Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 155

FORO55555555595
रायगडा ५.सु.अ./७ अ.कुसालपारभासय [१०]
出功$$
$
$
$$$
OR955555555555555555555555555555555555555555555555setog
से भूतिपण्णे अणिएयचारी, ओहंतरे धीरे अणंतचक्खू । अणुत्तरं तप्पति सूरिए वा, वइरोयणिदे व तमं पगासे॥६॥ ३५८. अणुत्तरं धम्ममिणं जिणाणं, णेता मुणी कासवे आसुपण्णे । इंदे व देवाण महाणुभावे, सहस्सनेता दिवि णं विसिटे ॥७॥ ३५९. से पण्णसा अक्खये सागरे वा, महोदधी वा वि अणंतपारे । अणाइले वा अकसायि मुक्के, सक्के व देवाहिपती जुतीमं ।।८।। ३६०. से वीरिएणं पडिपुण्णवीरिए, सुदंसणे वा णगसव्वसेटे । सुरालए वा वि मुदागरे से, विरायतेऽणेगगुणोववेते ॥९॥ ३६१. सयं सहस्साण उ जोयणाणं, तिगंडे से पंडगवेजयंते। से जोयणे णवणवते सहस्से, उड्ढुस्सिते हेढ़ सहस्समेगं ॥१०॥ ३६२. पुढे णभे चिट्ठति भूमिए ठिते, जं सूरिया अणुपरियट्टयंति । से हेमवण्णे बहुणंदणे य, जंसी रतिं वेदयंती महिंदा ॥११|| ३६३. से पव्वते सद्दमहप्पगासे, विरायती कंचणमट्ठवण्णे । अणुत्तरे गिरिसुय पव्वदुग्गे, गिरीवरे से जलिते व भोमे।।१२।। ३६४. महीय मज्झम्मि ठिते णगिदे, पण्णायते सूरिय सुद्धलेस्से। एवं सिरीए उस भूरिवण्णे, मणोरमे जोयति अच्चिमाली ॥१३।। ३६५. सुदंसणस्सेस जसो गिरिस्स, पवुच्चती महतो पव्वतस्स । एतोवमे समणे नायपुत्ते, जाती-जसो-दंसण-णाणसीले ॥१४|| ३६६. गिरिवरे वा निसहाऽऽयताणं, रुयगे व सेढे वलयायताणं । ततोवमे से जगभूतिपण्णे, मुणीण मज्झे तमुदाहु पण्णे ।।१५।। ३६७. अणुत्तरं धम्ममुईरइत्ता, अणुत्तरं झाणवरं झियाई। सुसुक्कसुक्कं अपगंडसुक्वं, संखेंदु वेगंतवदातसुक्कं ॥१६।। ३६८. अणुत्तरग्गं परमं महेसी, असेसकम्मं स विसोहइत्ता। सिद्धिं गतिं साइमणंत पत्ते, नाणेण सीलेण य दंसणेणं ||१७|| ३६९. रुक्खेसु णाते जह सामली वा, जंसी रतिं वेतयंती सुवण्णा। वणेसु या नंदणमाहु सेटे, णाणेण सीलेण य भूतिपन्ने ।।१८।। ३७०. थणियं व सद्दाण अणुत्तरे तु, चंदो व ताराण महाणुभागे। गंधेसुया चंदणमाहु सेटे, सेटे मुणीणं अपडिण्णमाहु ॥१९॥ ३७१. जहा सयंभू उदहीण सेटे, णागेसुई या धरणिंदमाहु सेढे । खोतोदए वा रसवेजयंते, तवोवहाणे मुणिवेजयंते ॥२०॥ ३७२. हत्थीसु एरावणमाहु णाते, सीहे मियाणं सलिलाण गंगा। पक्खीसुया गरुले वेणुदेवे, णिव्वाणवादीणिह णायपुत्ते ॥२१॥ ३७३. जोहेसु णाए जह वीससेणे, पुप्फेसु वा जह अरविंदमाहु । खत्तीण सेढे जह दंतवक्के, इसीण सेढे तह वद्धमाणे ॥२२॥ ३७४. दाणाण सेढे अभयप्पदाणं, सच्चेसु या अणवज्जं वदंति। तवेसु या उत्तमबंभचेरं, लोउत्तमे समणे नायपुत्ते ॥२३॥ ३७५. ठितीण सेट्ठा लवसत्तमा वा, सभा सुधम्मा व सभाण सेट्ठा । निव्वाणसेट्ठा जह सव्वधम्मा, ण णायपुत्ता परमत्थि णाणी॥२४॥ ३७६. पुढोवमे धुणति विगतगेहि, न सन्निहिं कुव्वति आसुपण्णे । तरितुं समुई व महाभवोघं, अभयंकरे वीरे अणंतचक्खू ।।२५।। ३७७. कोहं च माणं च तहेव मायं, लोभं चउत्थं अज्झत्थदोसा । एताणि वंता अरहा महेसी, ण कुव्वति पावं ण कारवेती ।।२६।। ३७८. किरियाकिरियं वेणझ्याणुवायं, अण्णाणियाणं पडियच्च ठाणं । से सव्ववायं इति वेयइत्ता, उवट्ठिते संजम दीहरायं ||२७|| ३७९. से वारिया इत्थि सराइभत्तं, उवहाणवं दुक्खखयट्ठयाए। लोगं विदित्ता आरं परं च, सव्वं पभू वारिय सव्ववारं ॥२८॥ ३८०. सोच्चा य धम्म अरहतभासियं, समाहितं अट्ठपओवसुद्धं । तं सद्दहता य जणा अणाऊ, इंदा व देवाहिव आगमिस्संति ॥२९।। त्ति बेमि । ★ ★ ★महावीरत्थतो सम्मत्तो। षष्ठमध्ययनं समाप्तम्॥
ज सत्तमं अज्झयणं 'कुसीलपरिभासियं ३८१. पुढवी य आऊ अगणी य वाऊ, तण-रुक्ख-बीया य तसा य पाणा । जे अंडया जे य जराउ पाणा, संसेयया जे रसयाभिधाणा ॥१॥ ३८२. एताइं कायाइं पवेदियाई, एतेसुजाण पडिलेह सायं । एतेहिं कायेहि य आयदंडे, एतेसु या विप्परियासुविति ॥२॥ ३८३. जातीवहं अणुपरियट्टमाणे, तस-थावरेहिं विणिघायमेति । से जाति-जाती बहुकूरकम्मे, जं कुव्वती मिज्जति तेण बाले ॥३।। ३८४. अस्सिं च लोगे अदुवा परत्था, सतग्गसो वा तह अन्नहा वा । संसारमावन्न परं परं ते, बंधंति वेयंति य दुणियाई ॥४॥ ३८५. जे मायरं च पियरं च हेच्चा, समणव्वदे अगणि समारभेज्जा। अहाहु से लोगे कुसीलधम्मे, भूताई जे हिंसति आतसाते ।।५।। ३८६. उज्जालओ पाण तिवातएज्जा, निव्वावओ अगणि तिवातइज्जा । तम्हा उ मेहावि समिक्ख धम्म, ण पंडिते अगणि समारभेज्जा ॥६॥ ३८७. पुढवी वि जीवा आऊ वि जीवा, पाणा य संपातिम संपयंति । संसेदया कठ्ठसमस्सिता य, एते दहे अगणि समारभंते ॥७॥ ३८८. हरिताणि भूताणि विलंबगाणि,आहारदेहाई पुढो सिताई । जे छिंदती आतसुहं पडुच्चा, पागब्भि पाणे बहुणं तिवाती ॥८॥ ३८९. जाति च वुढिंच विणासयंते, बीयादि अस्संजय आयदंडे । अहाहु से लोए अणज्जधम्मे, बीयाति जे हिंसति आयसाते ।।९।। ३९०. गब्भाइ मिज्जति बुया-ऽबुयाणा, णरा परे पंचसिहा कुमारा । जुवाणगा मज्झिम थेरगा य, चयंतिं ते आउखए पलीणा ॥१०॥ ३९१. संबुज्झहा जंतवो माणुसत्तं, दटुं भयं बालिसेणं अलंभो। एगंतदुक्खे Ter555555555555555555 श्री आगमगुणमंजूषा - ६४ 55555555555555555555
oxx