Page Text
________________
(५) भगवई ३ सतं उद्देसक ७८.९-१० / ४ सतं उ- १ [ ५३ ]
पहीणमग्गाणि वा, पहीणगोत्तागाराइ वा उच्छन्नसामियाति वा उच्छन्नसेतुयाति वा, उच्छन्नगोत्तागाराति वा सिंघाडग-तिग- चउक्क चच्चर - चउम्मुह महापह- पहेसु नगरविद्धमणेसु सुसाण - गिरि-कंदर -संति - सेलोवट्ठाण -भवणगिहेसु सन्निक्खित्ताइं चिट्ठति, ण ताई सक्कस्स देविंदस्स देवरण्णो वेसमणस्स महारण्णो अण्णाया अट्ठाई असुयाई अविन्नयाई, तेसिं वा वेसमणकाइयाणं देवाणं । (४) सक्कस्स णं देविंदस्स देवरण्णो वेसमणस्स महारण्णो इमे देवा अहावच्चाभिण्णाया होत्या, तं जहा पुण्णभद्दे माणिभद्दे सालिभद्दे सुमणभद्दे चक्करक्खे पुण्णरक्खे सव्वाणे सव्वजसे सव्वकामसमिद्धे अमोहे असंगे । (५) सक्कस्स णं देविंदस्स देवरण्णो समणस्स महारण दो पलिओवमाणि ठिती पण्णत्ता । अहावच्चाभिण्णायाणं देवाणं एगं पलिओवमं ठिती पण्णत्ता । एमहिड्डीए जाव वेसमणे महाराया । सेवं भंते! सेवं भंते ! त्ति० । ★★★तड्यसते सत्तमो उद्देसओ समत्तो ॥ ३७॥ ★★★ अट्टमो उद्देसओ 'अहिवइ' ★★★ [सु. १ ३. भवणवासिदेवाहिवड्परूवणं] १. रायगिहे नगरे जाव पज्जुवासमाणे एवं वदासी असुरकुमाराणं भंते! देवाणं कति देवा आहेवच्चं जाव विहरंति ? गोयमा ! दस देवा आहेवच्चं जाव विहरंति, तं जहा चमरे असुरिंदे असुरराया, सोमे, जमे, वरुणे, वेसमणे, बली वइरोयणिदे वइरोयणराया, सोमे, जमे, वरुणे वेसमणे । २. नागकुमाराणं भंते ! पुच्छा । गोयमा ! दस देवा आहेवच्चं जाव विहरंति, तं जहा धरणे नागकुमारिंदे नागकुमारराया, कालवाले, कोलवाले सेलवाले, संखवाले, भूयाणंदे नागकुमारिदे नागकुमारराया, कालवाले, कोलवाले, संखवाले, सेलवाले । ३. जहा नागकुमारिंदाणं एताए वत्तव्वताए णीयं एवं इमाणं नेयव्वं सुवण्णकुमाराणं वेणुदेवे, वेणुदाली, चित्ते, विचित्ते, चित्तपक्खे, विचित्तपक्खे। विज्जुकुमाराणं हरिक्कंत, हरिस्सह, पभ, सुप्पभ, पभकंत, सुप्पभकंत। अग्गिकुमाराणं अग्गिसीहे, अग्गिमाणव, ते, तेउसीहे, ते कंते, तेउप्पभे । दीवकुमाराणं पुण्ण, विसिट्ठ, रूय, सुरूय, रूयकंत, रूयप्पभ । उदहिकुमाराणं जलकंते जलप्पभ, जल, जलरूय, जलकंत, जलप्पभ । दिसाकुमाराणं असियगति, अमियवाहण, तुरियगति, खिप्पगति, सीहगति, सीहविक्कमगति । वाउकुमाराणं वेलंब, पभंजण, काल महाकाला अंजण रिट्ठा। थणियकुमाराणं घोस, महाघोस, आवत्त, वियावत्त, नंदियावत्त, महानंदियावत्त। एवं भाणियव्वं जहा असुरकुमारा । सो० १ का० रचि०३ प० ४ ते० ५ रू० ६ ज० ७ तु० ८ का० ९ आ० १० । [सु. ४ ६. वाणमंतर - जोतिस - वेमाणियदेवाहिवइपरूवणा] ४. पिसायकुमाराणं पुच्छा । गोयमा ! दो देवा आहेवच्चं जाव विहरंति, तं जहा काले य महाकाले सुरूव पडिरूव पुन्नभद्दे य । अमरवइ माणिभद्दे भीमे य तहा महाभीमे || १ || किन्नर किंपुरिसे खलु सप्पुरिसे खलु तहा महापुरिसे। अतिकाय महाकाए गीरतती चेव गीयजसे ॥ २॥ एते वाणमंतराणं देवाणं । ५. जोतिसियाणं देवाणं दो देवा आहेवच्चं जाव विहरंति, तं जहा चंदे य सूरे य । ६. सोहम्मीसाणेसु णं भंते! कप्पेसु कति देवा आहेवच्चं जाव विहरंति ? गोयमा ! दस देवा जाव विहरंति, तं जहा सक्के देविदे देवराया, सोमे, जमे, वरूणे, वेसमणे । ईसाणे देविदे देवराया, सोमे, जमे, वरूणे, वेसमणे । एसा वत्तव्वया सव्वेसु वि कप्पेसु, एते चेव भाणियव्वा । जे य इंदा ते य भाणियव्वा । सेवं भंते! सेवं भंते ! ति० ॥ ★★★ ॥ तइयसते अट्टमो उसेओ समत्तो । ३.८ ।। नवमो उद्देसओ 'इंदिय' ★★★ [सु. १. इंदियविसयभेयपरूवणा] १. रायगिहे जाव एवं वदासी कतिविहे णं भंते! इंदियविसए पण्णत्ते ? गोयमा ! पंचविहे इंदियविसए पण्णत्ते, तं० सोतिदियविसए, जीवाभिगमे जोतिसियउद्देसो नेयव्वो अपरिसेसो । ★★★ ॥ तइयसए नवमो उद्देसओ समत्तो ॥ ३.९ ।। दसमो उद्देसओ 'परिसा' ★★★ [१. भवणवइआइअच्चुयकप्पज्जंतदेवपरिसापरूवणा] १. (१) रायगिहे जाव एवं वयासी चमरस्स णं भंते! असुरिंदस्स असुररण्णो कति परिसाओ पण्णत्ताओ ? गोयमा ! तओ परिसाओ पण्णत्ताओ, तं जहा समिता चंडा जाता। (२) एवं जहाणुपुव्वीए जाव अच्चुओ कप्पो । सेवं भंते! सेवं भंते! ति० ॥ ॥ तइयसए दसमोद्देसो । ३.१० ॥ ★★★ ॥ ततियं सयं समत्तं ॥ चउत्थं सयं 55 [सु १. चउत्थसयस्स उद्देसत्थाहिगारसंगहणीगाहा] १. चत्तारि विमाणेहिं १-४, चत्तारि य होति रायहाणीहिं ५-८ । नेरइए ९ लेस्साहि १० य दस उद्देसा चउत्थसते ||१|| [ पढम - बिइय तइय- चउत्था उद्देसा ईसाणलोगपालविमाणाणं सु. २-५. चउण्हं ईसाणलोगपालाणं A श्री आगमगुणमंजूषा २६८
9
फफफफफफफफ
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |