Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 250

ORG%555555555555554
राजसत्ताल र
135555553XXNXSSSON
रणरकंता, सुवण्णकूला, रत्ता । जंबुद्दीवे दीवे सत्त महानदीओ पच्चत्थाभिमुहीओ लवणसमुदं समप्पेति, तंजहा सिंधू, रोहितंसा, हरिकता, सीतोदा, णारिकता,
रूप्पकूला, रत्तावती । धायइसंडदीवपुरथिमद्धे णं सत्त वासा पन्नत्ता, तंजहा भरहे जाव महाविदेहे । धायइसंडदीवपुरथिमद्धे णं सत्त वासहरपव्वता पन्नत्ता, तंजहा चुल्लहिमवंतेजाव मंदरे। धायइसंडदीवपुरत्थिमद्धेणं सत्तमहानदीओ पुरत्थाभिमुहीओ कालोदसमुदं समप्पेति, तंजहा गंगा जाव रत्ता। धायइसंडदीवपुरत्थिमद्धे णं सत्त महानदीओ पच्चत्याभिमुहीओ लवणसमुदं समप्पेंति, तंजहा सिंधू जाव रत्तावती। धायइसंडदीवपच्चत्थिमद्धे णं सत्त वासा एवं चेव, णवरं पुरत्थाभिमुहीओ लवणसमुदं समप्पेति, पच्चत्थाभिमुहीओ कालोदं, सेसं तं चेव। पुक्खरवरदीवड्डपुरस्थिमद्धे णं सत्त वासा तहेव, णवरं पुरत्थाभिमुहीओ पुक्खरोदं समुई समप्पेति, पच्चत्थाभिमुहीतो कालोदं समुदं समप्पेति, सेसं तं चेव । एवं पच्चत्थिमद्धे वि, णवरं पुरत्थाभिमुहीओ कालोदं समुदं समप्पेति, पच्चत्थाभिमुहीओ पुक्खरोदं समुई समप्पेति, सव्वत्थ वासा वासहरपव्वता णदीओ य भाणितव्वाणि। ५५६. जंबुद्दीवे दीवे भारहे वासे तीताते उस्सप्पिणीते सत्त कुलकरा होत्था तंजहा - "मित्तदामे सुदामे य, सुपासे य सयंपभे । विमलघोसे सुघोसे य, महाघोसे य सत्तमे ॥ ७९ ॥ जंबुद्दीवे दीवे भारहे वासे इमीसे ओसप्पिणीते सत्त कुलकरा होत्था, तंजहा"पढमित्थ विमलवाहण, चक्खुम जसमं चउत्थमभिचंदे। तत्तो पसेणती पुण, मरुदेवे चेव नाभी य" ॥८०॥ “एतेसि णं सत्तण्हं कुलकराणं सत्त भारियाओ होत्था, तंजहा चंदजसा चंदकंता, सुरूव पडिरूव चक्खुकंता य । सिरिकंता मरुदेवा, कुलकरइत्थीण नामाई ||८१|| जंबुद्दीवे दीवे भारहे वासे आगमेसाते उस्सप्पिणीते सत्त कुलकरा भविस्संति, तंजहा- “मित्तवाहणे सुभोमे य, सुप्पभे य सयंपभे । दत्ते सुहुमे सुबंधू य, आगमेसेण होक्खती" ||८२।। विमलवाहणे णं कुलकरे सत्तविधा रुक्खा उवभोगत्ताते हव्वमागच्छिंसु, तंजहा- “मत्तंगता त मिंगा, चित्तंगा चेव होति चित्तरसा। मणियंगा त अणियणा, सत्तमगा कप्परुक्खा य" ||८३।। ५५७. सत्तविधा दंडनीती पन्नत्ता, तंजहा हक्कारे, मक्कारे, धिक्कारे, परिभासे, मंडलबंधे, चारते, छविच्छेदे। ५५८. एगमेगस्स णं रन्नो चाउरंतचक्कवट्टिस्स सत्त एगेदियरतणा पन्नत्ता, तंजहा चक्करतणे, छक्करयणे, चम्मरयणे, दंडरतणे, असिरतणे, मणिरयणे, काकणिरतणे । एगमेगगस्स णं रन्नो चाउरंतचक्कवट्टिस्स सत्त पंचेदियरतणा पन्नत्ता, तंजहा सेणावतीरतणे, गाहावतिरतणे, वड्डतिरयणे, पुरोहितरयणे, इत्थिरतणे, आसरतणे, हत्थिरयणे। ५५९. सत्तहिं ठाणेहिं ओगाढं दुस्सम जाणेज्जा, तंजहा अकाले वरिसइ, काले ण वरिसइ, असाधू पुज्जंति, साधूण पुज्जंति, गुरूहि जणो मिच्छं पडिवन्नो, मणोदुहता, वतिदुहृता । सत्तहिं ठाणेहिं ओगाढं सुसमं जाणेज्जा, तंजहा अकाले न वरिसइ, काले वरिसति, असाधूण पुजंति, साधू पुजंति, गुरूहि जणो सम्म पडिवन्नो, मणोसुहता, वतिसुहता। ५६०. सत्तविधा संसारसमावन्नगा जीवा पन्नत्ता, तंजहा नेरतिता, तिरिक्खजोणिता, तिरिक्खजोणिणीतो, मणुस्सा, मणुस्सीओ, देवा, देवीओ। ५६१. सत्तविधे आउभेदे पन्नत्ते, तंजहा अज्झवसाण-निमित्ते, आहारे वेयणा-पराघाते । फासे आणापाणू, सत्तविधं भिज्जए आउं ॥८४।। ५६२. सत्तविधा सव्वजीवा पन्नत्ता, तंजहा पुढविकाइया, आउकाइया, तेउकाइया, वाउकाइया, वणस्सतिकाइया, तसकाइया, अकाइया । अहवा सत्तविहा सव्वजीवा पन्नत्ता, तंजहा कण्हलेसा जाव सुक्कलेसा, अलेसा। ५६३. बंभदत्ते णं राया चाउरंतचक्कवट्ठी सत्त धणूइं उड्डेउच्चतेणं सत्त य वाससताइं परमाउं पालयित्ता कालमासे कालं किच्चा अधे सत्तमाते पुढवीते अप्पतिट्ठाणे णरएणेरतितत्ताते उववन्ने। ५६४. मल्ली णं अरहा अप्पसत्तमे मुंडे भविता अगारातो अणगारियं पव्वइए, तंजहा मल्ली विदेहरायवरकन्नगा, पडिबुद्धी इक्खागराया, चंदच्छाये अंगराया, रुप्पी कुणालाधिपती, संखे कासीराया, अदीणसत्तू कुरुराया, जितसतू पंचालराया। ५६५. सत्तविहे दसणे पन्नत्ते, तंजहा सम्मदंसणे, मिच्छदंसणे, सम्मामिच्छदसणे, चक्खुदंसणे, अचक्खुदंसणे, ओहिदसणे, केवलदसणे। ५६६. छउमत्थवीयरागे णं मोहणिज्जवज्जाओ सत्त कम्मपयडीओ वेदेति, तंजहा णाणावरणिज्जं दरिसणावरणिज्जं वेयणिज्ज आउयं नाम गोतमंतरातितं । ५६७. सत्त ठाणाई छउमत्थे सव्वभावेणं न याणति न पासति, तंजहा धम्मत्थिकायं,
अधम्मत्थिकार्य, आगासत्थिकार्य, जीवं असरीरपडिबद्धं, परमाणुपोग्गलं, सद्द, गंधं । एयाणि चेव उप्पन्नणाणे जाव जाणति पासति, तंजहा धम्मत्थिकायं जाव गंध, २ ।५६८. समणे भगवं महावीरे वइरोसभणारातसंघयणे समचउरंससंठाणसंठिते सत्त रयणीओ उहुंउच्चतेणं होत्था। ५६९. सत्त विकहाओ पन्नत्ताओ, तंजहा इथिकहा, reO555555555555॥ श्री आगमगुणमंजूषा - १५०॥ 55555
5
5F6OR
OUTC+乐乐$$$$$$$$$乐乐乐明明明明明明明明明明明明明明明明明明明明明明明明明明明明明明明明SC双
乐乐听听听听听听听听听听听听听听听听听听听听听听听听听听听听听听听听听听听听听听听听听听听听听听G