Page Text
________________
(५) भगवई १ सतं उद्देसक १२ [४]
फ्र
आयारंभा, नो परारंभा, जाव अणारंभा । तत्थ णं जे ते पमत्तसंजया ते सुभं जोगं पडुच्च नो आयारंभा जाव अणारंभा । (३) असुभं जोगं पडुच्च आयारंभा वि जाव नो अणारंभा तत्थ णं जे ते असंजता ते अविरतिं पडुच्च आयारंभा वि जाव नो अणारंभा से तेणट्टेणं गोयमा ! एवं वुच्चइ- अत्थेगइया जीवा जाव अणारंभा । [सु. ८ चवीसदंडकेसु आरंभपरूवणा] ८. (१) नेरइया णं भंते! किं आयारंभा ? परारंभा ? तदुभयारंभा ? अणारंभा ? गोयमा ! नेरइया आयारंभा वि जाव नो अणारंभा ! से केणद्वेणं ? गोयमा ! अविरतिं पडुच्च । से तेणट्ठेणं जाव नो अणारंभा । (२-२० ) एवं जाव असुरकुमारा वि, जाव पंचिदियतिरिक्खजोणिया । (२१) मणुस्सा जधा जीवा । नवरं सिद्धविरहिता भाणियव्वा । (२२-२४) वाणमंतरा जाव वेमाणिया जधा नेरतिया । [सु. ९ सलेसेसु जीवेसु आरंभपरूवणा] ९. (१) सलेसा
ओहिया (सु. ७) । (२) किण्हलेस - नीललेस काउलेसा जहा ओहिया जीवा, नवरं पमत्तअप्पमत्ता न भाणियव्वा । तेउलेसा पम्हलेसा सुक्कलेसा जधा ओहिया जीवा (सु. ७), नवरं सिद्धा न भाणितव्वा । [सु. १०. भवं पडूच्च णाणाइपरूवणा ] १०. (१) इहभविए भंते! नाणे ? परभविए नाणे ? तदुभयभविए नाणे ? गोमा ! इविवि नाणे, परभविए वि नाणे, तदुभयभविए वि नाणे । (२) दंसणं पि एवमेव । ३ इहभविए भंते ! चरित्ते ? परभविए चरित्ते ? तदुभयभविए जरित्ते ? गोयमा ! इहभविए चरित्ते, नो परभविए चरित्ते, नो तदुभयभविए चरित्ते । (४) एवं तवे, संजमे । [सु. ११. असंवुड संवुडसिज्झणावियारो ] ११. (१) असंवुडे णं भंते ! अणगारे किं सिज्झति ? बुज्झिति ? मुच्चति ? परिनिव्वाति ? सव्वदुक्खाणमंतं करेति ? गोयमा ! नो इणट्ठे समट्ठे। से केणट्टेणं जाव नो अंतं करेइ ? गोयमा ! असंवुडे अणागारे आउयवज्जाओ सत्त कम्मपगडीओ (४) सिढिलबंधणबद्धाओ घणियबंधणबहाओ पकरेति हस्सकालट्ठितायाओ दीहकालद्वितीयाओ पकरेति, मंदाणुभगाओ तिव्वाणुभागाओ पकरेति, अप्पपदेसग्गाओ बहुप्पदेसग्गाओ पकरेति, आउगं च णं कम्मं सिय बंधति, सिय नो बंधति, अस्सातावेदणिज्जं च णं कम्मं भुज्जो भुज्जो उवचिणाति, अणादीयं च णं अणवदग्गं दीहमद्धं चाउरंतं संसारकंतारं अणुपरियट्ठइ । से तेणट्टेणं गोयमा ! असंवुडे अणागारे नो सिज्झति ५ । (२) संवुंडे णं भंते ! अणागारे सिज्झति ५ १ हंता, सिज्झति जाव अंतं करेति । से केणद्वेणं ? गोयमा ! संवुडे अणगारे आउयवज्जाओ सत्त कम्मपगडीओ धणियबंधणबद्धाओ सिढिलबंधणबद्धाओ पकरेति, दीहकालद्वितीयाओ हस्सकालद्वितीयाओ पकरेति, तिव्वाणुभागाओ मंदाणुभागाओ पकरेति, बहुपएसग्गाओ अप्पपएसग्गाओ पकरेति, आउयं च णं कम्मं न बंधति, अस्सायावेयणिज्जं च णं कम्मं नो भुज्जो भुज्जो उवचिणाति, अणाईयं च णं अणवदग्गं दीहमद्धं चाउरंतं संसारकंतारं
वयति । तेणं गोयमा ! एवं वुच्चइ - संवुडे अणगारे सिज्झति जाव अंतं करेति । [सु. १२. असंजतजीवदेवगइवियारो, वाणमंतरदेवलोगसरूवं च] १२. (१) जीवे णं भंते ! असंजते अविरते अप्पडिहयपच्चक्खायपावकम्मे इतो चुए पेच्चा देवे सिया ? गोयमा ! अत्थेगइए देवे सिया । अन्थेगइए नो देवे सिया से केणट्टेणं जाव इतो चुए पेच्चा अत्थेगइए देवे सिया, अत्थेगइए नो देवे सिया ? गोयमा ! जे इमे जीवा गामाऽऽगर-नगर-निगम रायहाणि खेड - कब्बड - मंडब - दोणमुह - पट्टणाऽऽसम -सन्निवेसेसु अकामतण्हाए अकामछुहाए अकामबंभचेरवासेणं अकामअण्हाणगसेय - जल्ल - मल - पंकपरिदाहेणं अप्पतरो वा भुज्जतरो वा कालं अप्पाणं परिकिलेसंति, अप्पाणं परिकिलेसइत्ता कालमासे कालंकिच्चा अन्नतरेसु वाणमंतरेसु देवलोगेसु देवत्ताए उववत्तारो भवंति । (२) केरिसा णं भंते! तेसिं वाणमंतराणं देवाणं देवलोगा पण्णत्ता ? गोयमा ! से जहानामए इहं असोगवणे इ वा, सत्तवण्णवणे इ वा, चंपगवणे इ वा, चूतवणे इ वा, तिलगवणे इ वा, लउयवणे तिवा, णिग्गोहवणे इवा, छत्तोववणे इ वा, असणवणे इ वा, सणवणे इ वा, अयसिवणे इ वा, कुसुभंवणे इ वा, सिद्धत्थवणे इ वा, बंधुजीवगवणे इ वा णिच्चं कुसुमितमाइतलवइतथइयगुलुइतगुच्छितजमलितजुवलितविणमित पणमितसुविभत्तपिडिमंजरिवडेंसगधरे सिरीए अईव अईव उवसोभेमाणे उवसोभेमाणे चिट्ठति, एवामेव तेसिं वाणमंतराणं देवाणं देवलोगा जहन्नेणं दसवाससहस्सट्ठितीएहिं उक्कोसेणं पलिओवमट्ठित्तीएहिं बहूहिं वाणमंतरेहिं देवेहिं य देवीहि य आइण्णा वितिकिण्ण उवत्थडा संथाडा फुडा अवगाढागाढसिरीए अतीव अतीव उवसोभेमाणा चिद्वंति । एरिसगा णं गोतमा ! तेसिं वाणमंतराणं देवाणं देवलोगा पण्णत्ता । से तेणद्वेणं गोतमा ! एवं वुच्चति जीवेणं अस्संजए जाव देवे सिया । सेवं भंते ! सेवं भंते! त्ति भगवं गोतमे समणं भगवं महावीरं वंदति नम॑सति नमंसित्ता संजमेणं तवसा अप्पाणं भावेमाणे
फफफफफफफफफफफफफफफफफफ 5 श्री आगमगुणमंजूषा - २१९
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |