Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 211

(३) ठाणं ३ अ. तिद्वाणं उ ३-४ [२०]
तंजहा अकिरिया, अविणए, अन्नाणे १ । अकिरिया तिविधा पन्नत्ता, तंजहा पओगकिरिया, समुदाणकिरिया, अन्नाणकिरिया २ । पओगकिरिया तिविधा पन्नत्ता, तंजहा मणपओगकिरिया, वइपओगकिरिया कायपओगकिरिया ३ । समुदाणकिरिया तिविधा पन्नत्ता, तंजहा अणंतरसमुदाणकिरिया, परंपरसमुदाणकिरिया, तदुभयसमुदाणकिरिया ४ | अन्नाणकिरिया तिविधा पन्नत्ता, तंजहा मतिअन्नाणकिरिया, सुतअन्नाणकिरिया, विभंग अन्नाणकिरिया ५ । अविणए तिविहे पन्नत्ते, तं जहा देसच्चाती, निरालंबणता, नाणापेज्जदोसे ६ । अन्नाणे विविधे पन्नत्ते, तंजहा देसण्णाणे, सव्वण्णाणे, भावण्णाणे ७ । १९४. तिविहे धम्मे पन्नत्ते, तंजहा सुयधम्मे, चरित्तधम्मे, अत्थिकायधम्मे । तिविधे उवक्कमे पन्नत्ते, तंजहा धम्मिते उवक्कमे, अधम्मिते उवक्कमे, धम्मिताधम्मिते उवक्कमे १ । अहवा तिविधे उवक्कमे पन्नत्ते, तंजहा आतोवक्कमे, परोवक्कमे तदुभयोवक्कमे २ । एवं वेयावच्चे ३, अणुग्गहे ४, अणुसठ्ठी ५, उवालंभे ६, एवमिक्किक्के तिन्नि तिन्नि आलावगाजहेव उवक्कमे । तिविहा कहा पन्नत्ता, तंजहा अत्थकहा, धम्मकहा, कामकहा ७ । तिविधे विणिच्छते पन्नत्ते, तंजहा अत्थविणिच्छते, धम्मविणिच्छते, कामविणिच्छते ८ । १९५. तहारूवं णं भंते ! समणं वा महाणं वा पज्जुवासमाणस्स किंफला पज्जुवासणता ? सवणफला। से णं भंते ! सवणे किं फले ? णाणफले । से णं भंते ! णाणे किं फले ? विण्णाणफले । एवमेतेणं अभिलावेणं इमा गाधा अणुगंतव्वा - “सवणे णाणे य विन्नाणे पच्चक्खाणे य संजमे । अणण्हते तवे चेव वोदाणे अकिरि णिव्वाणे" ॥ १३ ॥ जाव साणं भंते ! अकिरिया किंफला ? निव्वाणफला । से णं भंते! णिव्वाणे किंफले ? सिद्धिगइगमणपज्जवसाणफले पन्नत्ते समणाउसो ! ★ ★ ★ ॥ तृतीयस्य तृतीय उद्देशकः ॥ ★★★ [चउत्थो उद्देसओ] १९६. पडिमापडिवन्नस्स णं अणगारस्स कप्पंति तओ उवस्सया पडिलेहित्तते, तंजहा अहे आगमण िहंसि वा, अहे वियडगिहंसि वा, अहे रुक्खमूलगिहंसि वा । एवमणुण्णवित्तते, उवातिणित्तते । पडिमापडिवन्नस्स णं अणगारस्स कप्पंति तओ संथारगा पडिलेहित्तते, तंजहा पुढिविसिला, कट्ठसिला, अधासंथडमेव । एवं अणुण्णवित्तते, उवातिणित्तते । १९७. तिविधे काले पण्णत्ते, तंजहा तीते, पडुप्पन्ने, अणागते । तिविधे समए T पन्नत्ते, तंजहा तीते, पडुप्पन्ने, अणागते । एवं आवलिया अणापाणू थोवे लवे मुहुत्ते अहोरत्ते जाव वाससतसहस्से पुव्वंगे पुव्वे जाव ओसप्पिणी । तिविधे पोग्गलपरियट्टे पन्नत्ते, तंजहा तीते, पडुप्पन्ने, अणागते । १९८. तिविहे वयणे पन्नत्ते, तंजहा एगवयणे, दुवयणे, बहुवयणे । अहवा तिविधे वयणे पन्नत्ते, तंजहा इत्थिवयणे, पुमवयणे, नपुंसगवयणे | अहवा तिविधे वयणे पन्नत्ते, तंजहा तीतवयणे, पडुप्पन्नवयणे, अणागयवयणे । तिविधा पन्त्रवणा पन्नत्ता, तंजहा णाणपन्नवणा, दंसणपन्नवणा,
पन्ना १ । तिविधे सम्मे पन्नत्ते, तंजहा नाणसम्मे, दंसणसम्मे, चरित्तसम्म २ । तिविधे उवघाते पन्नत्ते, तंजहा उग्गमोवघाते, उप्पायणोवघाते, एसणोवघाते ३ । एवं विसोधी ४ । तिविहा आराहणा पन्नत्ता, तंजहा णाणाराहणा, दंसणाराहणा, चरित्ताराहणा ५ । णाणाराहणा तिविधा पन्नत्ता, तंजहा उक्कस्सा, मज्झिमा, जहन्ना ६ । एवं दंसणाराहणा वि ७, चरिताराहणा वि ८ । तिविधे संकिलेसे पन्नत्ते, तंजहा नाणसंकिलेसे दंसणसंकिलेसे चरित्तसंकिलेसे ९ । एवं असंकिलेसे वि १०, एवमतिक्कमे वि ११, वतिक्कमे वि १२, अइयारे वि १३, अणायारे वि १४ । तिण्हमतिक्कमाणं आलोएज्जा पडिक्कमेज्जा निदेज्जा गरहेज्जा जाव पडिवज्जेजा, तंजा णाणातिक्कमस्स, दंसणातिक्कमस्स, चरित्तातिक्कमस्स १५ । एवं वइक्कमाणं १६, अतिचाराणं १७, अणायाराणं १८ । तिविधे पायच्छित्ते पन्नत्ते, तंजहा आलोयणारिहे, पडिक्कमणारिहे, तदुभयारिहे १९ । १९९. जंबूदीवे दीवे मंदरस्स पव्वयस्स दाहिणेणं ततो अकम्मभूमीओ पन्नत्ताओ, तंजहा हेमवते, हरिवासे, देवकुरा । जंबूदीवे दीवे मंदरस्स उत्तरेणं तओ अकम्मभूमीओ पन्नत्ताओ, तंजहा उत्तरकुरा, रम्मगवासे, एरण्णवए । जंबुमंदरस्स दाहिणेणं ततो वासा पन्नत्ता, तंजा भरहे, हेमवए, हरिवासे । जंबुमंदरस्स उत्तरेणं ततो वासा यन्नत्ता, तंजहा रम्मगवासे, हेरन्नवते, एरवते । जंबुमंदरस्स दाहिणेणं तओ वासहरपव्वता पन्नत्ता, तंजा चुल्लहिमवंते, महाहिमवंते, णिसढे । जंबुमंदरस्स उत्तरेणं तओ वासहरपव्वता पन्नत्ता, तंजहा णीलवंते, रुप्पी, सिहरी । जंबुमंदरस्स दाहिणेणं तओ महादा पन्नत्ता, तंजहा पउमदहे, महापउमदहे, तिगिच्छिदहे । तत्थ णं ततो देवताओ महिड्डियाओ जाव पलिओवमद्वितीताओ परिवसंति, तंजहा सिरी, हिरी, धिती । एवं
966
BOO श्री आगमगुणमंजूषा ११८