Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1761

365555555555明
(४३) उत्तरऽज्झयणं (चउत्थं मूलसुत्तं) अ. २,३
五五五五五五五五五%8C
GO乐乐明明明明明明明明明明明明明明明明明明明明明明明明明明明明明明明明明明明明明明明明明明明明明明明5O
न गच्छेज्जा उठेत्ता अन्नमासणं १०॥२३।। ७२. उच्चावयाहिं सेज्जाहिं तवस्सी भिक्खुं थामवं । णाइवेलं विहन्नेज्जा पावदिट्ठी विहन्नई ॥२४॥ ७३. पइरिक्कुवस्सयं लद्धं कल्लाणं अदुव पावगं । किमेगरायं करिस्सति ? एवं तत्थऽहियासए ११ ॥२५।। ७४. अक्कोसेज परो भिक्खुं न तेसिं पडिसंजले । सरिसो होइ बालाणं तम्हा भिक्खू न संजले ॥२६।। ७५. सोच्चा णं फरुसा भासा दारुणा गामकंटगा । तुसिणीओ उवेहेज्जा न ताओ मणसीकरे १२॥२७।। ७६. हओ ण संजले भिक्खू मणं पि न पओसए। तितिक्खं परमं नच्चा भिक्खू धम्म विचिंतए॥२८॥ ७७. समणं संजयं दंतं हणेज्जा कोइ कत्थई । नत्थि जीवीस्स नासो त्ति एवं पेहेज संजए १३ ||२९|| ७८. दुक्करं खलु भो! निच्चं अणगारस्स भिक्खुणो । सव्वं से जाइयं होइ नत्थि किंचि अजाइयं ॥३०|| ७९. गोयरग्गपविट्ठस्स पाणी नो सुपसारए। सेओ अगारवासो त्ति इइ भिक्खू न चिंतए १४ ॥३१|| ८०. परेसु गासमेसेज्जा भोयणे परिनिट्ठिए । लद्धे पिंडे अलद्धे वा नाणुतप्पेज्ज पंडिए ॥३२।। ८१. अज्जेवाहं न लब्भामि अवि लाभो सुए सिया । जो एवं कडिसंचिक्खे अलाभो तं न तज्जए १५ ॥३३।। ८२. नच्चा उप्पत्तियं दुक्खं वेयणाए दुहट्टिए। अदीणो थावए पन्नं पुट्ठो तत्थऽहियासए॥३४॥ ८३. तेइच्छं नाभिनंदेज्जा संचिक्खेऽत्तगवेसए। एतं खु तस्स सामण्णं जं न कुज्जा न कारए १६॥३५।। ८४. अचेलगस्स लूहस्स संजयस्स तवस्सिणो । तणेसु सुयमाणस्स होज्जा गायविराहणा ॥३६।। ८५. आयवस्स निवारणं अतुला होइ वेयणा । एवं नच्चा न सेवेति तंतुजं तणतज्जिया १७॥३७।। ८६. किलिण्णगाते मेहावी पंकेण व रएण वा । घिसु वा परियावेणं सातं नो परिदेवए ॥३८।। ८७. वेएज्ज निज्जरापेही आरियं धम्मऽणुत्तरं । जाव सरीरभेदो त्ति जल्लं कारण धारए १८ ॥३९|| ८८. अभिवायणमब्भुट्ठाणं सामी कुज्जा निमंतणं । जे ताइं पडिसेवेति न तेसिं पीहए मुणी ॥४०|| ८९. अणुक्कसाई अप्पिच्छे अन्नातेसी अलोलुए। रसेसु नाणुगेज्झेज्जा नाणुतप्पेज्ज पण्णवं १९ ॥४१।। ९०. से नूण मए पुव्विं कम्माऽनाणफला कडा । जेणाहं नाभिजाणामि पुट्ठो केणइ कण्हुई ।।४२।। ९१. अह पच्छा उइज्जति कम्माऽनाणफला कडा । एवमासासे अप्पाणं नच्चा कम्मविवागयं २०॥४३|| ९२. निरत्थयम्मि विरओ मेहुणाओ सुसंवुडो । जो सक्खं नाभिजाणामि धम्म कल्लाणं पावयं ।।४४।। ९३. तवोवहाणमादाय पडिमं पडिवज्जओ। एवं पि विहरओ मे छउमं नो णियट्टई २१ ॥४५॥ ९४. नत्थि नूणं परे लोए इड्डी वा वि तवस्सिणो। अदुवा वंचिओ मि त्ति इइ भिक्खू न चिंतए ।।४६।। ९५. अभू जिणा अत्थि जिणा अदुवा वि भविस्सई । मुसं ते एवमाहंसु इइ भिक्खू न चिंतए २२॥४७||९६. एए परीसहा सव्वे कासवेण पवेइया । जे भिक्खू न विहण्णेज्जा पुट्ठो केणइ कण्हुइ ॥४८॥ त्ति बेमि ॥★★★॥ परीसहऽज्झयणं समत्तं ॥२॥ *** ३ तइयं चाउरंगिजं अज्झयणं *** ९७. चत्तारि परमंगाणि दुल्लहाणिह जंतुणो । माणुसत्तं सुई सद्धा संजमम्मि य वीरियं ॥१॥ ९८. समावण्णा ण संसारे नाणागोत्तासु जाइसु । कम्मा नाणाविहा कट्ट पुढो विस्संभिया पया ।।२।। ९९. एगया देवलोगेसु नरएसु वि एगया। एगया आसुरं कायं आहाकम्मेहिं गच्छई ॥३।। १००. एगया खत्तिओ होइ तओ चंडाल बोक्कसो । तओ कीड पयंगो य तओ कुंथू पिवीलिया ॥४॥ १०१. एवमावट्टजोणीसु पाणिणो कम्मकिब्बिसा । न निव्विज्जति संसारे सव्वढेसु व खत्तिया ।।५।। १०२. कम्मसंगेहिं सम्मूढा दुक्खिया बहुवेयणा । अमाणुसासु जोणीसु विणिहम्मति पाणिणो ।।६।। १०३. कम्माणं तु पहाणाए आणुपुव्वी कयाइ उ। जीवा सोहिमणुप्पत्ता आययंति मणुस्सयं ॥७॥ १०४. माणुस्सं विग्गहं लद्धं सुई धम्मस्स दुल्लहा । जं सोच्चा कडिवजति तवं खंतिमहिसयं ।।८।। १०५. आहच्च सवणं लद्धं सद्धा परमदुल्लहा। सोच्चा णेयाउयं मग्गं बहवे परिभस्सई ।।९।। १०६.सुइंच लद्धं सद्धं च वीरियं पुण दुल्लहं । बहवे रोयमाणा वि नो य णं पडिवज्जई ॥१०॥ १०७. माणुसत्तम्मि आयाओ जो धम्म सोच्च सद्दहे । तवस्सी वीरियं ल« संवुडो निद्भुणे रयं ॥११॥ १०८. सोही उज्जुयभूयस्स धम्मो सुद्धस्स चिट्ठई। निव्वाणं परमं जाइ घयसित्ते व पावए ।।१२।। १०९. विगिंच कम्मुणो हेउं जसं संचिण खंतिए । पाढवं सरीरं हेच्चा उड्ढे पक्कमई दिसं॥१३।।११०. विसालिसेहिं सीलेहिं जक्खा उत्तरउत्तरा । महासुक्का व दिप्पंता मण्णंता अप्पुच्चयं ॥१४॥ १११. अप्पिया देवकामाणं कामरूवविउव्विणो। उड्ढं कप्पेसु चिट्ठति पुव्वा वाससया बहू ॥१५|| ११२. तत्थ ठिच्चा चहाठाणं जक्खा आउक्खए चुया। उवेति माणुसं जोणिं से दसंगेऽभिजायई
US$听听听听听听听听听听听听听听听听听听听听听听听听听听听听听听听听听听听听听听听听听听听听听听听C恩
reO
$$555555555555555555 श्री आगमगुणमजूषा -१६४२555555555555555555555555555OOR