Page Text
________________
4G (२) स्यगडो पढमो सुयक्सधो १ अज्झयण' समयो - ( उद्देसक - १-२ )
सिरि उसहदेव सामिस्स णमो । सिरि गोडी- जिराउला सव्वोदय पासणाहाणं णमो । णमोऽत्थु णं समणस्स भगवओ महइ महावीरवद्धमाणसामिस्स | सिरि गोयम-सोहम्माइं सव्व गणहराणं णमो । सिरि सुजुरु- देवाणं णमो ॥ पंचमगणहरभयवंसिरिसुहम्मसामिविरइयं बिइयमंगं सूयगडंगसुतं ॥ पढमो सुक्खंधो || १ पढमं अज्झयणं 'समयो' पढमो उद्देसओ ॥ 55 ॥ १. बुज्झिज्ज तिउट्टेज्जा बंधणं परिजाणिया । किमाह बंधणं वीरे ? किंवा जाणं तिउट्टई ? ।।१।। २. चित्तमंतमचितं वा परिगिज्झ किसामवि । अन्नं वा अणुजाणाति एवं दुक्खा ण मुच्चइ ॥ २॥ ३. सयं तिवायए पाणे अदुवा अण्णेहिं घायए । हणतं वाणुजाणा वेरं वति अप्पणो ॥ ३॥ ४. जस्सिं कुले समुप्पन्ने जेहिं वा संवसे णरे । ममाती लुप्पती बाले अन्नमन्नेहिं मुच्छिए ॥ ४॥ ५. वित्तं सोयरिया चेव सव्वमेतं न ताणए । संखाए जीवियं चेव कम्मणा उतिउवृति ||५|| ६. एए गंथे विउक्कम्म एगे समण-माहणा। अयाणंता विउस्सिता सत्ता कामेहिं माणवा ||६|| ७. संति पंच महन्भूया इहमेगेसिमाहिया। पुढवी आऊ तेऊ वाऊ आगासपंचमा ||७|| ८. एते पंच महब्भूया तेब्भो एगो त्ति आहिया। अह एसिं विणासे उ विणासो होइ देहिणो ||८|| ९. जहा य पुढवीथूभे एगे नाणा हि दीसइ । एवं भो ! कसिणे लोए एके विज्जा णु वत्तए ॥ ९॥ १०. एवमेगे त्ति जंपंति मंदा आरंभणिस्सिया । एगे किच्चा सयं पावं तिव्वं दुक्खं नियच्छइ ॥ १०॥ ११. पत्तेयं कसिणे आया जे बाला जे य पंडिता । संति पेच्चा ण ते संति णत्थि सत्तोवपातिया ॥ ११॥ १२. णत्थि पुण्णे व पावे वा णत्थि लोए इतो परे । सरीरस्स विणासेणं विणासो होति देहिणो ॥ १२ ॥ १३. कुव्वं च कारवं चैव सव्वं कुव्वं ण विज्जति । एवं अकारओ अप्पा एवं ते उ पगब्भिया ||१३|| १४. जे ते उ वाइणो एवं लोए तेसिं कुओ सिया । तमातो ते तमं जंति मंदा आरंभनिस्सिया ||१४|| १५. संति पंच महब्भूता इहमेगेसि आहिता। आयछट्ठा पुणेगाऽऽहु आया लोगे य सासते ॥ १५॥। १६. दुहओ ते ण विणस्संति नो य उप्पज्जए असं । सव्वे वि सव्वहा भावा नियतीभावमागता ।। १६ ।। १७. पंच खंधे वय॑ते॒गे बाला उ खणजोगिणो । अन्नो अणन्नो णेवाऽऽहु हेउयं च अहेउयं ॥ १७॥ १८. पुढवी आऊ तेऊ य तहा वाऊ य एकओ। चत्तारि धाउणो रूवं एवमाहंसु जाणगा ॥ १८ ॥ १९. अगारमावसंता वि आरण्णा वा वि पव्वगा। इमं दरिसणमावन्ना सव्वदुक्खा विमुच्चती । १९ ॥ २०. ते णावि संधिं णच्चा णं न ते धम्मविऊ जणा। जे ते उ वाइणो एवं पण ते ओहंतराऽऽहिता ॥ २० ॥ २१. ते णावि संधिं णच्चा णं न ते धम्मविऊ जणा। जे ते उ वाइणो एवं ण ते संसारपारगा ॥ २१ ॥ २२. ते णावि संधिं णच्चा णं न ते धम्मविऊ जणा । जे ते उ वाइणो एवं ण ते गब्भस्स पारगा ॥ २२॥ २३. ते णावि संधिं णच्चा णं न ते धम्मविऊ जणा। जे ते उ वाइणो एवं न ते जम्मस्स पारगा ||२३|| २४. ते णावि संधि णच्चा णं न ते धम्मविऊ जणा। जे ते उ वाइणो एवं न ते दुक्खस्स पारगा ॥ २४ ॥ २५. ते णावि संधिं णच्चा णं न ते धम्मविऊ जणा। जे ते उ वादिणो एवं न ते मारस्स पारगा ||२५|| २६. णाणाविहारं दुक्खाई अणुभवंति पुणो पुणो । संसारचक्कवालम्मि वाहि मच्चु जराकुले ||२६|| २७. उच्चावयाणि गच्छंता गब्भमेस्संतऽणंतसो । नायपुत्ते महावीरे एवमाह जिणोत्तमे ॥२७॥ त्ति बेमि ॥ ★★★ । पढमज्झयणे पढमो उद्देसओ ।। बिइओ उद्देसओ ★★ ★ २८. आघायं पुण एगेसिं उववन्ना पुढो जिया । वेदयंति सुहं दुक्खं अदुवा लुप्पंति ठाणओ ॥ १ ॥ २९. न तं सयंकडं दुक्खं कओ अन्नकडं च णं । सुहं वा जइ वा दुक्खं सेहियं वा असेहियं ॥ २ ॥ ३०. न सयं कडं ण अन्नेहिं वेदयंति पुढो जिया । संगतियं तं तहा तेसिं इहमेगेसिमाहियं ||३|| ३१. एवमेताई जंपंता बाला पँडियमाणिणो । णियया ऽणिययं संतं अजाणता अबुद्धिया ॥ ४॥ ३२. एवमेगे उ पासत्था ते भुज्जो विप्पगब्भिया । एवं पुवट्ठिता संता ण ते दुक्खविमोक्खया ॥ ५॥ ३३. जविणो मिगा जहा संता परिताणेण वज्जिता । असंकियाई संकंति संकियाइं असंकिणो ||६|| ३४. परिताणियाणि संकंता पासिताणि असंकिणो । अण्णाणभयसंविग्गा संपलिति तहिं तहिं ॥ ७॥ ३५. अह तं पवेज्ज वज्झं अहे वज्झस्स वा वए। मुंचेज्ज पयपासाओ तं तु मंदे ण देहती ||८|| ३६. अहियप्पाऽहियपण्णाणे विसमंते वागते । से बद्धे पयपासेहिं तत्थ घायं नियच्छति ॥ ९ ॥ ३७. एवं तु समणा एगे मिच्छद्दिट्ठी अणारिया । असंकिताई संकंति संकिताई असंकिणो ॥ १०॥ ३८. धम्मपण्णवणा जा सा तं तु संकंति मूढगा। आरंभाई न संकंति अवियत्ता अकोविया ॥ ११॥। ३९. सव्वप्पगं विउक्कस्सं सव्वं णूमं विहूणिया । अप्पत्तियं अकम्मंसे एयमहं मिगे चुए ||१२|| ४०. जे एतं णाभिजाणंति मिच्छद्दिट्ठी अणारिया । मिगा वा पासबद्धा ते घायमेसंतऽणंतसो || १३|| ४१. माहणा समणा एगे सव्वे णा सयं वदे । सव्वलोगे वि जे पाणा न ते जाणंति किं चणं ॥ १४ ॥ ४२. मिलक्खु अमिलक्खुस्स जहा वृत्ताणुभासती । ण हेउं से
[१]
સૌજન્ય
प. पू. साध्वीश्री जीरमद्राश्री म.सा. ना शिष्या जा. प्र. पू. सा. श्री. निर्मतगुणाश्री म.सा. ना शि. जा. प्र. पू. सा. श्री. भ्योतिप्रभाश्रीक મ.સા.ની પ્રેરણાથી શ્રી. અંતરિક્ષતીર્થ ચાતુર્માસની અનુમોદનાર્થે શ્રી અંતરિક્ષ પાર્શ્વનાથ મહાજન સંસ્થાન (શીરપૂર) જી. અકોલા.
श्री आगमगुणमजूषा ५५ फ्र
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |