Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1523

SORS555555555555555明”
(३५) महानिसीह छेयसुत्तं (२) छ.अ.
[४९]
%%%%%%%%%%%%%F203
ICTO乐听听听听听听听听听听听听听听听听听听听听听听听听听听听听听听听听听听听听听听听听听听听听听听听乐5CM
तेण इच्छियं । एयंपि चारणसमणेहिं, बे वारा जाव सेहिओ॥२॥ ताव य गुरूस्स रयहरणं, अप्पिय तं देसंतरं गओ। एते ते गोयमोवाए, सुयनिबद्धे वियाणए ।।३।। जहाजाव गुरूणो न रयहरणं, पव्वज्जा य न अल्लिया। तावाकजं न कायव्वं, लिंगमवि जिणदेसियं ॥४।। अन्नत्थ ण उज्झियव्वं, गुरूणो मोत्तूण अंजलिं । जइ सो उवसामिउं सक्को, गुरू ता उवसामई ॥५|| अह अन्नो उवसिमउं सक्को, तोऽवी तस्स कहिज्जई । गुरूणावि तयं णऽन्नस्स, गिरा वेयव्वं कयाइऽवी ||६|| जो भवियो वीयपरमठ्ठो, जगठ्ठिइवियाणगो। एयाई तु पयाई जो, गोयमा ! णं विडंबए॥७॥ मायापवंचडंभेणं, सो भमिही आसडो जहा। भयवं ! न याणिभो कोऽवि, मायासीलो हु आसडो?||८|| किं वा निमित्तमुवचरिओ, सो भमे बहुदुहट्टिओ। चरिमस्सऽन्नस्स तित्थंमि, गोयमा ! कंचणच्छवी॥९|| आयरिओ आसि भूइक्खो, तस्स सीसो स आसडो। महव्वयाइं घेत्तूणं, अह सुत्तत्थं अहिज्जिया॥५०॥ ताव कोऊहलं जायं, णो णं विसएहिं पीडिओ। चिंतेइ य जह सिद्धते, एरिसो दंसिओ विही ।।१।। तो तस्स पमाणेणं, गुरूयणं रंजिउं दढं । तवं चऽगुणं काउं, पडणाणसणं विसं ||२|| करेहामि जहाऽहंपि, देवयाए निवारिओ । दीहाऊ णत्थि ते मच्चू, भोगे भुंज जहिच्छिए ॥३॥ लिंग गुरूस्स अप्पेठ, अन्नं देसंतरं वय । भोगहलं वेइया पच्छा, घोरवीरतवं चर ||४|| अहवा हा हा अहं मुढो, आयसल्लेण सल्लिओ। समणाणं णेरिसं जुत्तं, सयमवी मणसि धारिउं ॥५।। पच्छा उ मे पच्छितं, आलोएत्ता लहुं धरे । अहवणं णं आलोउं, मायावी भन्निमो पुणो ॥६।। ता दसवासे आयामं, मासक्खमणस्स पारणे | वीसायंबिलमादीहिं, दो दो मासाण पारणा ||७|| पणुवीसं वासे तत्थ, चंदायरेणेस य । छठ्ठठ्ठमदसमाई, अठ्ठ वासे यऽणूणगे ||८|| महघोरेरिसपच्छित्तं, सयमेवेत्थाणुचरं । गुरूपामूलेऽवि एत्थेयं, पायच्छित्तं मे ण अग्गलं ।।९।। अहवा तित्थयरेणेस, किम४ वाइओ विही ?। जेणेयमहीयमाणोऽहं, पायच्छित्तस्स मेलिओ ?||६०|| अहवा-सोच्चिय जाणेज्ज सव्वन्नू, पच्छित्तं अणुचराम्यहं । जमित्थं दुठ्ठचितिययं, तस्स मिच्छामि दुक्कडं ॥१॥ एवं तं कळं घोरं, ॥ पायच्छित्तं सयंमती। काऊणंपि ससल्लो सो, वाणमंतरियं गओ॥२॥ हिट्ठिमोवरिमगेवेयविमाणे तेण गोयमा !। वयंतो आलोइत्ता, जइ तं पच्छित्तं कुव्विया ।।३।। वाणमंतरदेवत्ता, चइऊणं गोयमा ! ऽऽसडो। रासहत्ताएँ तिरिच्छेसुं, नरिंदघरमागओ॥४॥ निच्चं तत्थ वडवाणं, संघट्टणदोसा तहिं। वसणे वाही समुप्पण्णा, किमी एत्थ समुच्छिए।।५।। तओ किमिएहिं खज्जतो, वसणदेसंमि गोयमा !! मुक्काहारो खिइं लेढे, वियणत्तो ताव साहुणो ॥६।। अदूरेण पवोलेंते, दट्ठणं जाइं सरेत्तु य । निदिउं गरहिउं आया, अणसणं पडिवज्जिया ||७|| कागसाणेहिं खज्जतो, सुद्धभावेणं गोयमा ! अरहताणंति सरमाणो, संमं उज्झिय सं तणूं ॥८॥ कालं काऊण देविंदमहाघोससमाणिओ । जाओ तं दिव्वं इडिं, समणुभोत्तुं तओ चुओ ॥९॥ उववन्नो वेसत्ताए, जा (न) सा नियडी ण पयडिया। तओवि मरिऊणं बहू, अंतपते कुलेऽडिओ ॥७०|| कालक्कमेणं महुराए, सिवइंदस्स दियायणो । सुओ होऊणं पडिबुद्धो, सामन्नं काउं निव्वुडो॥१॥ एयं तं गोयमा ! सिर्छ, नियडीपुंजं तु आसडं। जेय सव्वन्नुमुहमणिए, वयणं मणसा विडंबए॥२॥ कोऊहलेणं विसयाणं, ण उणं विसएहिं पीडिए। सच्छंदपायच्छित्तेण, भमिओ भवपरंपरं ।।३।। एयं नाऊणमिक्कंपि, सिद्धतिगमालावगं । जाणमाणो हु उम्मग्गं, कुज्जा जे सेविया ण हि ||४|| जो पुण सव्वसुयन्नाणं, अह्र वा वयणंपि वा । णच्चा वएज्ज मग्गेणं, तस्स अहो ण बज्झई, एयं नाऊण मणसावि, उम्मग्गं नो पव्वत्तए॥५|| त्ति बेमि, 'भयवं ! अकिच्चं काऊणं, पच्छित्तं जो करेज्ज वा । तस्स लट्ठयरं पुरओ, जं अकिंच्चं न कुव्वई ?||६|| ताऽजुत्तं गोयमा ! मिणमो, वयणं मणसावि धारिउं। जहा काउमकत्तव्वं, पच्छित्तेणं तु सुज्झिहं ||७|| जो एयं वयणं सोच्चा, सद्दहे अणुचरेस वा । भट्ठसीलाणं सव्वेसिं, सत्थवाहो स गोयमा ! |८|| एसो काउंपि पच्छित्तं, पाणसंदेहकारणं । आणाअवराह दीवसिहं, पविसे सलभो जहा ॥९॥ भयवं ! जो बलं विरियं, पुरिसयारपरक्कम । णिगृहंतो तवं चरइ, पच्छित्तं तस्स किं भवे ?||८०॥ तस्सेयं होइ पच्छित्तं, असढभावस्स गोयमा !। जो तं थामं वियाणेत्ता, वेरी सन्तिमवेक्खिया ॥१॥ जो बलं वीरियं सत्तं, पुरिसयारं निगूहए । सो सपच्छित्तपच्छित्तो, सढसीलो नराहमो ॥२॥ नीयागोयं दुहं घोरनरए सुक्कोसियठिति । वेदेतो तिरिजोणीए, हिंडेज्जा चउगईएँ सो ॥३|| से भयवं ! पावयं कम्मं, परं वेइय समुद्धरे । अणणुभूएण णो मोक्खं, पायच्छित्तेण किं तहिं ?||४|| गोयमा ! वासकोडीहिं, जं अणेगाहिं संचियं । तं पच्छित्तरवुपट्ठ, पावं तुहिणं व विलीयइ॥५॥ घणघोरंधयारतमतिमिस्सा, जह सूरस्स गोयमा !! पायच्छित्तरविस्सेयं, पावं कम्मं पणस्सए ।।६।। णवरं जइ तं पच्छित्तं, orc5555555555555555555555 9[ श्री आगमगुणमंजूषा - १४१०555555555555555555555555555%EGAOR
MOO乐乐明明明明明明明明明明明明明明明明明明明明明明明明明明明明明明明明明明明明明明明明明明明明明明心見