Page Text
________________
2G295 फ़
(२) सूयगडो बी. सु. ४-अ. पच्चक्रवाणकिरिया / पृ.अ. अणायार सुत्त [ ३६ ]
फफफफफफफफफफफफ असंजय अविरय अपडियपच्वक्खायपावकम्मे यावि भवति, एवं जाव तसकायातो त्ति भाणियव्वं, से एगतिओ छहिं जीवनिकाएहिं किच्चं करेति वि कारवेति वि, तस्स एवं भवति एवं खलु छहिं जीवनिकाएहिं किच्चं करेमि वि कारवेमि वि, णो चेव णं से एवं भवति इमेहिं वा इमेहिं वा, से य तेहिं छहिं जीवनिकाहिं कारवेति वि. से य तेहिं छहिं जीवनिकाएहिं असंजय अविरयअपडिहयपच्चक्खायपावकम्मे, नं० पाणातिवाते जाव मिच्छादंसणसल्ले, एस खलु भगवता अक्खाते असंजते अविरते अपडियपच्चक्खायपावकम्मे सुविणमवि अपस्सतो पावे य कम्मे से कज्जति, से त्तं सण्णिदितेणं । २ से किं तं असण्णिदिट्टंते ? असण्णिदिते जे इमे असण्णिणो पाणा, तं० पुढविकाइया जाव वणस्सतिकाइया छट्टा वेगतिया तसा पाणा, जेसिं णो तक्का ति वा सण्णा ति वा पण्णा इ वा मणो ति वा वई तिवा सयं वा करणाए अण्णेहिं वा कारवेत्तए करेंतं वा समणुजाणित्तए ते वि णं बाला सव्वेसिं पाणाणं जाव सव्वेसिं सत्ताणं दिया वा रातो वा सुत्ते वा जागरमाणे वा अमित्तभूता मिच्छासंठिता निच्चं पसढविओवातचित्तदंडा, तं० पाणातिवाते जाव मिच्छादंसणसल्ले, इच्चेवं जाण, णो चेव मणो णो चेव वई पाणाणं जाव सत्ताणं दुक्खणताए सोयणताए जूरणताए तिप्पणताए पिट्टणताए परितप्पणताए ते दुक्खण सोयण जाव परितप्पण-वह-बंधणपरिकिलेसाओ अप्पडिविरता भवं । खलु ते असण्णणो वि संता अहोनिसं पाणातिवाते उवक्खाइज्नंति जाव अहोनिसं परिग्गहे उवक्खाइज्जति जाव मिच्छादंसणसल्ले उवक्खाइज्जति । ७५२. सव्वजोणिया वि खलु सत्ता सण्णिणो होच्चा असण्णिणो होति, असण्णिणो होच्चा सण्णिणो होति, होज्ज सण्णी अदुवा असण्णी, तत्थ से अविविचिया अविधूणिया असमुच्छिया अणणुताविया सण्णिकायाओ सण्णिकायं संकर्मति १, सण्णिकायाओ वा असण्णिकायं संकमंति २, असण्णिकायाओ वा सण्णिकायं संकर्मति ३, असणिकायाओ वा असण्णिकायं संकमंति ४ । जे ते सण्णी वा असण्णी वा सव्वे ते मिच्छायारा निच्चं पसढविओवातचित्तदंडा, तं० पाणातिवाते जाव मिच्छादंसणसल्ले । एवं खलु भगवता अक्खाते असंजए अविरए अप्पडिहयपच्चक्खायपावकम्मे सकिरिए असंवुडे एगंतदंडे एगंतबाले एगंतसुत्ते, से बाले अवियारमण-वयस- काय वक्के, सुविणमवि अपासओ पावे य से कम्मे कज्जति । ७५३. चोदकः से किं कुव्वं किं कारवं कहं संजयविरयपडिहयपच्चखायपा भवति ? | आचार्य आह तत्थ खलु भगवता छज्जीवणिकाया हेऊ पण्णत्ता, तंजहा पुढविकाइया जाव तसकाइया, से जहानामए मम अस्सातं डंडेण वा अट्ठीण वा
वा लूण वाकवलेण वा आतोडिज्जमाणस्स वा जाव उद्दविज्जमाणस्स वा जाव लोमुक्खणणमातमवि विहिंसक्कारं दुक्खं भयं पडिसंवेदेमि, इच्चेवं जाण सव्वे पाणा जाव सव्वे सत्ता दंडेण वा जाव कवालेण वा आतोडिज्जमाणा वा हम्ममाणा वा तज्जिज्जमाणा वा तालिज्जमाणा वा जाव उद्दविज्नमाणा वा जाव लोमुक्खणणमातमवि विहिंसक्कारं दुक्खं भयं पडिसंवेदेति, एवं णच्चा सव्वे पाणा जाव सव्वे सत्ता ण हंतव्वा जाव ण उद्दवेयव्वा, एस धम्मे धुवे णितिए सासते समेच्च लोगं खेत्तण्णेहिं पवेदिते । एवं से भिक्खू विरते पाणातिवातातो जाव मिच्छादंसणसल्लातो। से भिक्खू णो दंतपक्खालणेणं दंते पक्खालेज्जा, नो अंजणं, णो वणं, णो धूवणित्तिं पि आइते । से भिक्खू अकिरिए अलूसए अकोहे अमाणे जाव अलोभे उवसंते परिनिव्वुडे । एस खलु भगवता अक्खाते संजयविरयपडिहयपच्चक्खायपावकम्मे अकिरिए, संवुडे एगंतपंडिते यावि भवति त्ति बेमि । ★ ★ ★ ॥ पच्चक्खाणकिरिया णाम चउत्थमज्झयणं समत्तं ७५४. आदाय बंभचेरं च, आसुपण्णे इमं वयिं । अस्सिं धम्मे अणायारं, नायरेज्ज कयाइ वि ॥ १॥ ७५५. -अणादीयं परिण्णाय, अणवदग्गे ति वा पुणो । सासतमसासते यावि, इति दिट्ठि न धारए ॥२॥ ७५६. एतेहिं दोहिं ठाणेहिं, ववहारो ण विज्जती । एतेहिं दोहिं ठाणेहिं, अणायारं तु जाणए ॥ ३॥ ७५७. समुच्छिज्जिहिति सत्थारो, सव्वे पाणा अणेलिसा। गंठीगा व भविस्संति, सासयं ति च णो वदे ||४|| ७५८. एएहिं दोहिं ठाणेहिं, ववहारोपण विज्नई । एएहिं दोहिं ठाणेहिं, अणायारं तु जाणई ||५|| ७५९. जे केति खुड्डगा पाणा, अदुवा संति महालया । सरिसं तेहिं वेरं ति, असरिसं ति य णो वदे ॥६॥ ७६०. एतेहिं दोहिं ठाणेहिं, ववहारो ण विज्जती । एतेहिं दोहिं ठाणेहिं, अणायारं तु जाण ॥७॥ ७६१. अहाकडाई भुंजंति, अण्णमण्णे सकम्मुणा । उवलित्ते ति जाणेज्जा, अणुवलितेति वा पुणो ||८|| ७६२. एतेहिं दोहिं ठाणेहिं, ववहारो ण विज्जती । एतेहिं दोहिं ठाणेहिं, अणायारं तु जाणए ॥९॥ ७६३. जमिदं उरालमाहारं, कम्मगं च तमेव य । सव्वत्थ वीरियं अत्थि, णत्थि सव्वत्थ वीरियं ॥ १० ॥ ७६४. एतेहिं दोहिं ठाणेहिं, ववहारो ण विज्जती । एतेहिं दोहिं ठाणेहिं, अणायारं तु जाणए
५ पंचमं अज्झयणं 'अणायारसुतं'
श्री आगमगुणमंजूषा ९०
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |