Page Text
________________
GRO
(४२) दसवेयालिय (तइयं मूलसुत्तं) ४ अज्झयणं
फफफफफफफफ
॥१३॥ ४५. अहावरे चउत्थे भंते ! महव्वए मेहुणाओ वेरमणं । सव्वं भंते! मेहुणं पच्चक्खामि, से दिव्वं वा माणुस्सं वा तिरिक्खजोणियं वा । नेव सयं मेहुणं सेवेज्जा, नेवऽन्नेहिं मेहुणं सेवावेंज्जा, मेहुणं सेवंते वि अन्ने न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि न कारवेमि करेंतं पि अन्नं न समणुजाणामि, तस्स भंते! पडिक्कमामि निंदामि गरहामि अप्पाणं वोसिरामि। चउत्थे भंते! महव्वए उवट्ठिओ मि सव्वाओ मेहुणाओ वेरमणं ॥ १४ ॥ ४६. अहावरे पंचमे भंते! महव्वए परिग्गहाओ वेरमणं । सव्वं भंते! परिग्गहं पच्चक्खामि, से अप्पं वा बहुं वा अणुं वा थूलं वा चितमंतं वा अचित्तमंतं वा । नेव सयं परिग्गह परिगेण्हेज्जा, नेवऽन्नेहिं परिग्गहं परिगेण्हावेज्जा, परिग्गहं परिगेण्हंते वि अन्ने न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि न कारवेमि करेंतं पि अन्नं न समणुजाणामि, तस्स भंते! पडिक्कमामि निंदामि गरहामि अप्पाणं वोसिरामि। पंचमे भंते! महव्वए उवडिओ मि सव्वाओ परिग्गहाओ वेरमणं ||१५|| ४७. अहावरे छट्ठे भंते ! वए राईभोयणाओ वेरमणं । सव्वे भंते! राईभोयणं पच्चक्खामि, से असणं वा पाणं खाइमं वा साइमं वा । नेव सयं राई भुंजेज्जा, नेवऽन्नेहिं राई भुंजवेज्जा, राई भुंजते वि अन्ने न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि न कारवेमि करेंतं पि अन्नं न समणुजाणामि, तस्स भंते! पडिक्कमामि निंदामि गरहामि अप्पाणं वोसिरामि । छट्ठे भंते ! वए उवट्ठिओ मि सव्वाओ राईभोयणाओ वेरमणं ||१६|| ४८. इच्चेइयाई पंच महव्वयाइं राईभोयणवेरमणछट्ठाइं अत्तहियट्टयाए उवसंपज्जित्ता णं विहरामि ||१७|| ४९. से भिक्खू वा भिक्खुणी वा संजय विरय पडिहय-पच्चक्खायपावकम्मे दिया वा राओ वा एगओ वा परिसागओ वा सुत्ते वा जागरमणे वा, से पुढविं वा भित्तिं वा सिलं वा लेलुं वा ससरक्खं वा कार्यं ससरक्खं वा वत्थं हत्थेण वा पाएण वा कट्टेण वा कलिचेण वा अंगुलियाए वा सलगाए वा सलागहत्थेण वा नाऽऽलिहेज्जा न विलिहेज्जा न घट्टेज्जा न भिदेज्जा, अन्नं नाऽऽलिहावेज्जा न विलिहावेज्जा न घट्टावेज्जा न भिंदावेज्जा अन्नं आलिहंतं वा विलिहंतं वा घट्टतं वा भिदंतं वा न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि न कारवेम करेते पि अन्नं न समणुजाणामि, तस्स भंते! पडिक्कमामि निंदामि गरहामि अप्पाणं वोसिरामि ||१८|| ५०. से भिक्खू वा भिक्खुणि वा संजय - विरयपडिय-पच्चक्खायपाव-कम्मे दिया वा राओ वा एगओ वा परिसागओ वा सुत्ते वा जागरमणे वा, से उदगं वा ओसं वा हिमं वा महियं वा करंग वा हरतणुगं वा सुद्धोदगं वा उदओल्लं वा कार्य उदओल्लं वा वत्थं ससिणिद्धं वा कार्य ससिणिद्धं वा वत्थं नाऽऽमुसेज्जा न संफुसेज्जा न आवीलेज्जा न पवीलेज्जा न अक्खोडेज्जा न पक्खोडेज्जा न आयावेज्जा न पयावेज्जा, अन्नं नाऽऽमुसावेज्जा न संफुसावेज्जा न आवीलावेज्जा न पवीलावेज्जा न अक्खोडावेज्जा न पक्खोडावेज्जा न आया वेज्जान पयावेज्जा, अन्नं आमुसंतं वा संफुसंतं वा आवीलंतं वा पवीलंतं वा अक्खोडेंतं वा पक्खोडेंतं वा आयावेंतं वा पयावेंतं वा न समणुजाणेज्ज | जावज्जीवाए तिविहं तिविहेणं, मणेणं वायाए काएणं, न करेमि न कारवेमि करेंतं पि अन्नं न समणुजाणामि, तस्स भंते! पडिक्कमामि निंदामि गरहामि अप्पाणं वोसिरामि ||१९|| ५१. से भिक्खू वा भिक्खुणी वा संजय - विरय पडिहय-पच्चक्खायपाव-कम्मे दिया वा राओ वा एगओ वा परिसागओ वा सुत्ते वा जागरमाणे वा से अगणिं वा इंगालं वा
मुरं वा अच्च वा जालं वा अलायं वा सुद्धागणिं वा उक्कं वा, न उंजेज्जा न घट्टेज्जा न उज्जालेज्जा न निव्वावेज्जा, अन्नं न उंजावेज्जा न घट्टावेज्जा न उज्जालावेज्जा न निव्वावेज्जा, अन्नं उंजंतं वा घट्टंतं वा उज्जालंतं वा निव्वावंतं वा न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि न कारवेमि करेंतं पि अन्नं न समणुजाणामि, तस्स भंते ! पडिक्कमामि निंदामि गरहामि अप्पाणं वोसिरामि ||२०|| ५२. से भिक्खू वा भिक्खुणी वा संजय - विरय पडिहयपच्चक्खायपावकम्मे दिया वा राओ वा एगओ वा परिसागओ वा सुत्ते वा जागरमणे वा, से सिएण वा विहुयणेण वा तालियंटण वा पत्तेण वा पत्तभंगेण वा साहाए वा साहाभंगेण वा पहुणेण वा पिहुणहत्थेण वा चेलेण वा चेलकण्णेण वा हत्थेण वा मुहेण वा अप्पणो वा कार्य बाहिरं वा वि पोग्गलं न फूमेज्जा न वीएज्जा, अन्नं न फूमावेजा न वीयावेज्जा, अन्नं फूमंतं वा वीयंतं वा न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि न कारवेमि करेंतं पि अन्नं न समणुजाणामि, तस्स भंते! पडिक्कमामि निंदामि गरहामि अप्पाणं वोसिरामि ॥ २१ ॥ ५३. से भिक्खू वा भिक्खुणी वा संजय विरय-पडिहय-पच्चक्खायपावकम्मे
Yo श्री आगमगुणमजूषा १६२५
[३]
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |