Page Text
________________
(३५) महानिसीह छेयसुत्तं (२) प्र. अ.
सम्मं, नाणमहिमं ससत्तिओ । काऊणं वंदिऊणं च विहिपुव्वेण पुणोऽविय ॥२॥ परमत्थतत्तसारत्थं, सल्लुद्धरणमिमं मुणे । मुणेत्ता तहमालोए (जह आलोयंतो चेव), उप्पए केवलं नाणं ||३|| दिन्नेरिसभावत्थेहिं, नीसल्ला आलोयणा । जेणालोयमाणेण चेव, उप्पन्नं तत्व केवलं ||४|| केसिचि साहेमो नामे, महासत्ताण गोयमा ! जेहिं भावेणालोययंतेहिं, केवलनाण समुप्पायं ||५|| हाहा दुट्टु कडे साहू, हा दुट्टु विचितिरे । हा दुट्टु भाणिरे साहू हा दुट्टु मणुमते ||६|| संवेगालोयगे तहय, भावालोयणकेवली । पयखेवकेवली चेव, मुहरंतगकेवली तहा ||७|| पच्छित्तकेवली सम्म, महावेरग्गकेवली । आलोयणाकेवली तहंय, हाऽहं पावित्ति केवली ॥८॥ उम्मुत्तुम्मग्गपन्नवए, हाहा अणयारकेवली । सावज्जं न करेमित्ति, अक्खंडियसीलकेवली ||९|| तवसंजमवयसंरक्खे, निंदणे गरिहणे तहा । सव्वतो सीलसंरक्खे, कोहीपच्छित्तविय ॥७०॥ निप्परिकम्मे अकंडूयणे, अणिमिसच्छी य केवली। एगपासित्त दो पहरे, तह मूणव्वयकेवली ॥ १ ॥ न सक्को काउ सामन्नं, अणसणे ठामि केवली । नवकारकेवली तहय, तिव्वालोयणकेवली ॥२॥ निस्सल्लकेवली तहय, सल्लुद्धरणकेवली । धन्नोमित्ति संपुन्ने, सताहंपी किन्न केवली ॥३॥ ससल्लोऽहं न पारेमि, चलकठ्ठपयकेवली । पक्खसुद्धाभिहाणे य, चाउम्मासी य केवली ॥४॥ संवच्छरमहपच्छित्ते, हा चलं जीवियं तहा । अणिच्चे खणविद्धंसी, मणुयत्ते केवली तहा ||५|| आलोयनिंदवंदियए, घोरपच्छित्तदुक्करे । लक्खोवस्गपच्छित्ते, समहियासणकेवली || ६ || हत्थोसरणनिवासे य, अद्धकवलासिकेवली । एगसित्थपच्छित्ते, दसवासे केवली तहा ॥७॥ पच्छित्तावढवगे चेव, पच्छितद्धयकेवली । पच्चित्तपरिसमत्ती य, अठ्ठसंउक्कोसकेवली ||८|| न सुद्धीवि न पच्छित्ता, ता वरं खिप्पकेवली । एगं काऊ पच्छित्तं, बीयं न भवे (जहेव) केवली ||९|| तं चायरामि पच्छित्तं, जेणागच्छइ केवली । तं चायरामि जेण तवं सफलं होइ केवली ||८०|| किं पच्छित्तं चरंतोऽहं चिठ्ठे से तव केवली । जिणाणमाणं ण लंघेऽहं, पाणपरिच्चयणकेवली ॥१॥ अन्नं होही सरीरं मे, नो बेही चेव केवली । सुलद्धमिणं सरीरेणं, पावणिद्द केवली ||२|| अणाइपावकम्ममलं, निद्धोवेमीह केवली। बीयं तं न समायरिअं पमाया केवली तहा ||३|| देहे खओव (वओ) सरीरं मे, निज्जरा भवओ केवली । सरीरस्स संजमं सारं, निक्कलंकं तु केवली ॥४॥ मणसावि खंडिए सीले, पाणे ण धरामि केवली । एवं वइकायजोगेणं, सीलं रक्खे अहं केवली ||५|| एवं मा अणादीया, कालाणंते पुणो मुणी । केई आलोयणासिद्धे, पच्छित्ता केई गोयमा ! || ६ || खंता दंता विमुत्ता य, जिहंदी सच्चभासिणो । छक्कायसमारंभाउ, विरत्ते तिविहेण उ ||७|| तिदंडासवसंवरिया, इत्थिकहासंगवज्जिया । इत्थीसंलावविरया य, अंगोवंगणिरिक्खणा ||८|| निम्ममत्ता सरीरेवि, अप्पडिबद्धा महासया (यसा) । भीया इत्थिगब्भवसहीणं, बहुदुक्खाउ भवाउ तहा ||९|| ता एरिसेणं भावेण, दायव्वा आलोयणा । पच्छित्तंपिय कायव्वं तहा जहा चेव एहिं कयं ॥ ९० ॥ न पुणो तहा आलोएयव्वं, मायाडंभेण केणई। जह आलोएमाणेण, चेव संसारवुड्डी भवे ॥ १॥ अनंतेऽणाइकालाउ, अत्तकम्मेहिं दुम्मई | बहुविकप्पकल्लोले, आलोएंतावी अहो गए ॥२॥ गोयम ! केसिचि नामाई साहिमो तं निबोधय । जेसालोयणपच्छित्ते, भावसोसिक्ककलुसिए ॥३॥ ससल्ले घोरमहं दक्खं, दुरहिआसं सुदूहं । चिठ्ठति, पावकम्मे नराहमे ||४|| गुरूगासंजमे नाम, साहू निद्धधसे तहा । दिठ्ठी वायाकुसीले य, मणुकुसीले तहेव य ॥५॥ सुहुमालोयगे तहय, परववएसालोयगे तहा। किं किं चालोयगा तह य, ण किंचालोयगे तहा ||६|| अकयालोयणे चेव, जणरंजवणे तहा । नाहं काहामि पच्छित्तं, छम्मालोयणमेव य ||७|| मायादंभपवंची य, पुरकडतवचरणकहे | पच्छित्तं नत्थि मे किंचि, न कयालोयणुच्चरे ||८|| आसण्णालोयणक्खाइ, लहुपच्छित्तजायगे । अम्हाणालोइयणं चेट्टे, सुहबंधालोयगे तहा ॥९॥ गुरूपच्छित्ताहमसक्के य. गिलाणालंबणं कहे । आरभडालोयेगे साहू, सुण्णासुण्णी तहेव य ॥ १००॥ निच्छिन्नेवि य पच्छित्ते, न काहं तुठ्ठिजायगे । रंजवणमेत्त लोगाणं, वायापच्छित्ते तहा ||१|| पडिवज्जणपच्छित्ते, चिरयालपवेसगे तहा। अणणुठ्ठियपायच्छित्ते, अणुभणियऽण्णहायरे तहा ||२|| आउट्टीय महापावे, कंदप्पा दप्पे तहा । अजयणासेवणे तह य, सुयासुयपच्छित्ते तहा ॥ ३ ॥ दिट्ठपोत्ययपच्छित्ते, सयंपच्छित्तकप्पगे। एवइयं इत्थ पच्छित्तं, पुव्वालोइयमणुस्सरे ||४|| जाईमयसंकिए चेवं कुलमयसंकिए तहा । जातिकुलोभयमयासंके, सुतलाभेस्सिरियसंकिए तहा ॥५॥ तवोमए संकिए चेव, पंडिच्चमयसंकिए तहा। सक्कारमयलुद्धे य, गारवसंधूसिए ता ||६|| अपुज्नो वाविऽहं जंमे, एगज्जंमेव चिंतगे । पाविठ्ठाणंपि पावतरे, सकलुसचित्तालोगये ॥ ७॥ परकहावगे चेव, अविणयालोयगे साहू, एवमादी दुरप्परो ॥८॥ ॐ श्री आगमगुणमंजूषा १३६४
[३]
WO
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |