Page Text
________________
(३९-२) दसासुयक्खंधं कप्पसूर्य (बारसासूत्रं)
मपुणरावित्तिसिद्धिगइ-नामधेयं ठाणं संपत्ताणं, नमो जिणाणं जियभयाणं ॥ नमुत्थु णं समणस्स भगवओ महावीरस्स आइगरस्स चरमतित्थयरस्स पुव्वतित्थयरनिद्दिट्ठस्स जाव संपाविउकामस्स || वंदामि णं भगवंतं तत्थ गयं इह गए, पासइ मे भगवं तत्थ गए इह गयं तिकट्टु समणं भगवं महावीरं वंदइ नमसइ, वंदित्ता नमंसित्ता सीहासणवरंसि पुरत्थाभिमुहे सन्निसन्ने । तए णं तस्स सकस्स देविदस्स देवरन्नो अयमेआरुवे अब्भत्थिए चितिए पत्थिए मणोगए संकप्पे समुप्पज्जित्था ॥१५॥ न खलु एयं भूअं, न एवं भव्वं, न एयं भविस्सं, जं णं अरिहंता वा चक्कवट्टी वा बलदेवा वा वासुदेवा वा अंतकुलेसु वा पंतकुलेसु वा तुच्छकुलेसु वा दरिद्दकुलेसु वा विणकुलेसु वा भिक्खागकुलेसु वा माहणकुलेसु वा आयाइंसु वा आयाइंति वा आयाइस्संति वा ॥ १६ ॥ एवं खलु अरहंता वा चक्कवट्टी वा बलदेवा वा वासुदेवा वा उग्गकुलेसु वा भोगकुलेसु वा राइण्णकुलेसु वा इक्खागकुलेसु वा खत्तियकुलेसु वा हरिवंसकुलेसु वा अन्नयरेसु वा तहप्पगारेसु विसुद्धजाइ कुलवंसेसु आयाइंसु वा आयाइंति वा आयाइस्संति वा ||१७|| अत्थि पुण एसेऽवि भावे लोगच्छेरयभूए अणंताहिं उस्सप्पिणीओसप्पिणीहिं विइक्कंताहि समुप्पज्जइ, (ग्रं. १००) नामगुत्तस्स वा कम्मस्स अक्खीणस्स अवेइअस्स अणिज्जिण्णस्स उदएणं जं णं अरहंता वा चक्कवट्टी वा बलदेवा वा वासुदेवा वा अंतकुले वा पंतकुलेसु वा तुच्छकुलेसु वा दरिद्दकुलेसु वा भिक्खागकुलेसु वा किवण कुलेसु वा आयाइंसु वा आयाइंति वा आयाइस्संति वा, कुच्छिंसि गब्भत्ताए वक्कमिसु वा वक्कमति वा वक्कमिस्संति वा, नो चेव णं जोणीजम्मण-निक्खमणेणं निक्खमिसु वा निक्खमंति वा निक्खमिस्संति वा ॥ १८॥ अयं च णं समणे भगवं महावीरे id दीवे भार वासे माहणकुंडग्गामे नयरे उसभदत्तस्स माहणस्स कोडालासगुत्तस्स भारियाए देवाणंदाए माहणीए जालंधरसगुत्ताए कुच्छिंसि गब्भत्ताए वक्कंते ||१९|| तं जीअमेअं तीअपच्चुप्पन्न मणागयाणं सक्काणं देविदाणं देवरायाणं अरहंते भगवंते तहप्पगारेहिंतो अंतकुलेहिंतो पंतकुलेहिंतो तुच्छकुलेहिंतो दरिद्दकुलेहिंतो भिक्खागकुलेहिंतो किवणकुलेहिंतो तहप्पगारेसु उग्गकुलेसु वा भोगकुलेसु वा रायन्नकुलेसु नायखत्तियहरिवंसकुलेसु वा अन्नयरेसु तहप्पगारेसु विसुद्ध - जाइ कुलवंसेसु वा साहरावित्तए, तं सेयं खलु ममवि समणं भगवं महावीरं चरमतित्थयरं पुव्वतित्थयरनिद्दिवं माहणकुंडग्गामाओ नयराओ उसभदत्तस्स माणस कोडासगुत्तस्स भारियाए देवाणंदाए माहणीए जालंधरसगुत्ताए कुच्छीओ खत्तियकुंडग्गामे नयरे नायाणं खत्तियाणं सिद्धत्थस्स खत्तियस्स कासवगुत्तस्स भारियाए तिसलाए खत्तियाणीए वासिट्ठसगुत्ताए कुच्छिंसि गब्भत्ताए साहरावित्तओ । जेऽविय णं से तिसलाए खत्तियाणीए गब्भे तंपिय णं देवाणंदाए माहणीए जालंधरसगुत्ताए कुच्छिंसि गब्भत्ताए साहरावित्तए-त्तिकट्टु एवं संपेहेइ, एवं संपेहित्ता हरिणेगमेसि अग्गाणीयाहिवरं देवं सद्दावेइ, सद्दावेत्ता एवं वयासी ||२०|| एवं खलु देवाणुप्पिआ ! न एअं भूअं, न एअं, भव्वं, न एअं भविस्सं, जं णं अरिहंता वा चक्कवट्टी वा बलदेवा वा वासुदेवा वा अंतकुलेसु वा पंतकुलेसु वा किवणकुलेसु वा दरिद्दकुलेसु वा तुच्छकुलेसु वा भिक्खागकुलेसु वा आयाइंसु वा आयाइंतिवा आयाइस्संति वा, एवं खलु अरिहंता वा चक्कवट्टी वा बलदेवा वा वासुदेवा वा
कुसु वा भोगकुले वा राइण्णकुलेसु वा नायकुलेसु वा खत्तियकुलेसु वा इक्खागकुलेसु वा हरिवंसकुलेसु वा अन्नयरेसु वा तहप्पगारेसु विसुद्ध-जाइकुलवंसेसु आयाइंसु वा आयाइंति वा आयाइस्संति वा ||२१|| अत्थि पुण एसेऽवि भावे लोगच्छेरयभूए अणताहि उस्सप्पिणी ओसप्पिणीहि विइक्कताहि समुप्पज्जति, नामगुत्तस्स वा कम्मस्स अक्खीणस्स अवेइअस्स अणिज्जिण्णस्स उदएणं, जं णं अरिहंता वा चक्कवट्टी वा बलदेवा वा वासुदेवा वा अंतकुलेसु वा पंतकुलेसु वा तुच्छकुलेसु वा किवणकुलेसु वा दरिद्दकुलेसु वा भिक्खागकुलेसु वा आयाइंसु वा आयाइति वा आयाइस्संति वा कुच्छिंसि गब्भत्ताए वक्कमिसु वा वक्कमंति वा वक्कस्सिंति वा । नो चेव णं जोणीजम्मणनिक्खमणेणं निक्खमिसु वा निक्खमंति वा निक्खमिस्संति वा ॥ २२॥ अयं च णं समणे भगवं महावीरे जंबुद्दीवे दीवे भारहे वासे माहणकुंडग्गामे नयरे उसभदत्तस्स माहणस्स कोडालसगुत्तस्स भारियाए देवाणंदाए माहणीए जालंधरसगुत्ताए कुच्छिसि गब्भत्ताए वक्कंते ॥ २३ ॥ तं जीअमेअं तीअपच्चुप्पण्णमणागयाणं सक्काणं देविंदाणं देवराईणं अरहंते भगवंते तहप्पगारेहिंतो अन्तकुलेहिंतो पंतकुलेहिंतो तुच्छकुलेहिंतो किवणकुलेहिंतो दरिद्दकुलेहिंतो
श्री आगमगुणमंजूषा १५४५०
YOO
[३]
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |