जमालिपव्वज्जागहणविसइयं वित्थरओ वण्णणं जमालिस्स पव्वज्जागहणं च] ४६. तएणं तस्स जमालिस्स खत्तियकुमाररस पिया कोडुपियपुरिसे सद्दावेइ, सद्दवेत्ता एवं वयासी खिप्पामेव भो देवाणुप्पिया ! खत्तियकुंडग्गामं नगरं सब्भितरबाहिरियं आसियसम्मज्जिओवलित्तं जहा उववाइए जाव पच्चप्पिणंति । ४७. तए णं से जमालिस्स खत्तियकुमारस्स पिया दोच्चं पि कोडंपियपुरिसे सद्दावेइ, सद्दावेत्ता एवं वयासी खिप्पामेव भो देवाणुप्पिया ! जाभानिस्स खत्तियकुमारस्स महत्थं महग्धं महरिहं विपुलं पिक्खमणाभिसेयं उवट्ठवेह । ४८. तएणं
ते कोडुबियपुरिसा तहेव जाव पच्चप्पिणंति। ४९. तए णं तं जमासिक नियकुमारं अम्मा-पियरो सीहासणवरंसि पुरत्याभिमुहं निसीयाति, निसीयावेत्ता अट्ठसएणं reOf+$$$555555555555555555 श्री मणभजूषा - ३१८ 55555555555FFFFFFFFFFFFFFFrom
Fore5555555555555555555555555555555555555555555555555