________________
(५) भगवई ३ सतं उ१ [४०]
रायहाणी ईसाणेणं देविदेणं देवरण्णा अहे सपक्खि सपडिदिसिं समभिलोइया समाणी तेणं दिव्वप्पभावेणं इंगालब्भूया मुम्मुरब्भूया छारिन्भूया तत्तकवेल्लकब्भूया तत्ता समजोइब्भूया जाया यावि होत्था । ४९. तए णं ते बलिचंचारायहाणिवत्थव्वया बहवे असुरकुमारा देवा य देवीओ य तं बलिचंचं रायहाणिं इंगालब्भूयं जाव समजोतिब्भूयं पासंति, २ भीया तत्था तसिया उव्विग्गा संजायभया सव्वओ समंता आधावेति परिधावेति, २ अन्नमन्नस्स कायं समतुरंगेमाणा २ चिट्ठति । [सु. ५०-५१. ईसाणिदं पइ बलिचंचादेवाणं अवराहखामणं आणावसवट्टित्तं च] ५०. तए णं ते बलिचंचारायहाणिवत्थव्वया बहवे असुरकुमारा देवा य देवीओ य ईसाणं देविंदं देवरायं परिकुवियं जाणित्ता ईसाणस्स देविंदस्स देवरण्णो तं दिव्वं देविद्धिं दिव्वं देवज्जुतिं दिव्वं देवाणुभागं दिव्वं तेयलेस्सं असहमाणा सव्वे सपक्खि सपडिदिसिं ठिच्चा करयलपरिग्गहियं दसनहं सिरसावत्तं मत्थए अंजलिं कट्टु जएणं विजयेणं वद्धाविति, २ एवं वयासी अहो णं देवाणुप्पिएहिं दिव्वा देविड्डी जाव अभिसमन्नागता, तं दिट्ठा णं देवाणुप्पियाणं दिव्वा देविड्डी जाव लद्धा पत्ता अभिसमन्नागया । तं खामेमो णं देवाणुप्पिया !, खमंतु णं देवाणुप्पिया !, खंतुमरिहंति णं देवाणुप्पिया !, णाइ भुज्जो एवंकरणयाए त्ति कट्टु एयमहं सम्मं विणयेणं भुज्जो २ खामेति । ५१. तते णं से ईसाणे देविदे देवराया तेहिं बलिचंचारायहाणीवत्थव्वएहिं बहूहिं असुरकुमारेहिं देवेहिं देवीहि य एयमहं सम्मं विणएणं भुज्जो २ खामिए समाणे तं दिव्वं देविद्धिं जाव तेयलेस्सं पडिसाहरइ । तप्पभितिं च णं गोयमा ! ते बलिचंचारायहाणिवत्थव्वया बहवे असुरकुमारा देवा य देवीओ य ईसाणं देविंदं देवराय आढंति जाव पज्जुवासंति, ईसाणस्स य देविंदस्स देवरण्णो आणा - उववाय - वयण - निद्देसे चिट्ठति । [सु. ५२. ईसाणदेविंददेविड्ढिवत्तव्वयाए उवसंहारो] ५२. एवं खलु गोयमा ! ईसाणेणं देविदेणं देवरण्णा सा दिव्वा देवड्डी जाव अभिसमन्नागया । [ सु. ५३-५४. ईसाणिंदस्स ठिति -अणंतरभवपरूवणा ] ५३. ईसाणस्स णं भंते! देविंदस्स देवरण्णो केवतियं कालं ठिती पण्णत्ता ? गोयमा ! सातिरेगाइं दो सागरोवमा ठिती पन्नत्ता । ५४. ईसाणे, णं भंते! देविदे देवराया ताओ देवलोगाओ आउक्खएणं जाव कहिं गच्छिहिति ? कहिं उववज्जिहिति ? गोयमा ! महाविदेहे वासे सिज्झिहिति जाव अंतं काहिति । [सु. ५५-६१. सक्कीसाणाणं परोप्परं विमाणउच्चत्ताइ पाउब्भव - पेच्छणा -संलाव - किच्चकरण - विवादनिवारणपरूवणा] ५५. (१) सक्कस्स णं भंते! देविंदस्स देवरण्णो विमाणेहिंतो ईसाणस्स देविंदस्स देवरण्णो विमाणा ईसिं उच्चयरा चेव ईसिं उन्नयतरा चेव ? ईसाणस्स वा देविंदस्स देवरण्णो विमाणेहिंतो सक्क्स्स देविंदस्स देवरण्णो विमाणा ईसिं नीययरा चेव ईसि निण्णयरा चेव ? हंता, गोतमा ! सक्कस्स तं चेव सव्वं नेयव्वं । (२) से णणं ? गोयमा ! से जहानामए करतले सिया देसे उच्चे देसे उन्नये, देसे णीए देसे निण्णे, से तेणट्टेणं० । ५६. (१) पभूणं भंते! सक्के देविदे देवराया ईसाणस्स देविंदस्स देवरण्णो अंतियं पाउब्भवित्तए ? हंता पभू। (२) से णं भंते! किं आढामीणे पभू, अणाढामीणे पभू ? गोयमा ! आढामीणे पभू, नो अणाढामीणे पभू । ५७. (१) पभूणं भंते! ईसाणे देविंदे देवराया सक्कस्स देविंदस्स देवरण्णो अंतियं पाउब्भवित्तए ? हंता, पभू । (२) से भंते! किं आढामीणे पभू, अणाढामीणे पभू ? गोयमा ! आढामीणे वि पभू, अणाढामीणे वि पभू । ५८. पभू णं भंते ! सक्के देविदे देवराया ईसाणं देविंदं देवरायं सपक्खिं सपडिदिसिं समभिलोएत्तए ? जहा पादुब्भवणा तहा दो वि आलवगा नेयव्वा । ५९. पभू णं भंते ! सक्के देविदे देवराया ईसाणेणं देविदेणं देवरण्णा सद्धिं आलावं वा संलावं वा करेत्तए ? हंता, पभू । जहा पादुब्भवणा । ६०. (१) अत्थि णं भंते! तेसिं सक्कीसाणाणं देविंदाणं देवराईणं किच्चाई करणिज्जाई समुप्पज्जंति ? हंता, अत्थि । ( २ ) से कहमिदाणिं पकरेति ? गोयमा ! ताहे चेव णं से सक्के देविदे देवराया ईसाणस्स देविंदस्स देवरण्णो अंतियं पाउब्भवति, ईसाणे णं देविदे देवराया सक्कस्स देविंदस्स देवरण्णो अंतियं पाउब्भवइ 'इति भो ! सक्का ! देविंदा ! देवराया ! दाहिणड्डुलोगाहिवती !', 'इति भो ! ईसाणा ! देविंदा ! देवराया ! उत्तरढलोगाहिवती ! । 'इति भो !, इति भो' त्ति अन्नमन्नस्स किंच्चाई करणिज्जाई पच्चणुभवमाणा विहरंति । ६१. (१) अत्थि णं भंते! तेसि सक्कीसाणाणं देविंदाणं देवराईण विवादा समुप्पज्जति ? हंता, अत्थि । (२) से हमिदाणिं पकति ? गोयमा ! ताहे चेव णं ते सक्कीसाणा देविंदा देवरायाणो सणकुमारं देविंदं देवरायं मणसीकरेति । तए णं से सणकुमारे देविदे देवराया तेहि सक्कसाणेहिं देविदेहिं देवराईहिं मणसीकए समाणे खिप्पामेव सक्कीसाणाणं देविंदाणं देवराईणं अंतियं पादुब्भवति । जं से वदइ तस्स आणाउववाय वयण - निद्देसे 5 श्री आगमगुणमंजूषा - २५५
(GK55555666666666
फफफफफफफ