Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 288

रासमवायंगसुत्तं ३१-३२-३३ द्वाणं [१६]
1955FETY
FOTOX 历历历历历5%$$$%$$$$$
असुभणामे । खीणे दाणंतराए, एवं लाभ-भोग-उवभोग-वीरियंतराए ३१ । मंदरेणं पव्वते धरणितले एक्कतीसं जोयणसहस्साई छच्च तेवीसे जोयणसते किंचिदेसूणे परिक्खेवेणं पण्णत्ते । जया सूरिए सव्वबाहिरयं मंडलं उवसंकमित्ता णं चारं चरति तया णं इहगयस्स मणूसस्स एक्कतीसाए जोयणसहस्सेहिं अट्ठहि य एक्कतीसेहिं जोयणसतेहिं सीसाए सट्ठिभागेहिं जोयणस्स सूरिए चक्खुफासं हव्वमागच्छति । अभिवड्डिए णं मासे एक्कतीसं सातिरेगाणि रातिदियाणि रातिदियग्गेणं पण्णत्ते। आइच्चे णं मासे एक्कतीसं रातिदियाणि किंचिविसेसूणाणि रातिदियग्गेणं पण्णत्ते। (२) इमीसेणं रयणप्पभाए पुढवीए अत्थेगतियाणं नेरइयाण एक्कतीसंपलिओवमाइं ठिती पण्णत्ता । अहेसत्तमाए पुढवीए अत्थेगतियाणं नेरइयाणं एक्कतीसं सागरोवमाइं ठिती पण्णत्ता । असुरकुमाराणं देवाणं अत्थेगतियाणं एक्कतीसं पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं एक्कतीसं पलिओवमाइं ठिती पण्णत्ता । विजय-वेजयंत-जयंत-अपराजिताणं देवाणं जहण्णेणं एक्कतीसं सागरोवमाइं ठिती पण्णत्ता। (३) जे देवा उवरिमउवरिमगेवेज्जयविमाणेसु देवत्ताते उववण्णा तेसिणं देवाणं उक्कोसेणं एक्कतीसं सागरोवमाइं ठिती पण्णत्ता। तेणं देवा एक्कतीसाए अद्धमासेहिं आणमंति वा पाणमंति वा ऊससंति वा नीससंति वा । तेसि णं देवाणं एक्कतीसाए वाससहस्सेहिं आहारट्ठे समुप्पज्जति । संतेगतिया भवसिद्धिया जीवा जे एक्कतीसाए भवग्गहणेहि सिज्झिस्संति जाव सव्वदुक्खाणं अतं करेस्संति । [३२] *** (१) बत्तीसं जोगसंगहा पण्णत्ता, तंजहा . आलोयणा १ निरवलावे २, आवतीसु दढधम्मया ३ । अणिस्सितोवहाणे य ४, सिक्खा ५ निप्पडिकम्मया ६॥५३।। अण्णातता ७ अलोभे य ८, तितिक्खा ९
अज्जवे १० सुई ११ । सम्मद्दिट्ठी १२ समाही य १३, आयारे १४ विणओवए १५ ॥५४|| धितीमती य १६ संवेगे १७, पणिही १८ सुविहि १९ संवरे २० । + अत्तदोसोवसंहारे २१, सव्वकामविरत्तया २२॥५५|| पच्चक्खाणे २४-२४ विओसग्गे २५, अप्पमादे २६ लवालवे २७। झाणसंवरजोगे य २८, उदए मारणंतिए
२९॥५६।। संगाणं च परिण्णा य ३०, पायच्छित्तकरणे ति य ३१ । आराहणा य मरणंते ३२, बत्तीसंजोगसंगहा ।।५७|| बत्तीसं देविंदा पण्णत्ता, तंजहा चमरे, बलि, धरणे, भूयाणंदे, जाव घोसे, महाघोसे, चंदे, सूरे, सक्के, ईसाणे, सणंकुमारे जाव पाणते, अच्चुते । कुंथुस्स णं अरहओ बत्तीसं जिणा बत्तीसं जिणसया होत्था । सोहम्मे कप्पे बत्तीसं विमाणावाससतसहस्सा पण्णत्ता । रेवतिणक्खत्ते बत्तीसतितारे पण्णत्ते । बत्तीसतिविहे णट्टे पण्णत्ते। (२) इमीसे णं रयणप्पभाए पुढवीए
अत्थेगतियाणं नेरइयाणं बत्तीसं पलिओवमाइं ठिती पण्णत्ता । अहेसत्तमाए पुढवीए अत्थेगतियाणं नेरइयाणं बत्तीसं सागरोवमाइं ठिती पण्णत्ता । असुरकुमाराणं ॥ देवाणं अत्थेगतियाणं बत्तीस पलिओवमाई ठिती पण्णत्ता। सोहम्मीसाणेसु कप्पेसु अत्थेगतियाणं देवाणं बत्तीसं पलिओवमाइं ठिती पण्णत्ता। (३) जे देवा विजय
वेजयंत-जयंत-अपराजितविमाणेसु देवत्ताते उववण्णा तेसि णं देवाणं अत्थेगतियाणं बत्तीसं सागरोवमाई ठिती पण्णत्ता । तेणं देवा बत्तीसाए अद्धमासेहिं आणमंति वा पाणमंति वा ऊससंति वा नीससंति वा । तेसि णं देवाणं बत्तीसाए वाससहस्सेहिं आहारढे समुप्पज्नति । (४) संतेगतिया भवसिद्धिया जीवा जे बत्तीसाए भवग्गहणेहिं सिज्झिस्संति जाव सव्वदुक्खाणं अंतं करेस्संति । [३३] ** (१) तेत्तीसं आसायणातो पण्णत्तातो, तंजहा सेहे रातिणियस्स आसन्नं गंता भवति, [आसायणा सेहस्स] १, सेहे राइणियस्स पुरतो गंता भवति, [आसायणा सेहस्स २], सेहे राइणियस्स [स?] पक्खं गंता भवति, आसायणा सेहस्स३, सेहे रातिणियस्स आसन्नं ठिच्चा भवति, आसायणा सेहस्स ४, जाव रातिणियस्स आलवमाणस्स तत्थगते चिय पडिसुणेति, [आसायणा सेहस्स] ३३, इति खलु एतातो तेत्तीसं आसायणातो । चमरस्स णं असुरिंदस्स असुररण्णो चमरचंचाए रायहाणीए एक्कमेक्के बारे तेत्तीसं तेत्तीसं भोमा पण्णत्ता । महाविदेहे णं वासे तेत्तीसं जोयणसहस्साई सातिरेगाई विक्खंभेणं पण्णत्ताई । जया णं सूरिए बाहिराणंतरं तच्चं मंडलं उवसंकमित्ता णं चारं चरति तया णं इहंगतस्स पुरिसस्स तेत्तीसाए जोयणसहस्सेहिं किंचिविसेसूणेहिं चक्खुफासं हव्वमागच्छति। (२) इमीसे णं रयणप्पभाए पुढवीए अत्थेगतियाणं नेरइयाणं तेत्तीसं पलिओवमाइं ठिती पण्णता। अहेसत्तमाए पुढवीए काल-महाकाल-रोरुय-महारोरुएसु नेरइयाणं उक्कोसेणं तेत्तीसं सागरोवमाइं ठिती पण्णत्ता। अप्पतिट्ठाणे नरए नेरइयाणं अजहण्णमणुक्कोसेणं
तेत्तीसं सागरोवमाइं ठिती पण्णत्ता । असुरकुमाराणं देवाणं अत्यंगतियाणं तेत्तीसं पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं Nexos5555555555555555555 श्री आगमगुणमंजूषा - १९३ 55555555555555555555555# FOR
明明明明明明明明明明乐乐乐乐乐乐明明明明明明明乐开明听听听听听GO
明明明明明明明明明明明明听听听听听听听听听听明明明明明明明明明明明明明明明明明明听听听听听听听听听CC