Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1786

FOTO55555555
(४३) उत्तरऽज्झयणं चिउत्थं मूलसुत्त) अ. २६, २७, २८
C虽听听听听听听听听听听听听听听听听听听听听听听听听听听听听听听听听听听听听听听听听听听听听听听听SC
५ छठें पुण धम्मचिंताए ॥३२॥ १०२८. निग्गंथो धितिमंतो निग्गंथी वि न करेज छहिं चेव । ठाणेहिं तु इमेहिं अणइक्कमणा य से होइ ॥३३॥ १०२९. आयके उवसग्गे तितिक्खया बंभचेरगुत्तीसु । पाणिदया-तवहेउं सरीरवोच्छेयणट्ठाए॥३४॥१०३०. अवसेसं भंडगं गिज्झा चक्खुसा पडिलेहए । परमद्धजोयणाओ विहारं विहरए मुणी ॥३५|| १०३२. पोरिसीए चउब्भागे वंदित्ताण तओ गुरूं । पडिक्कमित्ता कालस्स सेनं तु पडिलेहए ॥३७॥ १०३३. पासवणुच्चारभूमिं च पडिलेहेज जयं जई। काउस्सग्गं तओ कुज्जा सव्वदुक्खविमोक्खणं ।।३८॥ १०३४. देसियं च अईयारं चिंतेज अणुपुव्वसो । नाणम्मि दंसणे चेव चरित्तम्मि तहेव य॥३९ ।। १०३५. पारियकाउस्सग्गो वंदित्ताण तओ गुरुं । देसियं तु अईयारं आईयारं आलोएज्ज जहक्कम ॥४०॥ १०३६. पडिकमित्तु निस्सल्लो वंदित्ताण तओ गुरूं। काउस्सग्गं तओ कुज्जा सव्वदुक्खविमोक्खणं ॥४१॥ १०३७. पारियकाउस्सग्गो वंदित्ताण तओ गुरुं । थुइमंगलं च काऊणं कालं संपडिलेहए ॥४२॥ १०३८. पढमं पोरिसि सज्जायं, बिइए झाणं झियायई । तइयाए निद्दमोक्खं तु सज्झायं तु चउत्थिए ।॥४३॥ १०३९. पोरिसीए चउत्थीए कालं तु पडिलेहिया । सज्झायं तु तओ अबोहेतो असंजए॥४४॥ १०४०. पोरिसीए चउब्भागे वंदिऊण तओ गुरुं । पडिक्कमित्तु कालस्स कालं तु पडिलेहए।॥४५॥ १०४१. आगते कायवोसग्गे सव्वदुक्खविमोक्खणे । काउस्सगं तओ कुज्जा सव्वदुक्खविमोक्खणं ॥४६॥ १०४२. राइयं च अईयारं चितेज अणुपुव्वसो । नाणम्मि दंसणम्मी चरित्तम्मि तवम्मि य॥४७॥ १०४३. पारियकाउस्सगो वंदित्ताण तओ गुरुं । राइयं तु अईयारं आलोएज्ज जहक्कम ||४८|| १०४४. पडिक्कमित्तु निस्सल्लो वंदित्ताण तओ गुरूं। काउस्सग्गं तओ कुज्जा सव्वदुक्खविमोक्खणं ।।४९|| १०४५. 'किं तव पडिवज्जामि ?' एवं तत्थ विचिंतए । काउस्सग्गं तु पारित्ता वंदिऊण तओ गुरुं ॥५०॥ १०४६. पारियकाउस्सग्गो वंदित्ताण तओ गुरूं । तवं संपडिवज्जित्ता करेज सिद्धाण संथवं ॥५१|| १०४७. एसा सामायारी समासेण वियाहिया । जं चरित्ता बहू जीवा तिण्णा संसारसागरं ।।५२।त्ति बेमि ।। ***॥सामायारिज समत्तं ॥२६॥ *** २७ सत्तावीसइमं खलुंकियं अज्झयणं *** १०४८. थेरे गणहरे गग्गे मुणी आसि विसारए। आइन्ने गणिभावम्मि समाहिं पडिसंधए||१|| १०४९. वहणे वहमाणस्स कंतारं अइवत्तई। जोगे वहमाणस्स संसारो अइवत्तई ।।२।। १०५०. खलुंके जो उजोएइ विहम्माणो किलिस्सई। असमाहिं च वेदेति तोत्तओय से भज्जई ||३||१०५१. एगंडसइपुच्छम्मि, एगं विधइऽभिक्खणं । एगो भंजइ समिलं, एगो उप्पहपट्ठिओ ॥४॥ १०५२. एगो पडइ पासेणं, निवेसइ निविज्जई। उक्कुद्दइ उप्फिडई सढे बालगवी वए ।५।। १०५३. माई मुद्धेण पडइ, कुद्धे गच्छइ पडिपहं । मयलक्खेण चिट्ठाई, वेगेण य पहावई |६|| १०५४. छिन्नाले छिंदई सिल्लिं दुहते भंजई जुगं । से वि य सुस्सुयाइत्ता उज्जुहित्ता पलायए ॥७॥ १०५५. खलुंका जारिसा जोज्जा दुस्सीसा वि हु तारिसा । जोइया धम्मजाणम्मि भज्जती धिइदुब्बला ॥८॥ १०५६. इड्डीगारविए एगे, एगेऽत्थ रसगारवे । सायागारविए एगे, एगे सुचिरकोहणे ॥९||१०५७. भिक्खालसिए एगे. एगे ओमाणभीरुए थद्धे । एगं च अणुसासम्मी हेऊहिं कारणेहिं य ॥१०॥ १०५८. सो वि
अंतरभासिल्लो दोसमेव पकुव्वई । आयरियाणं तं वयणं पडिकूलेइ अभिक्खणं ।।११|| १०५९. 'न सा ममं वियाणाइ, न विसा मज्झ दाहिई। निग्गया होहिती मन्ने, प्र साहू अन्नोऽत्थ वच्चउ ॥१२॥ १०६०. पेसिया पलिउंचंति ते परियति समंतओ । रायवेढेि व मन्नंता करेंति भिउडिं मुहे ॥१३॥ १०६१. वाइया संगहिया चेव
भत्तपाणेण पोसिया । जायपक्खा जहा हंसा पक्कमति दिसोदिसिं ॥१४|| १०६२. अह सारही विचितेइ खलुंकेहिं समागओ। 'किं मज्झ दुट्ठसीसेहिं ? अप्पा मे अवसीयई ||१५|| १०६३. जारिसा मम सीसा उतारिसा गलिगद्दभा । गलिगद्दभे चईत्ता णं दढं पगिण्हई तवं ।।१६||' १०६४. मिउ मद्दवसंपन्नो गंभीरो सुसमाहिओ। विहरइ महिं महप्पा सीलभूएण अप्पण॥१७॥ त्ति बेमि॥★★★|| खलुंकियं समत्तं ॥२७॥★★★ २८ अट्ठावीसइमं मोक्खमग्गगतीनामं अज्झयणं
१०६५. मोक्खमग्गगई तच्चं सुणेह जिणभासियं । चउकारणसंजुत्तं नाण-दसणलक्खणं ॥१॥ १०६६. नाणं च दंसणं चेव चरित्तं च तवो तहा। एसई मग्गो त्ति पन्नत्तो जिणेहिं वरदंसिहि ।।२।। १०६७. नाणं च दंसणं चेव चरित्तं च तवो तहा। एयं मग्गमणुप्पत्ता जीवा गच्छंति सोग्गइं ||३|| १०६८. तत्थ पंचविहं है नाणं सुयं आभिनिबोहियं ओहीनाणं तइयं मणनाणं च केवलं ॥४||१०६९. एयं पंचविहं नाणं दव्वाण य गुणाण य । पज्जवाणं च सव्वेसिं नाणं नाणीहिं देसियं ॥५||
乐听听乐乐乐乐听听听听听听听听听听听听听听听听听听听听听听听听听听听听听听听听听听听听听听乐明明O
555555555
$$$$$श्री आगमगुणमंजूषा-१६६७5555555555555555555555Od