Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 148

(२) सूबगडो प.सु. १ - अ. समयो उ-४ / २.अ. वेयालियं उ-१-२
[३]
सदा साहू पंचसंवरसंवुडे । सितेहिं असिते भिक्खू आमोक्खाए परिव्वज्जासि ॥ १३ ॥ त्ति बेमि★★★ । पढमं अज्झयणं सम्मत्तं ॥ ★★★२ बिइयमज्झयणं 'वेयालियं' पढमो उद्देसओ 5
८९. संबुज्झह किं न बुज्झह, संबोही खलु पेच्च दुल्लभा । णो हूवणमंति रातिओ, णो सुलभं पुणरावि जीवियं ॥१॥ ९०. डहरा वुड्डा य पासहा, गब्भत्था वि चयंति माणवा । सेणे जह वट्टयं हरे, एवं आउखयम्मि तुट्टती ॥२॥ ९१. माताहिं पिताहिं लुप्पति, सुभा सुगई वि पेच्चओ । एयाइं भयाइं देहिया, आरंभा विरमेज्ज सुव्वते ||३|| ९२. जमिणं जगती पुढो जगा, कम्मेहिं लुप्पंति पाणिणो । सयमेव कडेहिं गाहती, णो तस्सा मुच्चे अट्ठवं ॥ ४ ॥ ९३. देवा गंधव्व- रक्खसा, असुरा भूमिचरा सिरीसिवा। राया नर- सेट्ठि-माहणा, ठाणा ते वि चयंति दुक्खिया ।। ५ ।। ९४. कामेहि य संथवेहि य, गिद्धा कम्मसहा कालेण जंतवो। ताले जह बंधणच्चुते, एवं आउखयम्मि तुट्टती ॥६॥ ९५. जे यावि बहुस्सुए सिया, धम्मिए माहणे भिक्खुए सिया । अभिनूमकडे हिं मुच्छिए, तिव्वं से कम्मेहिं किच्चती ||७|| ९६. अह पास विवेगमुट्ठिए, अवितिण्णे इह भासती धुवं । णाहिसि आरं कतो परं, वेहासे कम्मेहिं किच्चती ॥८॥ ९७. जइ वि य णिगिणे किसे चरे, जइ वि य भुंजिय मासमंतसो । जे इह मायाइ मिज्जती, आगंता गब्भायऽणंतसो ||९|| ९८. पुरिसोरम पावकम्मुणा, पलियंतं मणुयाण जीवियं । सन्ना इह काममुच्छिया, मोहं जंति नरा असंवुडा ।। १० । ९९. जययं विहराहि जोगवं, अणुपाणा पंथा दुरुत्तरा । अणुसासणमेव पक्कमे, वीरेहिं सम्मं पवेदियं ॥११॥ १००. विरया वीरा समुट्ठिया, कोहाकातरियादिपीसणा । पाणे ण हणंति सव्वसो, पावातो विरयाऽभिनिव्वुडा ||१२|| १०१. ण वि ता अहमेव लुप्पए, लुप्पंती लोगंसि पाणिणो । एवं सहिएऽधिपासते, अणिहे से पुट्ठोऽधियास ॥ १३ ॥ १०२. धुणिया कुलियं व लेववं, कसए देहमणासणादिहिं । अविहिंसामेव पव्वए,
धम्मो मुणिणा पवेदितो ॥१४॥ १०३. सउणी जह पंसुगुंडिया, विधुणिय धंसयती सियं रयं । एवं दविओवहाणवं, कम्मं खवति तवस्सि माहणे ||१५|| १०४. उट्ठितमणगारमेसणं, समणं ठाणठितं तवस्सिणं । डहरा बुड्ढा य पत्थए, अवि सुस्से ण य तं लभे जणा ॥१६॥ १०५. जइ कालुणियाणि कासिया, जइ रोवंति व पुत्तकारणा । दवियं भिक्खुं समुट्ठितं, णो लब्भंति ण संठवित्तए ॥१७॥ १०६. जइ वि य कामेहि लाविया, जइ णेज्जाहि ण बंधिउं घरं । जति जीवित णावकंखए, णो लब्भंति ण संठवित्तए । १८ ।। १०७. सेहंति य णं ममाइणो, माय पिया य सुता य भारिया । पासाहि ण पासओ तुमं, लोय परं पि जहाहि पोस णे ॥ १९ ॥। १०८. अन्ने अन्नेहिं मुच्छिता, मोहं जंति नरा असंवुडा । विसमं विसमेहिं गाहिया, ते पावेहिं पुणो पगब्भिता ||२०|| १०९. तम्हा दवि इक्ख पंडिए, पावाओ विरतेऽभिनिव्वुडे । पणया वीरा महाविहिं, सिद्धिपहं णेयाउयं धुवं ॥ २१ ॥ ११०. वेतालियमग्गमागओ, मण वयसा काएण संवुडो । चेच्चा वित्तं च णायओ, आरंभं च सुसंवुडे चरेज्जासि ॥२२॥त्ति बेमि । ★★★ ॥ वेतालियस्स पढमो उद्देसओ समत्तो ।। बिइओ उद्देसओ ★ ★ ★ १११. तय सं व जहाति से रयं, इति संखाय मुणी मज्जती । गोतणतरेण माहणे, अडऽसेओ अन्नेसि इंखिणी ॥ १॥ ११२. जो परिभवती परं जणं, संसारे परियत्तती महं । अदु इंखिणिया उ पाविया, इति संखाय मुणी ण मज्जती ॥२॥। ११३. जे यावि अणायगे सिया, जे वि य पेसगपेसए सिया । जे मोणपदं उवट्ठिए, णो लज्जे समयं सया चरे ॥ ३॥। ११४. सम अन्नयरम्मि संजमे, संसुद्धे समणे परिव्वए । जे आवकहा समाहिए, दविए कालमकासि पंडिए ॥४॥ ११५. दूरं अणुपस्सिया मुणी, तीतं धम्ममणागयं तहा। पुट्ठे फरुसेहिं माहणे, अवि हण्णू समयंसि रीयति || ५ | ११६. पण्णसमत्ते सदा जए, समिया धम्ममुदाहरे मुणी । सुहुमे उ सदा अलूसए, णो कुज्झे णो माणि माहणे ||६|| ११७. हुम्मसंडे, सव्वट्ठेहिं णरे अणिस्सिते । हरए व सया अणाविले, धम्मं पादुरकासि कासवं ॥ ७॥। ११८. बहवे पाणा पुढो सिया, पत्तेयं समयं उवेहिया ।
पदं वट्ठिते, विरतिं तत्थ अकासि पंडिते ॥ ८॥। ११९. धम्मस्स य पारए मुणी, आरंभस्स य अंतए ठिए। सोयंति य णं ममाइणो, नो य लभंति णियं परिग्गहं ||९|| १२०. इहलोग दुहावहं विऊ, परलोगे य दुहं दुहावहं । विद्धंसणधम्ममेव तं इति विज्जं कोऽगारमावसे ||१०|| १२१. महयं पलिगोव जाणिया, जा वि य वंदण-पूयणा इहं । सुहुमे सल्ले दुरुद्धरे, विदुमं ता पजहेज्ज संथवं ।। ११ ।। १२२. एगे चरे ठाणमासणे, सयणे एगे समाहिए सिया । भिक्खू उवधाणवीरिए, वइगुत्ते अज्झप्पसंवुडे ।।१२।। १२३. णो पीहे णावऽवंगुणे, दारं सुन्नघरस्स संजते । पुट्ठो ण उदाहरे वयिं, न समुच्छे नो य संथरे तणं ॥ १३ ॥। १२४. जत्थत्थमिए अणाउले, सम-विसमाणि मुणीऽहियासए। चरगा अदुवा वि भेरवा, अदुवा तत्थ सिरीसिवा सिया || १४ || १२५. तिरिया मणुया य दिव्वगा, उवसग्गा तिविहाऽघियासिया । श्री आगमगुणमंजूषा ५७
AIA TOUR 24 25 25 55555555555
原