Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1817

(४४) नंदीसूर्य मूलपढमाणुओगे । ११२. से किं तं गंडियाणुओगे ? गंडियाणुओगे णं कुलगरगंडियाओ तित्थगरगंडियाओ चक्कवट्टिगंडियाओ दसारगंडियाओ बलदेवगंडियाओ वासुदेवगंडियाओ गणधरगंडियाओ भद्दबाहुगंडियाओ तवोकम्मगंडियाओ हरिवंसगंडियाओ ओसप्पिणिगंडियाओ उस्सप्पिणिगंडियाओ चित्तंतरगंडियाओ अमर- तिरिय - निरयगइगमणविविहपरियदृणेसु एवमाइयाओ गंडियाओ आघविज्जति । से त्तं गंडियाणुओगे । से तं अणुओगे ४ । ११३. से किं तं चूलियाओ ? चूलियाओ आइल्लाणं चउण्हं पुव्वाणं चूलिया, अवसेसा पुव्वा अचूलिया । से त्तं चूलियाओ ५ । ११४. दिट्ठिवायस्स णं परित्ता वायणा, संखेज्जा अणुओगदारा, संखेज्जा वेढा, संखेज्जा सिलोगा, संखेज्जाओ पडिवत्तीओ, संखेज्जाओ णिज्जुत्तीओ, संखेज्जाओ संगहणीओ से णं अंगट्टयाए दुवालसमे अंगे, एगे सुयक्खंधे, चोद्दस पुव्वा, संखेज्जा वत्थू, संखेज्जा चुल्लवत्थू, संखेज्जा पाहुडा, संखेज्जा पाहुडपाहुडा, संखेज्जाओ पाहुडियाओ, संखेज्नाओ पाउड पाहुडियाओ, संखेज्जाई पदसहस्साइं पदग्गेणं, संखेज्जा अक्खरा, अणंता गमा, अणंता पज्जवा, परित्ता तसा, अनंता थावरा, सासत-कड - णिबद्ध - णिकाइया जिणपण्णत्ता भावा आघविज्जंति पण्णविज्जति परूविज्जंति दंसिज्जति णिदंसिज्नंति उवदंसिज्जति । से एवंआया, एवंणाया, एवंविण्णाया, एवं चरण-करणपरूवणा आघविज्जति । से तं दिट्टिवाए १२ । ११५. इच्चेइयम्मि दुवालसंगे गणिपिडगे अणंता भाव अणंता अभावा अणंता हेऊ अणंता अहेऊ अणंता कारणा अणंता अकारणा अणंता जीवा अणंता अजीवा अनंता भवसिद्धिया अनंता अभवसिद्धिया अणंता सिद्धा अनंता सिद्धा पण्णत्ता । संगहणिगाहा भावमभावा हेउमहेऊ कारणमकारणा चेव । जीवाजीवा भवियमभविया सिद्धा असिद्धा य ॥ ८२ ॥ ११६. इच्चेइयं दुवालसंग अणिपिडगं तीए काले अणंता जीवा आणाए विराहत्ता चाउरंतं संसारकंतारं अणुपरियट्टिसु । इच्चेइयं दुवालसंगं गणिपिडगं पडुप्पण्णकाले परित्ता जीवा आणाए विराहेत्ता चाउरंतं संसारकंतारं अणुपरियट्टंति । इच्चेइयं दुवालसंगं गणिपिडगं अणागते काले अणंता जीवा आणाए विराहेत्ता चाउरंतं संसारकंतारं अणुपरियट्टिस्संति । ११७. इच्चेइयं दुवालसंगं गणिपिडगं अतीतकाले अणंता जीवा आणाए आराहेत्ता चाउरंतं संसारकंतारं वितिवइंसु । इच्चेइयं दुवालसंगं गणिपिडगं पडुप्पण्णकाले परित्ता जीवा आणाए आराहेत्ता चाउरंतं संसारकंतारं वितिवयंति । इच्चेइयं दुवालसंगं गणिपिडगं अणागए काले अणंता जीवा आणाए आराहेत्ता चाउरंतं संसारकंतारं वितिवतिस्संति । ११८. इच्चेइच्वं दुवालसंगं गणिपिडगं ण कयाइ या भवति ण कयाइ ण भविस्सति, भुविं च भवति य भविस्सति य, धुवे णिअए सासते अक्खए अव्वए अवट्ठिए णिच्चे । से जहाणामए पंचत्थिकाए णं कयाति णाऽऽसी ण कयाति णत्थि ण कयाति ण भविस्सति, भुवि च भवति य भविस्सति य, ध्रुवा णीया सासता अक्खया अव्वया अवट्टिया णिच्चा, एवामेव दुवालसंगे गणिपिडगे ण कयाइ णाऽऽसी ण कयाइ णत्थि ण कयाइ ण भविस्सति, भुविं च भवति च भविस्सति य, धुवे णिअए सासते अक्खए अव्वए अवट्ठिए णिच्चे । ११९. से समासओ चउव्विहे पण्णत्ते, तं जहा दव्वओ खेत्तओ कालओ भावओ । तत्थ दव्वओ णं सुयणाणी उवउत्ते सव्वदव्वाइं जाणइ पासइ । खेत्तओ
सुाणी उत् सव्वं खेत्तं जाणइ पासइ । कालओ णं सुयणाणी उवउत्ते सव्वं कालं जाणइ पासइ । भावओ णं सुयणाणी उवउत्ते सव्वे भावे जाणइ पासइ । १२०. अक्खर १ सण्णी २ सम्मं ३ सादीयं ४ खलु सपज्जवसियं ५ च । गमियं ६ अंगपविद्वं ७ सत्त वि एए सपडिवक्खा ॥ ८३॥ आगमसत्थग्गहणं जं बुद्धिगुणेहिं अहिं दिट्ठ | बिति सुयणाणलंभं तं पुव्वविसारया धीरा ॥ ८४॥ सुस्सूसइ १ पडिपुच्छइ २ सुणइ ३ गिण्हइ ४ य ईहए ५ यावि । तत्तो अपोहए ६ वा धारेइ ७ करेइ वा सम्म ८ ॥ ८५ ॥ मूयं १ हुंकारं २ वा बाढक्कार ३ पडिपुच्छ ४ वीमंसा ५ । तत्तो पसंगपारायणं ६ च परिणिट्ठ ७ सत्तमए ॥ ८६ ॥ सुत्तत्थो खलु पढमो १ बीओ णिज्जुत्तिमीसिओ भणिओ २ । तइओ य णिरवसेसो ३ एस विही होइ अणुओगे || ८७ || से त्तं अंगपविट्ठ १४ । से त्तं सुयणाणं । से त्तं परोक्खणाणं । ॥ से त्तं णंदी समत्ता॥ [लहुनंदी - अणुण्णानंदी । ] १. से किं तं अणुण्णा ? अणुण्णा छव्विहा पण्णत्ता, तं जहा - नामाणुण्णा १ ठवणाणुण्णा २ दव्वाणुण्णा ३ खेत्ताणुण्णा ४ कालाणुण्णा ५ भावाणुण्णा ६ । २. से किं तं नामाणुण्णा ? नामाणुण्णा जस्स णं जीवस्स वा अजीवस्स वा जीवाण वा अजीवाण वा तदुभयस्स वा तदुभयाण वा अणुण त्तिणामं करइ । से त्तं णामाणुण्णा १ । ३. से किं तं ठवणाणुण्णा ? ठवणाणुण्णा जं णं कट्टकम्मे वा पोत्थकम्मे वा लेप्पकम्मे वा चित्तकम्मे वा गंधिमे वा
Yo श्री आगमगुणमंजूषा १६५८OTYOK
[१३]
६६६६६६६