Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1776

फफफफफफफ
(४३) उत्तरऽज्झयण (चउत्थं मूलसुत्त) अ. १९ समुप्पन्ने मियापुत्ते महिड्डिए । सरई पोराणियं जाई सामण्णं च पुराकयं ॥ ९ ॥ ६१४. विसएहिं अरज्नतो रज्जतो संजमम्मिय। अम्मा- पियरं उवागम्म इमं वयणमब्बवी ||१०|| ६१५. सुयाणि मे पंच महव्वयाणि नरएस दुक्खं च तिरिक्खजोणिसु । निव्विण्णकामो मि महण्णवाओ अणुजाणह पव्वइस्सामो अम्मो ! ॥११॥ ६१६. अम्म ! ताय ! मए भोगा भुत्ता विसफलोवमा । पच्छा कडुयविवागा अणुबंधदुहावहा ||१२|| ६१७. इमं सरीरं अणिच्चं असुइं असुइसंभवं । असासयावासमिणं दुक्खकेसाण भायणं ||१३|| ६१८. असासए सरीरम्मि रई नोवलभामहं । पच्छा पुरा व चइयव्वे फेणबुब्बुयसन्निभे ॥ १४॥ ६१९. माणुसत्ते असारम्मि वाहीरोगाण आलए। जरा-मरणघत्थम्मि खणं पि न रमामहं ॥ १५ ॥ ६२०. जम्मं दुक्खं जरा दुक्खं रोगा य मरणाणि य। अहो ! दुक्खो हु संसारो जत्थ कीसंति जंतव ॥१६॥ ६२१. खेत्तं वत्युं हिरण्णं च पुत्त- दारं च बंधवा । चइत्ताणं इमं देहं गंतव्वमवसस्स मे ||१७|| ६२२. जहा किंपागफलाणं परिणामो न सुंदरो। एवं भुत्ताण भोगाणं परिणामो न सुंदरो ॥ १८ ॥ ६२३. अद्धाणं जो महंतं तु अपाहेज्नो पवज्जई । गच्छंते से दुही होइ छुहा-तण्हाए पीलिए ।। १९।। ६२४. एवं धम्मं अकाऊणं जो गच्छइ परं भवं । गच्छंते से दुही होइ वाहि-रोगेहिं पीलिए ॥२०॥ ६२५. अद्धाणं जो महंतं तु सपाहेज्जो पवज्जई। गच्छंते से सुही होइ छुहा-तण्हाविवज्जिए ||२१|| ६२६. एवं धम्मं पि काऊणं जो गच्छइ परं भवं । गच्छंते से सुही होइ अप्पकम्मे अवेयणे ||२२|| ६२७. जहा गेहे पलित्तम्मि तस्स गेहस्स जो पहू। सारभंडाणि नीणेइ असारं अवइज्झइ ||२३|| ६२८. एवं लोए पलित्तम्मि जराए मरणेण य । अप्पाणं तारयिस्सामि तुभेहिं अणुमन्निओ || २४ ॥ ६२९. तं बेंतऽम्मा -पियरो सामन्नं पुत्त ! दुच्चरं । गुणाणं तु सहस्साइं धारेयव्वाइं भिक्खुणा ||२५|| ६३०. समता सव्वभूएस सत्तु मित्तेसु वा जगे । पाणाइवायविरई जावज्जीवाए दुक्करं ||२६|| ६३१. निच्चकालऽप्पमत्तेणं मुसावायविवज्जणं । भासियव्वं हियं सच्चं निच्चाउत्तेण दुक्करं ||२७|| ६३२. दंतसोहणमाइस्स अदत्तस्स विवज्जणं । अणवज्जेसणिज्जस्स गेण्हणा अवि दुक्करं ॥२८॥ ६३३. विरई अबंभचेरस्स कामभोगरसन्नुणा । उग्गं महव्वयं बंभं धारेयव्वं सुदुक्करं ||२९|| ६३४. धण - धन्न - पेसवग्गेसु परिग्गहविवज्जणा । सव्वारंभपरिच्चाओ निम्ममत्तं सुदुक्करं ||३०|| ६३५. चउव्विहे वि आहारे राईभोयणवज्जणा । सन्निहीसंचओ चेव वज्जेयव्वो सुदुक्करं ॥ ३१ ॥ ६३६. छुहा हा सीउन्हं दंस-मसगवेयणा। अक्कोसा दुक्खसेज्जा य तणफासा जल्लमेव य ||३२|| ६३७. तालणा तज्जणा चेव वध-बंधपरीसहा। दुक्खं भिक्खायरिया जायणा य अलाभया ||३३|| ६३८. कावोया जा इमा वित्ती केसलोओ य दारुणो । दुक्खं बंभव्वयं घोरं धारेउं अमहप्पणो ||३४|| ६३९. सुहोइओ तुमं पुत्ता ! सुकुमालो य सुमज्जिओ । न हु सी पभू तुमं पुत्ता ! सामण्णमणुपालिया ||३५|| ६४०. जावज्जीवमविस्सामो गुणाणं तु महब्भरो । गरुओ लोहभारो व्व जो पुत्ता ! हो ||३६|| ६४१. आगासे गंगसोओ व्व पडिसोओ व्व दुत्तरो । बाहाहिं सागरो चेव तरियव्वो गुणोदही ||३७|| ६४२. वालुयाकवलो चेव निरस्सादे उ संजमे । असिधारागमणं चेव दुक्करं चरिउं तवो ||३८|| ६४३. अहीवेगंतदिट्ठीए चरित्ते पुत्त ! दुक्करे। जवा लोहमया चेव चावेयव्वा सुदुक्करं ||३९|| ६४४. जहा अग्गिसिहा दित्ता पाउं होइ सुदुक्करं । तह दुक्करं करेउं जे तारुण्णे समणत्तणं ॥४०॥ ६४५. जहा दुक्खं भरेउं जे होइ वायस्स कोत्थलो । तह दुक्खं करेउं जे कीवेणं समणत्तणं ॥४१॥ ६४६. जहा तुलाए तोलेउं दुक्करं मंदरो गिरी। तहा निहुय नीसंकं दुक्करं समणत्तणं ॥४२॥ ६४७. जहा भुयाहिं तरिउं जे दुक्करं रयणायरो । तहा अणुवसंतेणं दुत्तरो दमसागरो ॥४३॥ ६४८. भुंज माणुस्सए भोए पंचलक्खणए तुमं । भुत्तभोगी तओ जाया ! पच्छा धम्मं चरिस्ससि ॥४४॥ ६४९. सो बेंतऽम्मा - पियरो एवमेयं जहाफुडं । इहलोगे निप्पिवासस्स नत्थि किंचि वि दुक्करं ||४५|| ६५०. सारीर-माणसा चेव वेयणाओ अणंतसो । मए सोढाओ भीमाओ असई दुक्खभयाणि य ॥४६॥ ६५१. जरा-मरणकंतारे चाउरंते भयागरे। मए सोढाणि भीमाणि जम्माणि मरणाणि य ||४७|| ६५२. जहा इहं अगणी उण्हो एत्तोऽणंतगुणो तहिं । नरएसु वेणा उहा असाया वेदिया मए ॥४८॥ ६५३. जहा इमं इहं सीयं एत्तोऽणंतगुणं तहिं । नरएस वेयणा सीया असाया वेइया मए || ४९|| ६५४. कंदतो कंदुकुंभीसु उद्धपाओ अहोसिरो । हुयासणे जलंतम्मि पक्कपुव्वो अणंतसो ||५० || ६५५. महादवग्गिसंकासे मरुम्मि वइरवालुए। कलंबवालुयाए य दडपुव्वो अनंतसो ॥५१॥ ६५६. रसंतो कंदुकुंभीसु उद्धं बद्धो अबंधवो। करवत्त-करकयादीहिं छिन्नपुव्वो अणंतसो ।। ५२ ।। ६५७. अइतिक्खकंटकाइण्णे तुंगे सिंबलिपायवे । खेवियं पासबद्धेणं
MOR श्री आगमगुणमंजूषा १६५७ ON
[24]