Page Text
________________
(५) भगवई ८ समं .६.७ [११२]
फफफफफफ
अकिरिए । १९. नेरइए णं भंते! ओरालियसरीरेहिंतो कतिकिरिए ? एवं एसो जहा पढमो दंडओ (सु. १५-१७) तहा इमो वि अपरिसेसो भाणियव्वो जाव वेमाणिए, नवरं मस्से जहा जीवे (सु. १८) । २०. जीवा णं भंते! ओरालियसरीराओ कतिकिरिया ? गोयमा ! सिय तिकिरिया जाव सिय अकिरिया । २१. नेरइया णं भंते ! ओरालियस राओ कतिकिरिया ? एवं एसो वि जंहा पढमो दंडओ (सु. १५-१७) तहा भाणियव्वो जाव वेमाणिया, नवरं मणुस्सा जहा जीवा (सु. २०) । २२. जीवाणं भंते! ओरालियसरीरेहिंतो कतिकिरिया ? गोयमा ! तिकिरिया वि, चउकिरिया वि, पंचकिरिया वि, अकिरिया वि । २३. नेरइया णं भंते! ओरालियसरीरेहिंतो कइकिरिया ? गोयमा ! तिकिरिया वि, चउकिरिया वि, पंचकिरिया वि । २४. एवं जाव वेमाणिया, नवरं मणुस्सा जहा जीवा (सु. २२) । २५. जीवे णं भंसे ! वे उव्वियसरीराओ कतिकिरिए ? गोयमा ! सिय तिकिरिए, सिय चउकिरिए, सिय अकिरिए । २६. नेरइए णं भंते ! वेउव्वियसरीराओ कतिकिरिए ? गोयमा ! सिय तिकिरिए, सिय चउकिरिए । २७. एवं जाव वेमाणिए, नवरं मणुस्से जहा जीवे (सु. २५) । २८. एवं जहा ओरालियसरीरेणं चत्तारि दंडगा भणिया तहा वेउव्वियसरीरेण वि चत्तारि दंडगा भाणियव्वा, नवरं पंचमकिकरिया न भण्णइ, सेसं तं चेव । २९. एवं जहा वेउव्वियं तहा आहारगं पि, तेयगं पि, कम्मगं पि भाणियव्वं । एक्केके चत्तारि दंडगा भाणियव्वा जाव वेमाणिया णं भंते! कम्मगसरीरेहिंतो कइकिरिया ? गोयमा ! तिकिरिया वि, चउकिरिया वि। सेवं भंते! सेवं भंते! ति० ॥ ★★★ अट्ठमसयस्स छट्ठो उद्देसओ समत्तो ॥ ८.६ ॥ सातमो उद्देसो 'अदत्ते' ★ ★ ★ [सु. १ २. रायगिहे नगरे अन्नउत्थियवासो भगवओ समोसरणं च] १. तेणं कालेणं तेणं समएणं रायगिहे नगरे । वण्णओ । गुणसिलए चेइए। वण्णओ, जाव पुढविसिलावट्टओ । तस्स णं गुणसिलयस्स चेइयस्स अदुरसामंते बहवे अन्नउत्थिया परिवसंति । २. तेणं कालेणं तेणं समएणं समणे भगवं महावीरे आदिगारे जाव समोसढे जाव बरिसा पडिगया । [सु. ३-१५. अन्नउत्थियाणं निग्गंथथेरेहिं सह अदिण्णादाणविसओ विवादो] ३. तेणं कालेणं तेणं समएणं समणस्स भगवओ महावीरस्स बहवे अंतेवासी थेरा भगवंतो जातिसंपन्ना कुलसंपन्ना जहा बितियसए (स. २ उ. ५ सु. १२) जाव जीवियासामरणभयविप्पमुक्का समणस्स भगवओ महावीरस्स अदूरसामंते उहुंजाणू अहोसिरा झाणकोट्ठोवगया संजमेणं तवसा अप्पाणं भावेमाणा जाव विहरति । ४. तए णं ते अन्नउत्थिया जेणेव थेरा भगवंतो तेणेव उवागच्छंति, उवागच्छित्ता ते थेरे भगवंते एवं वयासी तुब्भे णं अज्जो ! तिविहं तिविहेणं अस्संजयअविरयअप्पडिहय जहा सत्तमसए बितिए उद्देसए (सु. ७ उ. २ सु. १ ( २ ) जाव एगंतबाला यावि भगह । ५. तए णं ते रा भगवंतो ते अन्नउत्थिए एवं वयासी केणं कारणेणं अज्जो ! अम्हे तिविहं तिविहेणं अस्संजयअविरय जाव एगंतबाला यावि भवामो ? ६. तए णं ते अन्नउत्थिया ते थेरे भगवंते एवं वयासी तुब्भे णं अज्जो ! अदिन्नं गेण्हह, अदिन्नं भुंजह, अदिन्नं सातिज्जह। तए णं तुब्भे अदिन्नं गेण्हमाणा, अदिन्नं भुंजमाणा, अदिन्नं सातिज्जमाणा तिविहं तिविहेणं अस्संजयअविरय जाव एगंतबाला यावि भगह । ७. तए णं ते थेरा भगवंतो ते अन्नउत्थिए एवं वयासी केणं कारणेणं अज्जो ! अम्हे अदिन्नं गेण्हामो, अद्रिन्नं भुंजामो, अदिन्नं सातिज्जमो, तए णं अम्हे अदिन्नं गेण्हमाणा, जाव अदिन्नं सातिज्जमाणा लिविहं तिविहेणं अस्संजय जाव एगंतबाला यावि भवाओ ? ८. त णं ते अन्नउत्थिया ते थेरे भगवंते एवं वयासी तुम्हाणं अज्जो ! दिज्नमाणे अदिन्ने, पडिगहेज्जमाणे अपडिग्गहिए, निसिरिज्जमाणे अणिसट्ठि, तुब्भे णं अनो ! दिज्नमाणं पडिग्गहगं असंपत्तं एत्थ णं अंतरा केइ अवहरिज्जा, गाहावइस्स णं तं नो खलु तं तुब्भं, तए णं तुब्भे अदिन्नं गेण्हह जाव अदिन्नं सातिज्जह, तए णं तुब्भे अदिन्नं गेण्हमाणा जाव एगंतबाला यावि भवह। ९. तए णं ते थेरा भगवंतो ते अन्नउत्थिए एवं वयासी नो खलु अज्जो ! अम्हे अदिन्नं गिण्हामो, अदिन्नं भुंजामो, अदिन्नं सातिज्जामो, अम्हे णं अज्जो ! दिन्नं गेण्हामो, दिन्नं मुंजामो, दिन्नं सातिज्जामो, तए णं अम्हे दिन्नं गेण्हमाणा दिन्नं भुंजमाणा दिन्नं सातिज्जमाणा तिविहं तिविहेणं संजयविरयपडिय जहा सत्तमसए (स.७उ. २ सु. १२) जाव एरांतपंडिया बावि भवामो । १०. तए णं ते अन्नउत्थिया ते थेरे भगवंते एवं वयासी केण कारणेणं अज्ज! तुम्हे दिन्नं हह जाव दिन्नं सातिज्जह, तए णं तुब्भे दिन्नं गेण्डभाणा गाव एगंतपंडिया यावि भवह ? ११. तए णं ते थेा भगवंतो ते अन्नउत्थिए एवं वयासी
फफफफफफफफ
श्री मंजूषा - O
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |