Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 150

PROTRO555555555555555
(२) सूयगडो प.सु.२. अपयालयः3/3 उपसापरिण्णा उ.१.
२
५)
5555555555$$$SFOTO
C
%%%%%%%%%%%2
%%%
%%%
एवं से उदाहु अणुत्तरनाणी अणुत्तरदंसी अणुत्तरनाणदंसणधरे अरहा णायपुत्ते भगवं वेसालीए वियाहिए ||२२|| त्ति इति कम्मवियालमुत्तमं जिणवरेण सुदेसियं सया। जे आचरंति आहियं खवितरया वइहिति ते सिवं गति॥२३|| ति बेमि। ★★★||ततिओ उद्देसओ। बितियं वेतालियं सम्मत्तं★★★।३ तइयं अज्झयणं 'उवसग्गपरिण्णा' पढमो उद्देसओ १६५. सूरं मन्नति अप्पाणं जाव जेतं न पस्सति । जुझंतं दढधम्माणं सिसुपाले व महारहं ।।१।।१६६. पयाता सूरा रणसीसे संगामम्मि उवट्ठिते । माता पुत्तं ण याणाइ जेतेण परिविच्छए ।।२।। १६७. एवं सेहे वि अप्पुढे भिक्खाचरियाअकोविए। सूरं मन्नति अप्पाणं जाव लूहं न सेवई ||३|| १६८. जदा हेमंतमासम्मि सीतं फुसति सवातगं । तत्थ मंदा विसीयंति रज्जहीणा व खत्तिया ॥४॥ १६९. पुढे गिम्हाभितावेणं विमणे सुप्पिवासिए। तत्थ मंदा विसीयंति मच्छा अपोदए जहा ॥५॥ १७०. सदा दत्तेसणा दुक्खं जायणा दुप्पणोल्लिया। कम्मत्ता दुब्भगा चेव इच्चाहंसु पुढो जणा||६|| १७१. एते सद्दे अचायंता गामेसु नगरेसुवा। तत्थ मंदा विसीयंति संगामंसि व भीरुणो॥७॥ १७२. अप्पेगे झुझियं भिक्खुं सुणी दसति लूसए। तत्थ मंदा विसीयंति तेजपुट्ठा व पाणिणो ।।८।।१७३. अप्पेगे पडिभासंति पाडिपंथियमागता । पडियारगया एते जे एते एवजीविणो॥९॥ १७४. अप्पेगे वई झुंजंति निगिणा पिंडोलगाहमा । मुंडा कंडूविणटुंगा उजल्ला असमाहिया ॥१०॥ १७५. एवं विप्पडिवण्णेगे अप्पणा तु अजाणगा। तमाओ ते तमं जंति मंदा मोहेण पाउडा ॥११|| १७६. पुट्ठो य दंस-मसएहिं तणफासमचाइया । न मे दिढे परे लोए जइ परं मरणं सिया॥१२॥ १७७. संतत्ता केसलोएणं बंभचेरपराजिया । तत्थ मंदा विसीयंति मच्छा पविट्ठा व केयणे ।।१३।। १७८. आतदंडसमायारा मिच्छासंठियभावणा | हरिसप्पदोसमावण्णा केयि लूसंतिऽणारिया ॥१४॥ १७९. अप्पेगे पलियंतंसि चारि चोरो त्ति सुव्वयं । बंधंति भिक्खुयं बाला कसायवयणेहि य ।।१५।। १८०. तत्थ दंडेण संवीते मुट्ठिणा अदु फलेण वा । णातीणं सरती बाले इत्थी वा कुद्धगामिणी ॥१६॥ १८१. एते भो कसिणा फासा फरुसा दुरहियासया। हत्थी वा सरसंवीता कीवाऽवस गता गिहं ।।१७।। ति बेमि । ★ ★ ★तृतीयस्य प्रथमोद्देशकः॥★★ * बिइओ उद्देसओ १८२. अहिमे सुहमा संगा भिक्खूणं जे दुरुत्तरा । जत्थ एगे विसीयंति ण चयंति जवित्तए ॥१॥ १८३. अप्पेगे णायओ दिस्स रोयंति परिवारिया। पोसणे तात पुट्ठोऽसि कस्स तात चयासि णे।।२।। १८४. पिता ते थेरओ तात ससा ते खुड्डिया इमा। भायरो ते सगा तात सोयरा किं चयासिणे।।३।। १८५. मातरं पितरं पोस एवं लोगो भविस्सइ । एयं खु लोइयं ताय जे पोसे पिउ-मातरं ।।४॥ १८६. उत्तरा महुरुल्लावा पुत्ता ते तात खुड्डगा । भारिया ते णवा तात मा से अण्णं जणं गमे ।।५।। १८७. एहि ताय घरं जामो मा तं कम्म सहा वयं । बीयं पि तात पासामो जामु ताव सयं गिहं ।।६।। १८८. गंतुं तात पुणाऽऽगच्छे ण तेणऽसमणो सिया। अकामगं परक्कम्म को ते वारेउमरहति ||७|| १८९. जं किंचि अणगं तात तं पि सव्वं समीकतं । हिरण्णं ववहारादी तं पि दासामु ते वयं ||८|| १९०. इच्चेव णं सुसेहति कालुणिया समुट्ठिया। विबद्धो नातिसंगेहिं ततोऽगारं पधावति ।।९।। १९१. जहा रुक्खं वणे जायं मालुया पडिबंधति । एवं णं पडिबंधंति णातओ असमाहिणा ॥१०॥ १९२. विबद्धोणातिसंगेहिं हत्थी वा वि नवग्गहे । पिट्ठतो परिसप्पंति सूतीगो व्व अदूरगा॥११||१९३. एते संगा मणुस्साणं पाताला व अतारिमा । कीवा जत्थ य कीसंति नातिसंगेहिं मुच्छिता ॥१२।। १९४. तं च भिक्खू परिणाय सव्वे संगा महासवा । जीवितं नाहिकंखेज्जा सोच्चा धम्ममणुत्तरं ॥१३॥ १९५. अहिमे संति आवट्टा कासवेण पवेदिता । बुद्धा जत्थावसप्पंति सीयंति अबुहा जहिं ॥१४॥ १९६. रायाणो रायमच्चा य माहणा अदुव खत्तिया । निमंतयंति भोगेहिं भिक्खुयं साहुजीविणं ॥१५॥ १९७. हत्थऽस्स-रह-जाणेहिं विहारगमणेहि य । भुंज भोगे इमे सग्घे महरिसी पूजयामु तं ॥१६॥ १९८. वत्थगंधमलंकारं इत्थीओ सयणाणि य। भुंजाहिमाइं भोगाई आउसो पूजयामुतं ।।१७।। १९९. जो तुमे नियमो चिण्णो भिक्खुभावम्मि सुव्वता । अगारमावसंतस्स सव्वो संविज्जए तहा॥१८॥२००. चिरं दूइज्जमाणस्स दोसो दाणिं कुतो तव । इच्चेवणं निमंतेति नीवारेण व सूयरं ।।१९।। २०१. चोदिता भिक्खुचज्जाए अचयंता
जवित्तए । तत्थ मंदा विसीयंति उज्जाणंसि व दुब्बला ॥२०॥ २०२. अचयंता व लूहेण उवहाणेण तज्जिता । तत्थ मंदा विसीयंति उज्जाणंसि जरग्गवा ||२१|| २०३. म एवं निमंतणं लद्धं मुच्छिया गिद्ध इत्थीसु । अज्झोववण्णा कामेहिं चोइज्जता गिहं गय ||२२|| त्ति बेमि ।★★★|| उवसग्गपरिणाए बितिओ उद्देसओ
सम्मत्तो||★★★तइओ उद्देसओ २०४. जहा संगामकालम्मि पिट्टतो भीरु पेहति । वलयं गहणं नूमं को जाणेइ पराजयं ||१| २०५. मुहत्ताणं मुहत्तस्स More555555555555555555 श्री आगमगुणमंजूषा - 555555555555555555555555
$555555555555%%%%%%