Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 243

३) प. अ. पंचाउ - ३/६. अ. छट्टा [पू
पंचविधे सज्झाए पन्नत्ते, तंजहा वायणा पुच्छणा परियट्टणा अणुप्पेहा धम्मकहा। ४६६. पंचविधे पच्चक्खाणे पन्नत्ते, तंजहा सद्दहणसुद्धे विणयसुद्धे अणुभासणासुद्धे अणुपालणासुद्धे भावसुद्धे । पंचविधे पडिक्कमणे पन्नत्ते, तंजहा आसवदारपडिक्कमणे मिच्छत्तपडिक्कमणे कसायपडिक्कमणे जोगपडिक्कमणे भावपडिक्कमणे । ४६७. पंचहिं ठाणेहिं सुत्तं वाएज्जा, तंजहा संगहट्टयाते, उवग्गहट्ठताते, णिज्जरट्ठयाते, सुते वा मे पज्नवजाते भविस्सति, सुतस्स वा अव्वोच्छित्तिणयट्टयाते। पंचहिं ठाणेहिं सुत्तं सिक्खेज्ना, तंजहा णाणट्ठताते, दंसणट्ठताते, चरित्तट्ठताते, वुग्गहविमोतणट्टयाते, अहत्थे वा भावे जाणिस्सामीति कट्टु । ४६८. सोहम्मीसाणेसु णं कप्पेसु विमाणा पंचवण्णा पन्नत्ता, तंजहा किण्हा जाव सुकिल्ला । सोहम्मीसाणेसु णं कप्पेसु विमाणा पंच जोयणसयाई उड्डउच्चत्तेणं पन्नत्ता । बंभलोग-लंततेसु णं कप्पेसु देवाणं भवधारणिज्जसरीरगा उक्कोसेणं पंचरयणीओ उढउच्चत्तेणं पन्नत्ता । नेरइया णं पंचवन्ने पंचरसे पोग्गले बंधेसु वा बंधंति वा बंधिस्संति वा, तंजहा किण्हे जाव सुक्किले, तित्ते जाव मधुरे । एवं जाव वेमाणिता । ४६९. जंबुद्दीवे दीवे मंदरस्स पव्वयस्स दाहिणेणं गंगं महानदिं पंच महानदीओ समप्पेति, तंजहा जउणा सरऊ आदी कोसी मही । जंबूमंदरस्स दाहिणेणं सिंधु महाणदिं पंच महानदीओ समप्पेति, तंजहा सतद्दू वितत्था विभासा एरावती चंदभागा। जंबूमंदरस्स उत्तरेणं रत्तं महानदी पंच महानदीओ समप्पेंति, तंजहा किण्हा, महाकिण्हा, नीला, महानीला, महातीरा । जंबूमंदरस्स उत्तरेणं रत्तावतिं महानदिं पंच महानईओ समप्पेति, तंजहा इंदा इंदसेणा सुसेणा वारिणा महाभोगा ४ । ४७०. पंच तित्थगरा कुमारवासमज्झावसित्ता मुंडे जाव पव्वतिता, तंजहा वासुपुज्जे मल्ली अरिट्ठनेमी पासे वीरे । ४७१. चमरचंचाते णं राजधाणीते पंच सभातो पन्नत्ताओ, तंजहा सभा सुधम्मा, उववातसभा, अभिसेयसभा, अलंकारितसभा, ववसातसभा । एगमेगे णं इंदट्ठाणे पंच सभाओ पन्नत्ताओ, तंजहा सभा सुहम्मा जाव ववसातसभा । ४७२. पंच णक्खता पंचतारा पन्नत्ता, तंजहा धणिट्ठा रोहिणी पुणव्वसू हत्थो विसाहा । ४७३. जीवा णं पंचट्ठाणणिव्वत्तिते पोग्गले पावकम्मत्ताते चिणिसु वा चिणंति वा चिणिस्संति वा, तंजहा एगिदितनिव्वत्तिते जाव पंचेदितनिव्वत्तिते, एवं “चिण उवचिण बंध उदीर वेद तध णिज्जरा चेव” ।। ४७४. पंचपतेसिता खंधा अणंता पण्णत्ता । पंचपतेसोगाढा पोग्गला अणंता पण्णत्ता जाव पंचगुणलुक्खा पोग्गला अणंता पण्णत्ता । ।। पंचद्वाणं संमत्तं ॥ ६ छठ्ठे अज्झयणं 'छट्टाणं' ४७५. छहिं ठाणेहिं संपन्ने अणगारे अरिहति गणं धारित्तते, तंजहा सड्डी पुरिसज्जाते १, सच्चे पुरिसजाते २, मेहावी पुरिसजाते ३, बहुस्सुते पुरिसजाते ४, सत्तिमं ५, अप्पाधिकरणे ६ । ४७६. छहिं ठाणेहिं निग्गंथे निग्गंथिं गिण्हमाणे वा अवलंबमाणे वा नाइक्कम, तंजहा खित्तचितं दित्तचित्तं जक्खातिद्वं उम्मातपत्तं उवसग्गपतं साहिकरणं । ४७७. छहिं ठाणेहिं निग्गंथा निग्गंथीओ य साहम्मितं कालगतं समायरमाणा णाइक्कमंति, तंजहा अंतोहितो वा बाहिं णीणेमाणा १, बाहीहिंतो वा निब्बाहिं णीणेमाणा २, उवेहमाणा वा ३, उवासमाणा वा ४, अणुन्नवेमाणा वा ५, तुसिणीते वा संपव्वयमाणा ६ । ४७८. छट्टाणाई छउमत्थे सव्वभावेणं ण जाणति ण पासति, तंजहा धम्मत्थिकायमधम्मत्थिकातं, आयासं, जीवमसरीरपडिबद्धं, परमाणुपोग्गलं, सद्दं । एताणि चेव उप्पन्ननाणदंसणधरे अरहा जिणे जाव सव्वभावेणं जाणति पासति धम्मत्थिकातं जाव सद्दं । ४७९. छहिं ठाणेहिं सव्वजीवाणं णत्थि इड्डी तिवा जुतीत वा जाव परक्कमेति वा, तंजहा जीवं वा अजीवं करणताते १, अजीवं वा जीवं करणताते २, एगसमएणं वा दो भासातो भासित्तते ३, सयं कडं वा कम्मं वेदेमि ४, परमाणुपोग्गलं वा छिंदित्तते वा भिदित्तते वा अगणिकातेण वा समोदहित्तते ५, बहिता वा लोगंता गमणताते ६ । ४८०. छज्जीवनिकाया पन्नत्ता, तंजा पुढविकाइया जाव तसकाइया । ४८१. छ तारग्गहा पन्नत्ता, तंजहा सुक्के बुहे बहस्सति अंगारते सणिच्छरे केतू । ४८२. छव्विहा संसारसमावन्नगा जीवा पन्नत्ता, तंजहा पुढविकाइया जाव तसकाइया । पुढविकाइया छगइया छआगतिता पन्नत्ता, तंजहा पुढविकातिते पुढविकाइएस उववज्जमाणे पुढविकाइएहिंतो वा जाव सकाइएहिंतो वा SS गच्छेज्जा, से चेव णं से पुढविकाइए पुढविकाइयत्तं विप्पजहमाणे पुढविकाइयत्ताते वा जाव तसकाइयत्ताए वा गच्छेज्जा । आउकाइया वि छगतिता छआगतिता एवं चेव जाव तसकातिता । ४८३. छव्विहा सव्वजीवा पन्नत्ता, तंजहा आभिणिबोधियणाणी जाव केवलणाणी, अन्नाणी । अहवा छव्विधा सव्वजीवा
NORO A A A US A55555555
फ्र
Do श्री आगमगुणमंजूषा १५० ०