Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 396

OR9555555555555
(५) भगवई ७ सतं उद्देसक-२ [८४]
E5555555555555552xSOR
G955555555555555555555555555555555555555555555troy
जाव सव्वसत्तेहिं पच्चक्खाय' इति वदमाणस्स नो सुपच्चक्खायं भवति, दुपच्चक्खायं भवति । एवं खलु से दुपच्चक्खाई सव्वपाणेहिं जाव सव्वसत्तेहिं 'पच्चक्खायं' इति वदमाणो नो सच्चं भासं भासति, मोसं भासं भासइ, एवं खलु से मुसावाती सव्वपाणेहिं जाव सव्वसत्तेहि तिविहं तिविहेणं अस्संजयविरयपडिहयपच्चक्खायपावकम्मे सकिरिए असंवुडे एगंतदंडे एगंतबाले यावि भवति । जस्सणं सव्वपाणेहिं जाव सब्वसत्तेहिं 'पच्चक्खाय' इति वदमाणस्स एवं अभिसमन्नागतं भवति 'इमे जीवा, इमे अजीवा, इमे तसा, इमे थावरा' तस्स णं सव्वपाणेहिं जाव सव्वसत्तेहिं 'पच्चक्खायं' इति वदमाणस्स सुपच्चक्खायं भवति, नो दुपच्चक्खायं भवति । एवं खलु से सुपच्चक्खाई सव्वपाणेहिं जाव सव्वसत्तेहिं 'पच्चक्खायं' इति वयमाणे सच्चं भासं भासति, नो मोसं भासं भासति, एवं खलु से सच्चवादी सव्वपाणेहिं जाव सव्वसत्तेहिं तिविहं तिविहेणं संजयविरयपडिहयपच्चक्खायपावकम्मे अकिरिए संबुडे एगंतअदंडे एगंतपंडिते यावि भवति । से तेणटेणं गोयमा ! एवं वुच्चइ जाव सिय दुपच्चक्खायं भवति। [सु. २-८. पच्चक्खाणभेय -पभेयपरूवणा] २. कतिविहे णं भंते ! पच्चक्खाणे पण्णत्ते ? गोयमा ! दुविहे पच्चक्खाणे पण्णत्ते, तं जहा मूलगुणपच्चक्खाणे य उत्तरगुणपच्चक्खाणे य। ३. मूलगुणपच्चक्खाणे णं भंते ! कतिविहे पण्णत्ते ? गोयमा ! विहे पण्णत्ते, तं जहा सव्वमूलगुणपच्चक्खाणे य देसमूलगुणपच्चक्खाणे य । ४. सव्वमूलगुणपच्चक्खाणे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा सव्वातो पाणातिवातातो वेरमणं जाव सव्वातो परिग्गहातो वेरमणं । ५. देसमूलगुणपच्चक्खाणे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा थूलातो पाणातिवातातो वेरमणं जाव थूलातो परिग्गहातो वेरमणं । ६. उत्तरगुणपच्चक्खाणे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा सव्वुत्तरगुणपच्चक्खाणे य, देसुत्तरगुणपच्चक्खाणे य । ७. सव्वुत्तरगुणपच्चक्खाणे णं भंते ! कतिविहे पण्णत्ते? गोयमा ! दसविहे पण्णत्ते, तं जहा “अणागतं १ अतिक्वंतं २ कोडीसहितं ३ नियंटियं ४ चेव । सागारमणागारं ५-६ परिमाणकडं ७ निरवसेसं ८" ||१|| साकेयं ९ चेव अद्धाए १०, पच्चक्खाणं भवे दसहा। ८. देसुत्तरगुणपच्चक्खाणे णं भंते ! कतिविहे पण्णत्ते? गोयमा ! सत्तविहे पण्णत्ते, तं जहा दिसिव्वयं १ उवभोग-परीभोगपरिमाणं २ अणत्थदंडवेरमाणं ३ सामाइयं ४ देसावगासिय ५ पोसहोववासो ६ अतिहिसंविभागो ७, अपच्छिममारणंतियसलेहणा झूसणाऽऽराहणता। [सु. ९-१३. जीव-चउवीसदंडयाणं मूलुत्तरगुणपच्चक्खाणिअपच्चक्खाणीहिं वत्तव्वया] ९. जीवा णं भंते ! किं मूलगुणपच्चक्खाणी, उत्तरगुणपच्चक्खाणी, अपच्चक्खाणी ? गोयमा ! जीवा मूलगुणपच्चक्खाणी वि, उत्तरगुणपच्चक्खाणी वि, अपच्चक्खाणी वि । १०. नेरइया णं भंते ! किं मूलगुणपच्चक्खाणी०? पुच्छा । गोतमा ! नेरइया नो मूलगुणपच्चक्खाणी, नो उत्तरगुणपच्चक्खाणी, अपच्चक्खाणी। ११. एवं जाव चउरिदिया। १२. पंचिदियतिरिक्खजोणिया मणुस्सा य जहा जीवा (स.११।१३. वाणमंतर -जोतिसिय वेमाणिया जहा नेरइया (सु. १०)। [सु. १४-१६. मूलुत्तरगुणपच्चक्खाणि -अपच्चक्खाणीण जीवपंचिदियतिरिक्ख-मणुयाणं अप्पाबहृयं] १४. एतेसिणं भंते । जीवाणं मूलगुणपच्चक्खाणीण जाव अपच्चक्खाणीण य कतरे कतरेहितो जाव विसेसाहिया वा ? गोयमा ! सव्वत्थोवा जीवा मूलगुणपच्चक्खाणी, उत्तरगुणपच्चक्खाणी असंखेज्जगुणा, अपच्चक्खाणी अणंतगुणा । १५. एतेसि णं भंते ! पंचिदियतिरिक्खजोणियाणं० पुच्छा । गोयमा ! सव्वत्थोवा जीवा पंचिदियतिरिक्खजोणिया मूलगुणपच्चक्खाणी, उत्तरगुणपच्चक्खाणी असंखेज्जगुणा, अपच्चक्खाणी असंखिज्जगुणा । १६. एतेसि णं भंते ! मणुस्साणं मूलगुणपच्चक्खाणीणं० पुच्छा । गोयमा ! सव्वत्थोवा मणुस्सा मूलगुणपच्चक्खाणी, उत्तरगुणपच्चक्खाणी संखेज्जगुणा, अपच्चक्खाणी असंखेज्जगुणा। स. १७-२२. जीव-चउवीसदंडयाणं सव्व-देसमूलगुणपच्चक्खाणि अपच्चक्खाणीहिं वत्तव्वया] १७. जीवा णं भंते ! किं सव्वमूलगुणपच्चक्खाणी ? देसमूलगुणपच्चक्खाणी ? अपच्चक्खाणी ? गोयमा ! जीवा सव्वमूलगुणपच्चक्खाणी, देसमूलगुणपच्चक्खाणी, अपच्चक्खाणी वि। १८. नेरइयाणं पुच्छा । गोयमा! नेरतिया नो सव्वमूलगुणपच्चक्खाणी, नो देसमूलगुणपच्चक्खाणी, अपच्चक्खाणी । १९. एवं जाव चउरिदिया । २०. पंचेदियतिरिक्खपुच्छा । गोयमा ! पंचेदियतिरिक्खा नो सव्वमूलगुणपच्चक्खाणी, देसमूलगुणपच्चक्खाणी वि, अपच्चक्खाणी वि । २१. मणुस्सा जहा जीवा । २२. वाणमंतर -जोतिस-वेमाणिया
SO55555555555555555555555555555555555555555555555555OR
FODEducation International 2010-03
te & Personal Use Only